ខេត្តព្រះសីហនុ ៖ រថយន្ដដឹកសំរាម១គ្រឿង ខណៈបើកចុះចំណោតបុកបានជ្រុលទៅបុកម៉ូតូកង់បីដឹកព្រះសង្ឃនិមន្តទៅបិណ្ឌបាត បណ្ដាលឱ្យរងរបួសធ្ងន់ស្រាលចំនួន៥អង្គ និងជ្រុលទៅបុករថយន្ដ២គ្រឿងទៀតដែលចតនៅម្ខាងផ្លូវបណ្ដាលឱ្យខូចខាតយ៉ាងដំណំ ។ ឧប្បត្តិហេតុគ្រោះថ្នាក់នេះ កើតឡើងកាលពីវេលាម៉ោងជាង៨ព្រឹក ថ្ងៃទី១០…
ខេត្តព្រះសីហនុ ៖ រថយន្ដដឹកសំរាម១គ្រឿង ខណៈបើកចុះចំណោតបុកបានជ្រុលទៅបុកម៉ូតូកង់បីដឹកព្រះសង្ឃនិមន្តទៅបិណ្ឌបាត បណ្ដាលឱ្យរងរបួសធ្ងន់ស្រាលចំនួន៥អង្គ និងជ្រុលទៅបុករថយន្ដ២គ្រឿងទៀតដែលចតនៅម្ខាងផ្លូវបណ្ដាលឱ្យខូចខាតយ៉ាងដំណំ ។
ឧប្បត្តិហេតុគ្រោះថ្នាក់នេះ កើតឡើងកាលពីវេលាម៉ោងជាង៨ព្រឹក ថ្ងៃទី១០ ខែមិថុនា ឆ្នាំ២០២៤ នៅតាមផ្លូវអូរ២ ត្រង់ចំណុចផ្លូវចុះចំណោតពីឃ្លាំងលើ ស្ថិតក្នុងសង្កាត់លេខ៤ ក្រុងព្រះសីហនុ ។
តាមប្រភពព័ត៌មានបានឱ្យដឹងថា រថយន្ដប្រមូលសំរាមនេះ ខណៈបើកចុះពីចំណោតស្រាប់តែ
បែកកង់ខាងមុខ និងជ្រុលទៅបុកម៉ូតូកង់បីដឹកព្រះសង្ឃពីអូរបីឆ្ពោះទៅផ្សារលើ បណ្តាលឲ្យព្រះ
សង្ឃចំនួន៥អង្គរងរបួសធ្ងន់និងស្រាល និងជ្រុលទៅបុករថយន្ត២គ្រឿងទៀត ។
រថយន្តប្រមូលសំរាមដែលជួបគ្រោះថ្នាក់នេះពណ៌ខៀវ ពាក់ផ្លាកលេខ ភ្នំពេញ ២AQ-៩៨៣៤ ចំណែកម៉ូតូកង់បីដឹកព្រះសង្ឃ ពណ៌ស ពាក់ផ្លាកលេខ ភ្នំពេញ ១KQ-១០៣០ ។រីឯរថយន្ត២គ្រឿងទៀត មួយគ្រឿងម៉ាកហ្វដពណ៌ស ពាក់ផ្លាកលេខ ភ្នំពេញ ២BD-៧៣០៦ ដែលម្ចាស់ចតចូលហូបបាយ និងមួយគ្រឿងទៀតម៉ាកសាំយ៉ុង ពណ៌ខៀវ ពាក់ផ្លាកលេខ ព្រះសីហនុ ២A-០៤៦១ ។
ក្រោយកើតហេតុ ព្រះសង្ឃទាំង៥អង្គដែលរងរបួសធ្ងន់និងស្រាល ត្រូវបានបញ្ជូនទៅសង្គ្រោះនៅមន្ទីរពេទ្យបង្អែកខេត្ត ។
សូមរំឭកថា កន្លងមក រថយន្ដប្រមូលសំរាមធ្លាប់បានកៀរស្ត្រីម្នាក់ជិះម៉ូតូនៅជិតរង្វង់មូលតោ២ និងកិនបែកក្បាលស្លាប់នៅនឹងកន្លែងកើតហេតុ ៕
ចែករំលែកព័តមាននេះ