អស់លោកជ្រាបទេ! ខេត្តជើងភ្នំដងរែកមានភ្នំតូចភ្នំធំចំនួន១៨
- ឧត្តរមានជ័យ
ខេត្តឧត្តរមានជ័យ ៖ ជាខេត្តមួយស្ថិតនៅប៉ែកឧត្តរនៃប្រទេស តាមបណ្តោយជួរភ្នំដងរែកដ៏វែង
ខេត្តឧត្តរមានជ័យ ៖ ជាខេត្តមួយស្ថិតនៅប៉ែកឧត្តរនៃប្រទេស តាមបណ្តោយជួរភ្នំដងរែកដ៏វែងអន្លាយ ។ ខេត្តឧត្តរមានជ័យ មានផ្ទៃដីខ្ពង់រាប និងមានភ្នំតូច-ធំចំនួន១៨ ។ ខេត្តនេះ ខាងជើងជាប់ព្រំប្រទល់នឹងខេត្តបុរីរ៉ាំ ខេត្តសុរិន្ទ ខេត្តស៊ីសាកេត នៃប្រទេសថៃ ខាងត្បូងមានព្រំប្រទល់ជាប់នឹងខេត្តសៀមរាប ខាងកើតជាប់នឹងខេត្តព្រះវិហារ ខាងលិចជាប់នឹងខេត្តបន្ទាយមានជ័យ មានផ្ទៃដីលាតសន្ធឹងទំហំ ១.៧២២,២០គីឡូម៉ែត្រក្រឡា ។
ខេត្តឧត្តរមានជ័យ ទោះបីមានភូមិសាស្ត្រជាតំបន់នៅតាមចង្កេះភ្នំ តែនាសម័យកាលមានសន្តិភាពនេះ មានការរីកចម្រើនគួរឱ្យកត់សម្គាល់ ។ បច្ចុប្បន្នខេត្តនេះមានក្រុង១ ដែលមានសង្កាត់ចំនួន៥គឺ សង្កាត់អូរស្មាច់ សង្កាត់បន្សាយរាក់ សង្កាត់កូនក្រៀល សង្កាត់សំរោង និងសង្កាត់បុស្បូវ ។ ស្រុកចំនួន៤គឺ ស្រុកបន្ទាយអំពិល ស្រុកចុងកាល់ ស្រុកអន្លង់វែង និងស្រុកត្រពាំងប្រាសាទ ។ ប្រជាពលរដ្ឋរស់នៅក្នុងខេត្តនេះមានចំនួន ៦៥ ៧៨៥គ្រួសារ គិតជាមនុស្សរាយចំនួន ២៦៩ ៦៥៦នាក់(ស្រីចំនួន១៣៣ ៨៨៨នាក់) ដែលមានមុខរបរផ្នែក កសិកម្ម ៧០% និងមុខរបរលក់ដូរ ៣០% ។
លោក នៅ សំដារ៉ារិទ្ធ អភិបាលស្រុកបន្ទាយអំពិល ថ្លែងថា នៅក្នុងស្រុកបន្ទាយអំពិលមានភ្នំតូច-ធំចំនួន៨គឺ ជួរភ្នំដងរែក ភ្នំកូនកំព្រា ភ្នំចង្ក្រានយក្ស ពេលនេះគេធ្វើអាជីវកម្មវាយថ្មភ្នំវែង ភ្នំដី ភ្នំកំបោរ ភ្នំកូនសេក និងភ្នំរូងពស់ ។
នៅស្រុកចុងកាល់ មានភ្នំចំនួន២គឺ ភ្នំរូងដែក និងភ្នំអាតោ ដែលជាតំបន់ទេសចរណ៍ ។
នៅស្រុកអន្លង់វែងមានភ្នំចំនួន៦ ៖
-ភ្នំជញ្ជាំង ភ្នំនេះមានក្រុមហ៊ុនមួយធ្វើអាជីវ
កម្មវាយយកថ្មស្ទើររលាយអស់ទៅហើយ ។
-ភ្នំប្រចៀវខាងកើត មានគេវាយយកថ្មរលាយបាត់ស្រមោលដែរ ។
-ភ្នំប្រចៀវខាងលិចនៅគង់វង្ស ។
-ភ្នំ២០០ បានក្លាយជាតំបន់បូជនីយដ្ឋាន ដោយសារមានការកសាងវិមាន ឈ្នះ ឈ្នះ នៅលើកំពូលភ្នំ ។
-ភ្នំក្បាលទន្សោង ជាទីតាំងផ្ទះ ប៉ុល ពត ក្លាយជាតំបន់ទេសរចណ៍ និងជួរភ្នំដងរែក ។
នៅស្រុកត្រពាំងប្រាសាទមានភ្នំចំនួន៣ គឺជួរភ្នំដរែក ភ្នំពល និងភ្នំដីរាប ។
ប្រជាពលរដ្ឋមានទីលំនៅក្នុងខេត្តនេះ ដែលភាគច្រើនជាអតីតកងទ័ពខ្មែរក្រហម តែងនាំគ្នានិយាយតាមហាងកាហ្វេ ហាងគុយទាវត្អូញត្អែរពីរឿងព្រៃភ្នំដែលរលាយបន្តិចម្តងៗ ។ បុរសវ័យចំណាស់ម្នាក់ បានរៀបរាប់ថា នៅខេត្តឧត្តរមានជ័យសម្បូរទៅដោយភ្នំ រ៉ែ បឹងបួ ជាពិសេសព្រៃឈើជាសម្បត្តិធម្មជាតិដ៏ស្រស់ស្អាត មានពណ៌ខៀវស្រងាត់ ។ បើសម្លឹងមើលទៅហាក់បីដូចរលកទឹកសមុទ្រមានដើមឈើធំៗជាជម្រកសត្វគ្រប់ប្រភេទជ្រកកោន ។
ប៉ុន្តែបច្ចុប្បន្ននេះ ភ្នំនិងរ៉ែ ត្រូវបានក្រុមហ៊ុនមួយចំនួនធ្វើអាជីវកម្មវាយយកថ្មស្ទើរតែរលាយអស់ទៅហើយ ។ ដោយឡែកព្រៃធម្មជាតិតំបន់ព្រៃស្រោង ជាតម្រូវការរបស់មនុស្ស និងសត្វបានក្លាយទៅជាព្រៃរហោឋាន ស្ទើរអស់ទៅហើយគួរឲ្យសោកស្តាយ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ