ខេត្តព្រះសីហនុ ៖ បុគ្គលិក និងកម្មករក្នុងកប៉ាល់ដឹកទំនិញមកពីប្រទេសថៃប្រមាណ១០នាក់ ត្រូវបានអូរបរល្បឿនលឿនរបស់អ្នកឧកញ៉ា ទៀ វិចិត្រ ក្រុមសង្គ្រោះរបស់អាជ្ញាធរមូលដ្ឋានជួយសង្គ្រោះបានទាន់ពេលវេលា បន្ទាប់ពីកប៉ាល់ដឹកទំនិញរងគ្រោះបានជួបឧបទ្ទវហេតុខ្យល់ព្យុះ បណ្ដាលឲ្យលិច…
ខេត្តព្រះសីហនុ ៖ បុគ្គលិក និងកម្មករក្នុងកប៉ាល់ដឹកទំនិញមកពីប្រទេសថៃប្រមាណ១០នាក់ ត្រូវបានអូរបរល្បឿនលឿនរបស់អ្នកឧកញ៉ា ទៀ វិចិត្រ ក្រុមសង្គ្រោះរបស់អាជ្ញាធរមូលដ្ឋានជួយសង្គ្រោះបានទាន់ពេលវេលា បន្ទាប់ពីកប៉ាល់ដឹកទំនិញរងគ្រោះបានជួបឧបទ្ទវហេតុខ្យល់ព្យុះ បណ្ដាលឲ្យលិច កាលពីវេលាថ្ងៃត្រង់ថ្ងៃ៩ មិថុនា ២០២៤ ត្រង់ចំនុចកោះរ៉ុង (ចន្លោះកោះវ៉ាង និងកោះម្នាស់)។
យោងតាមប្រភពព័ត៌មានបឋមកប៉ាល់ដែលលិចនេះ បណ្ដោយ៤៩ ម៉ែត្រ ទទឹង១៥ម៉ែត្រ ជម្រៅទឹកជាង៣ម៉ែត្រ នៅនាវាដឹកទំនិញ(កុងតឺនឺ)មានមនុស្សចំនួន១០នាក់ ជាជនជាតិថៃត្រូវបានជួយសង្គ្រោះទាំងស្រុង ដោយទូកនេសាទ នៅជិតកន្លែងកើតហេតុ និងបាននាំមកកាន់ដីគោក ក្រុងព្រះសីហនុ តាមអូរប័រល្បឿនលឿនរបស់អ្នកឧកញ៉ា ទៀ វិចិត្រ ដោយសុវត្ថិភាព ដោយមានការចូលរួមពីកម្លាំងទីបញ្ជាការជួរមុខអគ្គលេខាធិការដ្ឋានគណកម្មាធិការជាតិសន្តិសុខលម្ហសមុទ្រ រួម និងសមត្ថកិច្ចចំរុះអាជ្ញាធររដ្ឋបាលខេត្តព្រះសីហនុ ព្រមទាំងកំពង់ផែស្វ័យយ័ត្នក្រុងព្រះសីហនុ ។
លោកម៉ាង ស៊ីណេត អភិបាល រងខេត្តព្រះសីហនុក្នុងនាមថ្នាក់ដឹកនាំរដ្ឋបាលខេត្តឲ្យដឹងថា ក្រោយទទួលបានដំណឹងនេះ អាជ្ញាធររដ្ឋបាលខេត្តព្រះសីហនុ រួម និងសមត្ថកិច្ចចំរុះ និងផ្នែកពាក់ពន្ធ័បានយកចិត្តទុកដាក់ក្នុងការជួយសង្គ្រោះក្នុងនោះអ្នកបើកបរកប៉ាល់ និងអ្នកបម្រើការសរុបចំនួន១០នាក់ ត្រូវបានជួយសង្គ្រោះនាំមកដីគោកក្រុងព្រះសីហនុ ដោយសុវត្ថិភាពមិនមានម្នាក់ណារងគ្រោះថ្នាក់ដល់ជីវិតឡើយ ដោយសារតែការជួយសង្គ្រោះទាន់ពេល ពីពលរដ្ឋអ្នកនេសាទយើងរួម និងសមត្ថកិច្ចព្រមទាំងក្រុមសង្គ្រោះស្ម័គ្រចិត្តរបស់អ្នកឧកញ៉ាទៀ វិចិត្រ ហើយពេលនាំមកដល់ដីគោក អជ្ញាធររដ្ឋបាលខេត្តរួម និងខាងកំពង់ផែស្វយ័ត ក្រុងព្រះសីហនុផងបានចាត់ចែងបញ្ជូនជនរងគ្រោះជនជាតិថៃទាំង១០រូប ទៅពិនិត្យសុខភាព រៀបកន្លែងស្នាក់នៅនិងផ្តល់ម្ហូបអាហារដោយមនុស្សធម៍ ។
ជនរងគ្រោះចំនួន ១០នាក់នោះ មានឈ្មោះដូចខាងក្រោម ៖
១.ឈ្មោះ MR.SOPON WANTONG ភេទប្រុស អាយុ ៦៣ឆ្នាំ ជនជាតិថៃ
២.ឈ្មោះ MR.SORASAK SASRIMUANG ភេទប្រុស អាយុ ៦៥ឆ្នាំ ជនជាតិថៃ
៣.ឈ្មោះ MR.SANTINA NAGARA ភេទប្រុស អាយុ ៦៩ ឆ្នាំ ជនជាតិថៃ
៤.ឈ្មោះ MR.PREECHA PANCHOO ភេទប្រុស អាយុ ៦៩ឆ្នាំ ជនជាតិថៃ
៥.ឈ្មោះ MR.PRAKOB VECHKIT ភេទប្រុស អាយុ ៧៧ឆ្នាំ ជនជាតិថៃ
៦.ឈ្មោះ MR.ADISAK BOONKUN ភេទប្រុស អាយុ ៦០ឆ្នាំ ជនជាតិថៃ
៧.ឈ្មោះ MR.DAURANG PALNAK ភេទប្រុស អាយុ ៥៤ឆ្នាំ ជនជាតិថៃ
៨.ឈ្មោះ MR.SANTI BOONYA ភេទប្រុស អាយុ ៣៦ឆ្នាំ ជនជាតិថៃ
៩.ឈ្មោះ MR.ARICHAI JAIRAK ភេទប្រុស អាយុ ២៦ឆ្នាំ ជនជាតិថៃ
១០.ឈ្មោះ MR.WORRATHUN CHIMSAWAT ភេទប្រុស អាយុ ៣៦ឆ្នាំ ជនជាតិថៃ ។
នៅក្នុងឱកាសនោះ បុរសអ្នកបើកបរកប៉ាល់ដឹកទំនិញថៃដែលរងគ្រោះនេះ បានថ្លែងអំណរគុណដល់អាជ្ញាធរប្រទេសកម្ពុជា និងអ្នកជួយសង្គ្រោះទាំងអស់ដែលបានជួយក្រុមនាវិកលើកប៉ាល់នេះ រួចផុតពីគ្រោះថ្នាក់ ៕
ចែករំលែកព័តមាននេះ