ជាតារាស្រីហុងកុងជួរមុខ មានលុយខាប់ជាងទឹកគ្រឿង តែការពិតនាង Charmaine Sheh ដែលជាតួឯកស្រីក្នុងរឿង «រាជនីសារព័ត៌មាន» ធ្លាប់ធ្លាក់ខ្លួនវ័ណ្ឌ.កនឹងបំណុលរហូតត្រូវដើរខ្ចីលុយគេមកដោះបំណុល ។ ប្រាកដណាស់…
ជាតារាស្រីហុងកុងជួរមុខ មានលុយខាប់ជាងទឹកគ្រឿង តែការពិតនាង Charmaine Sheh ដែលជាតួឯកស្រីក្នុងរឿង «រាជនីសារព័ត៌មាន» ធ្លាប់ធ្លាក់ខ្លួនវ័ណ្ឌ.កនឹងបំណុលរហូតត្រូវដើរខ្ចីលុយគេមកដោះបំណុល ។
ប្រាកដណាស់ នៅពេលនិយាយដល់ឈ្មោះ Charmaine Sheh នរណាក៏ស្គាល់នាងថា ជាតួអង្គ បង Man ក្នុងសាច់រឿង «រាជនីសារព័ត៌មាន» ដែលបងប្អូនទស្សនិកខ្មែរជាច្រើនធ្លាប់បានទស្សនាហើយ ។ អ្នកគាំទ្រមួយចំនួនធ្លាប់តែបានឃើញតារាសម្តែងហុងកុងដ៏ល្បីល្បាញ បង Man តួស្រីក្នុងរឿង «រាជិនីសារព័ត៌មាន» ឬ ហៅជាភាសាអង់គ្លេសថា The Queen of News មានជីវិតជោគជ័យជាច្រើននៅក្នុងអាជីព តែការពិតនាងធ្លាប់ធ្លាក់ខ្លួនដើរខ្ចីលុយពីម្តាយ និងមិត្តភក្តិផងដែរ ។
តារាសម្តែងហុងកុង Charmaine Sheh បានទម្លាយដោយឥតលាក់លៀម ក្រោយខ្លួនត្រូវសងបំណុលគេដែលកើតចេញពីការវិនិយោគភាគហ៊ុនមិនជោគជ័យ ។ បង Man តួឯកស្រីល្បីឈ្មោះក្នុងរឿងរាជិនីសារព័ត៌មានបានរំឮកថា ការវិនិយោគភាគហ៊ុនពិតជាទាក់ទាញខ្លាំងណាស់ ព្រោះវាអាចរកបានប្រាក់ចំណេញ នៅពេលដែលនាងបានចូលក្នុងឧស្សាហកម្មកម្សាន្តក្នុងឆ្នាំ 1998 ។
នាង Sheh បានរំលឹកឡើងវិញ ពីការវិនិយោគលើភាគហ៊ុន និងបានជួបប្រទះការខាតបង់យ៉ាងច្រើនចំនួនជាង 200,000ដុល្លារហុងកុង (25,600 ដុល្លារអាមេរិក) ដែលធ្វើឲ្យនាងលើសលប់ផ្នែកហិរញ្ញវត្ថុ ។
នាងបានសារភាពថា នាងត្រូវបង្ខំឱ្យខ្ចីប្រាក់ពីម្តាយនាង ដើម្បីគ្រប់គ្រងបំណុលទាំងនេះ។ ខណៈពេលនោះ នាងកំពុងតែជាប់ផុងនឹងបំណុល បង Man ក៏ត្រូវបានប្រឈមមុខនឹងរឿងបង់ពន្ធជាច្រើនទៀត ព្រោះពេលនោះ គឺដល់រដូវកាលត្រូវបង់ពន្ធច្រើនមុខនៅជិតដំណាច់ឆ្នាំ បណ្តាលអោយនាងកាន់តែវ័ណ្ឌកនឹងសម្ពាធផ្នែកហិរញ្ញវត្ថុបន្ថែម ។ ដោយមានអារម្មណ៍ខ្មាស់អៀនខ្លាំង ក្នុងការសុំលុយបន្ថែមពីម្ដាយ នាងបានងាកទៅរកមិត្តភក្ដិរបស់នាង ដើម្បីរកជំនួយក្នុងដោះស្រាយវិបត្តិហិរញ្ញវត្ថុរបស់នាង ។
បង Man ឬអ្នកនាង Sheh បានសម្រេចចិត្តថា នឹងមិនវិនិយោគលើភាគហ៊ុនម្តងទៀតទេ ហើយបានសង្កត់ធ្ងន់លើមេរៀនដ៏សំខាន់ដែលនាងបានរៀនអំពីសារសំខាន់នៃការសន្សំបន្ទាប់ពីបញ្ហារបស់នាង ។
យ៉ាងណាមិញ មិនមែនមានតែបង Man ដែលធ្លាប់ផុងខ្លូននឹងបំណុលដោយសារតែទីផ្សារភាគហ៊ុននោះទេ តែមានមនុស្សនិងតារាជាច្រើនទៀតធ្លាប់ពើបប្រទះនូវវិបត្តិហិរញ្ញវត្ថុដោយសារតែចាញ់ផ្សារហ៊ុនផងដែរ ។
ជាក់ស្តែង ឆ្លើយតបទៅនឹងបទពិសោធន៍របស់បង Men តារាស្រីហុងកុងម្នាក់ទៀត គឺ Lau ក៏បានចែករំលែកថា នាងបានរៀនមេរៀនលំបាកពីការផ្សងព្រេងលេងទីផ្សារភាគហ៊ុនផ្ទាល់ខ្លួនរបស់នាង ។ តារាស្រីទាំងពីរឥឡូវមានទ្រព្យសម្បត្តិច្រើនសន្ធឹកសន្ធាប់ ។ បង Man ឬ អ្នកនាង Sheh កាន់កាប់អចលនទ្រព្យចំនួន5នៅទូទាំងទីក្រុងហុងកុង ជាមួយនឹងតម្លៃទីផ្សាររួមគ្នាចំនួន180លានដុល្លារហុងកុង ។ សូមបញ្ជាក់ថា តារាសម្តែងស្រីហុងកុង អ្នកនាង Sheh ឬ បង Man ឆ្នាំ២០២៤ នេះគឺមាន វ័យ49ឆ្នាំ ។
នាងបានចាប់ផ្តើមអាជីពសិល្បៈដំបូង ជាស្រីស្រស់ប្រកួតសម្រស់ រហូតនាងដណ្តើមបានតំណែងជាជើងឯករងទី១ ក្នុងការប្រលងបវរកញ្ញាហុងកុងក្នុងឆ្នាំ 1997 ហើយបានលេចធ្លោយ៉ាងឆាប់រហ័សជាមួយ TVB ដោយបានបង្ហាញខ្លួននៅក្នុងរឿងភាគដ៏ពេញនិយមដូចជា« War and Beauty » « Beyond the Realm of Conscience » ។
ចែករំលែកព័តមាននេះ