ឡានធុនធំកំពុងបើកបរ ស្រាប់តែផ្ទុះកង់ត្រូវចំអ្នកដំណើរឪពុកនិងកូន របួ.សធ្ងន់ស្រាល
- បន្ទាយមានជ័យ
ខេត្តបន្ទាយមានជ័យ ៖ រថយន្តធុនធំកំពុងបើកបរផ្ទុះកង់ចំអ្នកដំណើរ២នាក់ឪពុកនិងកូនកំពុងជិ
ខេត្តបន្ទាយមានជ័យ ៖ រថយន្តធុនធំកំពុងបើកបរផ្ទុះកង់ចំអ្នកដំណើរ២នាក់ឪពុកនិងកូនកំពុងជិ
ខេត្តបន្ទាយមានជ័យ ៖ រថយន្តធុនធំកំពុងបើកបរផ្ទុះកង់ចំអ្នកដំណើរ២នាក់ឪពុកនិងកូនកំពុងជិះម៉ូតូមួយគ្រឿង បណ្តាលឱ្យរបួសធ្ងន់ស្រាល២នាក់ ហើយរថយន្តបង្កបើកទៅបាត់ ។
ហេតុការណ៍ខាងលើនេះបានកើតឡើងកាលពីយប់ថ្ងៃទី៤ ខែមិថុនា ឆ្នាំ២០២៤ នៅចំណុចបង្គោលម៉ែត្រ៤០៣ ស្ថិតភូមិឈ្នួរមានជ័យ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ។
តាមការរៀបរាប់ពីកូនប្រុសបានឱ្យដឹងថា មុនពេលកើតហេតុ គាត់ និងឪពុកបានជិះម៉ូតូមួយគ្រឿង ដោយឪពុកជាអ្នកបើកបរ បានធ្វើដំណើរពីខេត្តបន្ទាយមានជ័យ ក្នុងគោលបំណងទៅខេត្តសៀមរាបនៅពេលយប់ ហើយក៏មានរថយន្តធុនធំ១គ្រឿងមិនស្គាល់ម៉ាក់និងផ្លាកលេខ បានបើកបរបញ្ច្រាសទិសគ្នាពីខេត្តសៀមរាបមកខេត្តបន្ទាយមានជ័យ ស្រាប់តែផ្ទុះកង់មិនដឹងខាងមុខឬខាងក្រោយនោះទេ លាន់សូរផោងត្រូវចំឪពុកដែលកំពុងបើកបរម៉ូតូ បណ្តាលឱ្យដួលបោកក្បាលទៅលើដងផ្លូវសន្លប់ស្តូកស្តឹង ។
លោកវរៈសេនីយ៍ទោ ផ្លឹង វិចិត្រ អធិការរងទទួលផ្នែកនគរបាលចរាចរណ៍ស្រុកព្រះនេត្រព្រះបានឱ្យដឹងថា ក្រោយពេលគ្រោះថ្នាក់ចរាចរណ៍កើតឡើង បានឱ្យមន្ត្រីនគរបាលប៉ុស្តិ៍រដ្ឋបាលឃុំឈ្នួរមានជ័យនៅក្បែរចុះដល់មុន ហើយមន្ត្រីជំនាញចុះទៅតាមក្រោយ ដើម្បីពិនិត្យ គឺគ្រោះថ្នាក់នេះកើតឡើងបង្កដោយរថយន្តធុនធំដឹកធ្ងន់ផ្ទុះកង់ចំអ្នកជិះម៉ូតូឌុបគ្នាឪពុកកូន បណ្តាលឪពុករបួសធ្ងន់សន្លប់ស្តូកស្តឹងនិងកូនប្រុសអង្គុយក្រោយរបួសស្រាល ហើយរថយន្តបង្កបើកបន្តទៅមុខបាត់ កំពុងត្រូវបានទំនាក់ទំនងឱ្យកម្លាំងខាងមុខត្រួតពិនិត្យ តែមិនទាន់ចាប់បាននៅឡើយទេ។
លោកបានបញ្ជាក់ថា ចំពោះឪពុកដែលរបួសធ្ងន់ត្រូវបានដឹកទៅកាន់មន្ទីពេទ្យបង្អែកស្រុកព្រះនេត្រព្រះហើយកម្លាំងជំនាញកំពុងទំនាក់ទំនង់ទៅសាច់ញាតិនៅខេត្តសៀមរាបរឺឯម៉ូតូរងគ្រោះត្រូវបានយកទៅរក្សាទុកនៅអធិការដ្ឋាននគរបាលស្រុកព្រះនេត្រព្រះ ៕
ចែករំលែកព័តមាននេះ