ខេត្តពោធិ៍សាត់ ៖ កម្លាំងអធិការនគរបាលក្រុងពោធិ៍សាត់ បានធ្វើការឃាត់ខ្លួនក្មេងទំនើ.ងចំនួន០៦នាក់ ក្នុងចំណោម ៨នាក់ ដែលបានធ្វើសកម្មភាពយកដុំថ្មដេញគ.ប់អ្នកជិះម៉ូតូពេលយប់ បណ្តាលអោយខូចខាតម៉ូតូ កាលពីវេលាម៉ោង១និង៣៥នាទី រំលងអធ្រាត្រ…
ខេត្តពោធិ៍សាត់ ៖ កម្លាំងអធិការនគរបាលក្រុងពោធិ៍សាត់ បានធ្វើការឃាត់ខ្លួនក្មេងទំនើ.ងចំនួន០៦នាក់ ក្នុងចំណោម ៨នាក់ ដែលបានធ្វើសកម្មភាពយកដុំថ្មដេញគ.ប់អ្នកជិះម៉ូតូពេលយប់ បណ្តាលអោយខូចខាតម៉ូតូ កាលពីវេលាម៉ោង១និង៣៥នាទី រំលងអធ្រាត្រ ឆ្លងចូលថ្ងៃទី៣ ខែមិថុនា ឆ្នាំ២០២៤ ត្រង់ចំណុចផ្លូវកៅស៊ូ ស្ថិតក្នុងភូមិអូរបាក្រង សង្កាត់បន្ទាយដី ក្រុងពោអិ៍សាត់ ខេត្តពោធិ៍សាត់ ។
សមត្ថកិច្ចអោយដឹងថា នៅយប់កើតហេតុនោះគេឃើញក្មេងទំនើ.ងចំនួន០៨នាក់ ជិះម៉ូតូ០៣គ្រឿងធ្វើសកម្មភាពយកដុំថ្មគ.ប់ទៅលើអ្នកជិះម៉ូតូ បណ្តាលអោយរងរបួស និងខូចខាតម៉ូតូ រួចហើយជិះម៉ូតូគេចខ្លួនបាត់ ។
លុះព្រឹកឡើងថ្ងៃទី០៣ ខែមិថុនា ឆ្នាំ២០២៤ ជនរងគ្រោះបានមកដាក់ពាក្យបណ្តឹងនៅអធិការដ្ឋាននគរបាលក្រុងពោធិ៍សាត់ ទើបសហការជាមួយនគរបាលប៉ុស្តិ៍រដ្ឋបាលផ្ទះព្រៃ ឈានទៅឃាត់ខ្លួនបានចំនួន០៦នាក់ ខណៈ០២នាក់ទៀតកំពុងបន្តស្រាវជ្រាវ ។
ក្មេងទំនើ.ងប្រុសៗទាំង០៦នាក់ ៖ ១-ឈ្មោះ ឆែម រ៉ាវិត អាយុ១៧ឆ្នាំ រស់នៅភូមិកោះ សង្កាត់លលកស ក្រុងពោធិ៍សាត់,២- ឈ្មោះ ម៉ម ប៊ុនសេង អាយុ១៩ឆ្នាំ មុខរបរជាងភ្លើង រស់នៅភូមិព្រែកត្នោត សង្កាត់រលាប, ៣-ឈ្មោះ កៅ វាសនា អាយុ១៥ឆ្នាំ មុខរបរជាងភ្លើង រស់នៅភូមិប្រឡាយធំ ឃុំវាល ស្រុកកណ្តៀង,៤-ឈ្មោះ មុំ ភារ៉ាត់ អាយុ២០ឆ្នាំ រស់នៅភូមិស្វាយអាត់ សង្កាត់ស្វាយអាត់, ៥-ឈ្មោះ ប៊ុត វឌ្ឍនៈបញ្ញា អាយុ១៦ឆ្នាំ រស់នៅភូមិកញ្ជើរបាយដាច ឃុំវាល ស្រុកកណ្ដៀង និងទី៦ ឈ្មោះ ម៉ាត់ គីរីន អាយុ១៨ឆ្នាំ រស់នៅភូមិកំពង់ឡ ឃុំកំពង់ពោធិ៍ ស្រុកក្រគរ ខេត្តពោធិ៍សាត់ ។
បច្ចុប្បន្នជនសង្ស័យជាក្មេងទំនើ.ងទាំង០៦នាក់ ឃាត់ខ្លួនបណ្តោះអាសន្ន ហើយសមត្ថកិច្ចកំពុងសាកសួរនៅអធិការដ្ឋាននគរបាលក្រុងពោធិ៍សាត់ ដើម្បីចាត់ការទៅតាមនិតិវិធី ៕
ចែករំលែកព័តមាននេះ