ខេត្តពោធិ៍សាត់ ៖ កម្លាំងនគរបាលប៉ុស្ដិ៍រដ្ឋបាលអន្សាចំបក់ សហការជាមួយកម្លាំងជំនាញ នៃអធិការដ្ឋាននគរបាលស្រុកក្រគរ បានធ្វើការឃាត់ខ្លួនជនសង្ស័យម្នាក់ នៅក្នុងផ្ទះ និងដកហូតវត្ថុតាងមួយចំនួន ខណៈចុះបង្ក្រាបជាក់ស្ដែងករណីគ្រឿងញៀន កាលពីវេលាម៉ោង១៦និង២៨នាទីរសៀលថ្ងៃទី០២…
ខេត្តពោធិ៍សាត់ ៖ កម្លាំងនគរបាលប៉ុស្ដិ៍រដ្ឋបាលអន្សាចំបក់ សហការជាមួយកម្លាំងជំនាញ នៃអធិការដ្ឋាននគរបាលស្រុកក្រគរ បានធ្វើការឃាត់ខ្លួនជនសង្ស័យម្នាក់ នៅក្នុងផ្ទះ និងដកហូតវត្ថុតាងមួយចំនួន ខណៈចុះបង្ក្រាបជាក់ស្ដែងករណីគ្រឿងញៀន កាលពីវេលាម៉ោង១៦និង២៨នាទីរសៀលថ្ងៃទី០២ ខែមិថុនា ឆ្នាំ២០២៤ ។
សមត្ថកិច្ចឲ្យដឹងថា ជនសង្ស័យដែលឃាត់ខ្លួននេះឈ្មោះ ឈុំ ឆុន ភេទប្រុស អាយុ២៩ឆ្នាំ ជនជាតិខ្មែរ មានទីលំនៅភូមិខ្សាច់ល្អិត ឃុំអន្សាចំបក់ ស្រុកក្រគរ ខេត្តពោធិ៍សាត់ ។
ដកហូតវត្ថុតាងរួមមាន ម្ស៉ៅក្រាមពណ៌សថ្លា សង្ស័យជាសារធាតុញៀនចំនួន ២៦កញ្ចប់ ទម្ងន់២,៧០ក្រាម (ថ្លឹងសាច់ថ្នាំសុទ្ធ), ទូរសព្ទដៃ០១គ្រឿង, អំពូលសម្រាប់ជក់ថ្នាំញៀន ចំនួន០១ និងប្រអប់ពណ៌ស សម្រាប់ដាក់ថ្នាំញៀន ចំនួន០១ ។
បច្ចុប្បន្ន ជនសង្ស័យ និងវត្ថុតាងខាងលើ សមត្ថកិច្ចជំនាញបានកសាងសំណុំរឿង បញ្ជូនទៅតុលាការ ដើម្បីចាត់ការបន្តតាមនីតិវិធី ៕
ចែករំលែកព័តមាននេះ