បើតាមសេចក្តីរាយការណ៍បានឱ្យដឹងថា មានករណីអគ្គិភ័យឆាបឆេះផ្ទះអាជីវករលក់ហ្គាសមួយកន្លែង បង្កឱ្យមានការភ្ញាក់ផ្អើលកាលពី
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា មានករណីអគ្គិភ័យឆាបឆេះផ្ទះអាជីវករលក់ហ្គាសមួយកន្លែង បង្កឱ្យមានការភ្ញាក់ផ្អើលកាលពីវេលាម៉ោង៦និង៣០នាទីល្ងាច ថ្ងៃទី០១ ខែមិថុនា ឆ្នាំ២០២៤ នៅចំណុចផ្លូវ១២៣ កែងផ្លូវ៤២៨ ស្ថិតក្នុងភូមិ២ សង្កាត់បឹងត្របែក ខណ្ឌចំការមន រាជធានីភ្នំពេញ។ នេះបើយោងតាមផេកស្នងការដ្ឋាននគរបាលរាជធានីភ្នំពេញនៅមុននេះបន្តិច គឺនៅយប់ថ្ងៃទី១ ខែមិថុនា ឆ្នាំ២០២៤នេះ។
សេចក្តីរាយការណ៍បន្តថា គ្រោះអគ្គិភ័យខាងលើនេះ នៅមិនទាន់ដឹងអំពីមូលហេតុនៅឡើយទេ ខណៈសមត្ថកិច្ចជំនាញកំពុងតែធ្វើការស្រាវជ្រាវនៅឡើយ។ គ្រាន់តែដឹងថា បានធ្វើឱ្យឆេះខូចខាតផ្ទះប្រភេទសំណង់ ដែកប្រក់ស័ង្កសី ដែលមានទំហំ០៥ម៉ែត្រគុណ១០ម៉ែត្រ និងបណ្ដាលឱ្យខូចខាតសម្ភារៈរួមមាន ៖ ឆេះតូបដែកប្រក់ស័ង្កសីចំនួន១តូប (អស់ទាំងស្រុង) ព្រមទាំងឆេះរាលដាលដល់តូបលក់គ្រឿងក្រអូបអីវ៉ាន់ចាប់ហួយចំនួន១តូប, យានដ្ឋានជួសជុលរថយន្តចំនួន២, ផ្ទះថ្មក្រោមឈើចំនួន១ខ្នង, តារាងបាល់ទាត់ខ្នាតតូចចំនួន១តារាង និងរថយន្តម៉ាក់ ហ៊ីហាន់ដាយ ពណ៌ស ចំនួន០១គ្រឿងផងដែរ (អស់ទាំងស្រុង) ។
គួរបញ្ជាក់ផងដែរថា លុះដល់វេលាម៉ោង៨យប់ថ្ងៃខែឆ្នាំដដែល អគ្គិភ័យខាងលើនេះ ត្រូវបានពន្លត់ទាំងស្រុង ដោយប្រើប្រាស់រថយន្តការិយាល័យបង្កា និងពន្លត់អគ្គិភ័យចំនួន១៨គ្រឿង ប្រើប្រាស់ទឹកអស់ចំនួន៥៤ឡាន ស្មើនឹង២១៦ម៉ែត្រគូប ទើបធ្វើឱ្យអណ្ដាតភ្លើងរលត់ទៅវិញ ទាំងស្រុង ។
ព័ត៌មានបន្ថែមនឹងមានផ្សាយជូនពេលក្រោយបន្តទៀត។
ចែករំលែកព័តមាននេះ