ADផ្ទាំងផ្សព្វផ្សាយពាណិជ្ជកម្ម

Picture

ស្ត្រីម្នាក់​ខ្ទា.តរ.បួ.ស.ធ្ង.ន់.ធ្ងរ ក្រោយ​ដើរ​ក្បែរផ្លូវ​​រថភ្លើង

1 ខែ មុន
  • ព្រះសីហនុ

ស្រុក​ព្រៃ​នប់​ ៖ ស្ត្រី​ម្នាក់​បាន​រង​របួស​ធ្ងន់ធ្ងរ ខណៈ​គាត់​ដើរ​ក្បែ​ផ្លូវ​ ហើយ​ត្រូវ​រថភ្លើង​កៀរ​ក្នុង​ទិស​ដៅ​ស្របគ្នា​ពី​ខេត្ត​ព្រះ​សីហ​នុ​ទៅ​ភ្នំពេញ​(​ជើង​-​ត្បូង​) ។ ហេតុការណ៍​នេះ បាន​កើត​មាន​ឡើង​នៅ​ថ្ងៃ​ទី​៣០​ឧសភា ២០២៤ វេលា​ម៉ោង​៣…

ស្រុក​ព្រៃ​នប់​ ៖ ស្ត្រី​ម្នាក់​បាន​រង​របួស​ធ្ងន់ធ្ងរ ខណៈ​គាត់​ដើរ​ក្បែ​ផ្លូវ​ ហើយ​ត្រូវ​រថភ្លើង​កៀរ​ក្នុង​ទិស​ដៅ​ស្របគ្នា​ពី​ខេត្ត​ព្រះ​សីហ​នុ​ទៅ​ភ្នំពេញ​(​ជើង​-​ត្បូង​) ។ ហេតុការណ៍​នេះ បាន​កើត​មាន​ឡើង​នៅ​ថ្ងៃ​ទី​៣០​ឧសភា ២០២៤ វេលា​ម៉ោង​៣ និង​២០​នាទី​រសៀល​លើ​ដងផ្លូវ​ដែក ត្រង់​ចំណុច​ក្រោយ​ផ្សារ​វាល​រេញ ស្ថិត​ក្នុងភូមិ​សំរុង​ក្រោម ឃុំ​សំរុង ស្រុក​ព្រៃ​នប់ ខេត្ត​ព្រះ​សីហ​នុ ។

ប្រភព​ពី​សមត្ថកិច្ច​បាន​ឲ្យ​ដឹង​ថា ករណី​គ្រោះថ្នាក់​ចរាចរណ៍​នេះ​បាន​កើតឡើង ដោយមាន​រថភ្លើង​មួយ​ខ្សែ ​មិន​ស្គាល់​ម៉ាក​បើកបរ​ក្នុង​ទិស​ដៅ​ពី​ខេត្ត​ព្រះ​សីហ​នុ ឆ្ពោះទៅ​រាជធានី​ភ្នំពេញ និង​អ្នកបើកបរ​មិន​ទាន់​ស្គាល់​អត្តសញ្ញាណ​ជា​កម្មសិទ្ធិ​របស់​ក្រុមហ៊ុន ROYAL RAILWAY ។

លុះ​មក​ដល់​ចំណុច​ខាងលើ បាន​កៀរ​អ្នក​ថ្មើរ​០១​នាក់​កំពុង​ដើរ​ក្បែរ​ផ្លូវដែក​ក្នុង​ទិស​ដៅ​ស្របគ្នា ដោយ​អ្នក​ថ្មើរជើង​ឈ្មោះ​ជា សុខុម​បញ្ញា ភេទ​ស្រី អាយុ​១៩​ឆ្នាំ ជា​អ្នក​លក់ដូរ មាន​ទីលំនៅ​ភូមិ​បឹង​វែង ឃុំ​វាល​រេញ ស្រុក​ព្រៃ​នប់ ខេត្ត​ព្រះ​សីហ​នុ ខ្ទាត​ខ្ទប់​នឹង​ជញ្ជឹង​ប៉័ង​សី​ផ្ទះ​ក្បែ​នោះ​តែ​ម្ដង ។
បច្ចុប្បន្ន ជន​រង​គ្រោះ​ត្រូវ​បាន​ក្រុម​គ្រួសារ​យក​ទៅ​ព្យាបាល​នៅ​គ្លី​និ​ច​ឯកជន​ក្នុង​ឃុំ​វាល​រេញ ចំណែក​រថភ្លើង​បាន​បន្ដដំណើរ​ទៅ​រាជធានី​ភ្នំពេញ​បាត់​ក្រោយ​ពេល​កើតហេតុ ។

គួរ​បញ្ជាក់​ផង​ដែរ​ថា គ្រោះថ្នាក់​រវាង​រថភ្លើង​និង​មនុស្ស​ថ្មើរជើង​ក៏​ដូច​ជា​មនុស្ស​រថយន្ត​ម៉ូតូ​ឆ្លងកាត់​ផ្លូវ​រថភ្លើង​នៅ​ក្នុង​ទឹកដី​ខេត្ត​ព្រះ​សីហ​នុ​ហាក់បីដូចជា​មាន​កើតជា​បន្តបន្ទាប់ ហើយ​បណ្ដាល​ឱ្យ​មនុស្ស​ស្លាប់​និង​របួស​ផង​ដែរ ។

អត្ថបទសរសេរ ដោយ

កែសម្រួលដោយ