ខេត្តព្រះវិហារ ៖ ឯកឧត្តម គីម រិទ្ធី អភិបាលខេត្តព្រះវិហារ បានចុះពិនិត្យទីតាំងកើតហេតុ និងចូលរួមរំលែកទុក្ខយ៉ាងក្រៀមក្រំបំផុត និងនាំយកគ្រឿងឧបភោគ បរិភោគ…
ខេត្តព្រះវិហារ ៖ ឯកឧត្តម គីម រិទ្ធី អភិបាលខេត្តព្រះវិហារ បានចុះពិនិត្យទីតាំងកើតហេតុ និងចូលរួមរំលែកទុក្ខយ៉ាងក្រៀមក្រំបំផុត និងនាំយកគ្រឿងឧបភោគ បរិភោគ និងថវិកាមួយចំនួនរបស់រាជរដ្ឋាភិបាលទៅប្រគល់ជូនលោកស្រី ថាន់ ចំរើន (ជាប្រពន្ធ) និងក្រុមគ្រួសារសពដោយ លោក ថោង ចន អាយុ៣៨ឆ្នាំ ជាសមាជិកក្រុមប្រឹក្សាឃុំរំដោះស្រែ រស់នៅក្នុងភូមិស្វាយ ឃុំរំដោះស្រែ ស្រុកជាំក្សាន្ត ខេត្តព្រះវិហារ បានទទួលមរណភាពដោយបើកត្រាក់ទ័រភ្ជួរដីប៉ះចំមីនតោនផ្ទុះក្នុងចម្ការបំរុងដាំដំឡូងមី កាលពីវេលាម៉ោង៦ និង១៦នាទីយប់ថ្ងៃទី២៦ ខែឧសភា ឆ្នាំ២០២៤ ស្ថិតនៅចំណុចភូមិសាស្ត្រភូមិសែនតេជះឃុំមរកត់ ស្រុកជាំក្សាន្ត ខេត្តព្រះវិហារ ។
ឯកឧត្តម គីម រិទ្ធី អភិបាលខេត្តព្រះវិហារបានចុះពិនិត្យទីតាំងកើតហេតុ និងនាំយកគ្រឿងឧបភោគបរិភោគ និងថវិកាមួយចំនួនរបស់រាជរដ្ឋាភិបាល កាលពីថ្ងៃទី២៧ ខែឧសភា ឆ្នាំ២០២៤ ក្នុងនោះ ថវិកាចូលរួមរំលែកទុក្ខរបស់សម្ដេចតេជោ ហ៊ុន សែន ប្រធានព្រឹទ្ធសភាចំនួន១០លានរៀល, សម្ដេចធិបតី ហ៊ុន ម៉ាណែត នាយករដ្ឋមន្ត្រី ចំនួន៣០លានរៀល,ឯកឧត្តម ម៉ៅ សុផាន់ ប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ ចំនួន៤លានរៀល,ឯកឧត្តម គីម រិទ្ធី អភិបាលខេត្តព្រះវិហារ ចំនួន ៤លានរៀល ។
ក្រុមការងារកងពលធំអន្តរាគមន៏លេខ៣ ចំនួន៣៥ម៉ឺនរៀល, បច្ច័យរដ្ឋបាលឃុំរំដោះស្រែ១លានរៀល, បច្ច័យលោកឩត្តមសេនីយ៍ទោ ចន្ទ័ សុភត្ត្រា ១លានរៀល ។ បច្ច័យរដ្ឋបាលស្រុកជាំក្សាន្ត៦០ម៉ឺនរៀល បច្ច័យសមាគមក្រុមប្រឹក្សា៤លាន៤៤ម៉ឺនរៀល បច្ច័យ.ស ស.យ.ក២០មុឺនរៀល រួមនឹងបច្ច័យសម្តេចកិត្តិព្រឹទ្ធបណ្ឌិតប៊ុនរ៉ានីហ៊ុន សែនកាកបាទក្រហមកម្ពុជាចំនួន១លានរៀលផងដែរ។
ជាចុងក្រោយឯកឧត្តមក៏បានផ្តាំផ្ញើរដល់ក្រុមគ្រួសារសាច់ញាតិសព ជាពិសេសលោកស្រីជាភរិយាធ្វើយ៉ាងណា ដោយចាប់តែពីម៉ោងនេះថ្ងៃនេះតទៅ គឺមានតែខ្លួនលោកស្រីខ្លួនឯងផ្ទាល់ ជាជនបង្គោលគ្រឹះសម្រាប់គ្រួសាមួយនេះ ហើយក៏ត្រូវតាំងស្មារតីឡើងដើម្បីធ្វើជាមេគ្រួសារធ្វើជាឪពុកផងនឹងធ្វើជាម្តាយផងដើម្បីជាបង្អែកដ៏រឹងមាំដល់ក្មួយៗប្អូនៗជាកូនទៅថ្ងៃអនាគត់។
ចែករំលែកព័តមាននេះ