ADផ្ទាំងផ្សព្វផ្សាយពាណិជ្ជកម្ម

Picture

ឥណ្ឌា​ចាប់​ខ្លួន​ម្ចាស់​មន្ទីរ​ពេទ្យ​ដែល​ឆេះ​បណ្ដាល​ឱ្យ​ស្លា.ប់​កូន​ង៉ែត​៦​នាក់

1 ខែ មុន

ទី​ក្រុង​ញូដេលី៖ ថ្មី​ៗ​នេះ អាជ្ញាធរ​ឥណ្ឌា​អះអាង​ថា​ពួក​គេ​ទើប​តែ​ចាប់​ខ្លួន​គ្រូ​ពេទ្យ​ម្នាក់​ឋានៈ​ដុក​ទ័រ​ និង​ជា​ម្ចាស់​មន្ទីរ​ពេទ្យ​ឯក​ជន​មួយ​កន្លែង​ដែល​បើក​ដំណើរ​ការ​គ្មាន​ច្បាប់​អនុញ្ញាត​។ ការ​ចាប់​ខ្លួន​នេះ​ធ្វើ​ឡើង​បន្ទាប់​ពី​លេច​ឮ​ដំណឹង​ថា​មាន​​កូន​ង៉ែត​​យ៉ាង​តិច​៦​នាក់​បាន​ស្លាប់​នៅ​ក្នុង​បន្ទប់​​​តូច​ចង្អៀត​​ និង​គ្មាន​បំពាក់​បំពង់​ផ្សែង​សម្រាប់​បាញ់​ពន្លត់​អគ្គិភ័យ​ទេ​។ សាក្សី​និយាយ​ថា​​កាល​ពី​ល្ងាច​ថ្ងៃ​សៅរ៍​​ភ្លើង​ចាប់​ផ្ដើម​ឆាប​ឆេះ​នៅ​បន្ទប់​ដាក់​កូន​ង៉ែត​ដែល​ទើប​តែ​សម្រាល​ហើយ​ថ្មី​ៗ​។ គ្រាន់​តែ​ក្រឡេក​ឃើញ​ភ្លាម អ្នក​នៅ​ក្បែរ​នោះ​ក៏​ស្ទុះ​វឹង​ចូល​ទៅ​ក្នុង​បន្ទប់​នោះ​ និង​ខិត​ខំ​បី​កូន​ង៉ែត​ចេញ​ទៅ​រក​ទី​កន្លែង​សុវត្ថិ​ភាព​ឱ្យ​បាន​ច្រើន​តាម​ដែល​អាច​ធ្វើ​ទៅ​បាន​។…

ទី​ក្រុង​ញូដេលី៖ ថ្មី​ៗ​នេះ អាជ្ញាធរ​ឥណ្ឌា​អះអាង​ថា​ពួក​គេ​ទើប​តែ​ចាប់​ខ្លួន​គ្រូ​ពេទ្យ​ម្នាក់​ឋានៈ​ដុក​ទ័រ​ និង​ជា​ម្ចាស់​មន្ទីរ​ពេទ្យ​ឯក​ជន​មួយ​កន្លែង​ដែល​បើក​ដំណើរ​ការ​គ្មាន​ច្បាប់​អនុញ្ញាត​។ ការ​ចាប់​ខ្លួន​នេះ​ធ្វើ​ឡើង​បន្ទាប់​ពី​លេច​ឮ​ដំណឹង​ថា​មាន​​កូន​ង៉ែត​​យ៉ាង​តិច​៦​នាក់​បាន​ស្លាប់​នៅ​ក្នុង​បន្ទប់​​​តូច​ចង្អៀត​​ និង​គ្មាន​បំពាក់​បំពង់​ផ្សែង​សម្រាប់​បាញ់​ពន្លត់​អគ្គិភ័យ​ទេ​។

សាក្សី​និយាយ​ថា​​កាល​ពី​ល្ងាច​ថ្ងៃ​សៅរ៍​​ភ្លើង​ចាប់​ផ្ដើម​ឆាប​ឆេះ​នៅ​បន្ទប់​ដាក់​កូន​ង៉ែត​ដែល​ទើប​តែ​សម្រាល​ហើយ​ថ្មី​ៗ​។ គ្រាន់​តែ​ក្រឡេក​ឃើញ​ភ្លាម អ្នក​នៅ​ក្បែរ​នោះ​ក៏​ស្ទុះ​វឹង​ចូល​ទៅ​ក្នុង​បន្ទប់​នោះ​ និង​ខិត​ខំ​បី​កូន​ង៉ែត​ចេញ​ទៅ​រក​ទី​កន្លែង​សុវត្ថិ​ភាព​ឱ្យ​បាន​ច្រើន​តាម​ដែល​អាច​ធ្វើ​ទៅ​បាន​។ ស្ត្រី​ម្នាក់​​​ទើប​តែ​សម្រាល​​​កូន​ស្រី​ម្នាក់​​អាយុ​១១​ថ្ងៃ​មិន​ទាន់​ដាក់​ឈ្មោះ​​នៅ​ឡើយ​ផង។​​ ឥឡូវ​នេះ កូន​ស្លាប់​ចោល​គាត់​បាត់​ទៅ​ទៀត​។​

ស្ត្រី​ម្នាក់​សម្រាល​កូន​ង៉ែត​ទើប​តែ​បាន​មួយ​ថ្ងៃ​ស្លាប់​កូន​បាត់​ទៅ​ទៀត។ គាត់គិត​ថា​អ្នក​ដែល​ត្រូវ​ស្ដី​បន្ទោស​នៅ​ក្នុង​សោក​នាដ​កម្ម​លើក​នេះ​គឺ​អ្នក​មើល​ការ​ខុស​ត្រូវ​នៅ​ក្នុង​មន្ទីរ​ពេទ្យ។ គាត់​ប្រាប់​ថា​កូន​របស់​គាត់​មាន​បញ្ហា​ផ្លូវ​ដង្ហើម​​ត្រឹម​តែ​បន្តិច​បន្តួច​ប៉ុណ្ណោះ​។ សម្រាក​តែ​បន្តិ​ច​ទៀត​នឹង​អស់​អី​ហើយ​។ មិន​នឹក​ស្មាន​ថា​មន្ទីរ​ពេទ្យ​នេះ​​ធ្វើ​ឱ្យ​កូន​​យើង​ស្លាប់​​យ៉ាង​ដូច្នេះ​សោះ​។


ជួយ​សង្គ្រោះ​បាន​កូន​ង៉ែត​ប្រាំ​នាក់​
​នៅ​ប្រទេស​ឥណ្ឌា​សព្វ​ថ្ងៃ​នេះ​​ ករណី​ភ្លើង​ឆេះ​នៅ​តាម​អគារ​បាន​​ក្លាយ​ជា​រឿង​ធម្មតា​​ទៅ​ហើយ​ដោយ​សារ​ឥណ្ឌា​មាន​មនុស្ស​ច្រើន​ជាង​ចិន​ទៅ​ទៀត​សម្រាប់​ពេល​បច្ចុប្បន្ន​នេះ​។ ម៉្យាង​ទៀត​ ផ្ទៃ​ដី​តូច​ចង្អៀត​ជាង​ប្រទេស​ចិន​មួយ​ជា​ពីរ។ ដូច្នេះ​បញ្ហា​តូច​ចង្អៀត និង​​ការ​សាង​សង់​មិន​គោរព​ទៅ​តាម​ច្បាប់​អនុញ្ញាត​​គឺ​​ជា​បញ្ហា​ចោទ​ដ៏​ធំ​មួយ​ដែល​មិន​អាច​ធានា​សុវត្ថិ​ភាព​បាន​ឡើយ​។​​

​មន្ទីរ​ពេទ្យ​ដែល​មាន​ភ្លើង​ឆេះ​នេះ​​មាន​កម្ពស់​២​ជាន់​ជា​អគារ​ដ៏​តូច​ចង្អៀត​ ​ហើយ​មាន​ផ្ទះ​របស់​អ្នក​ស្រុក​សាង​សង់​អម​ជុំ​វិញ​​។ ដូច្នេះ គ្មាន​ចន្លោះ​នៅ​សង​ខាង​​​ទេ​ ​ហើយ​​​មិន​​​ងាយ​ស្រួល​សម្រាប់​រថ​យន្ត​ពន្លត់​អគ្គិភ័យ​បើក​ចូល​​ទាល់​តែ​សោះ​​។ ​ទី​ភ្នាក់​ងារ​ពន្លត់​អគ្គិភ៏័យ​ម្នាក់​ប្រាប់​ថា​ពួក​គេ​ព្យាយាម​បាញ់​ទឹក​ណាស់​ដែរ​។ ប៉ុន្តែ​គ្មាន​ផ្លូវ​ចូល​ទៅ​ខាង​ក្នុង​អគារ​ដើម្បី​ជួយ​សង្គ្រោះ​កូន​ង៉ែត​​​១២​នាក់​ដែល​ជាប់​ផុង​នៅ​ក្នុង​​​បន្ទប់​ដែល​ឆេះ​នោះ​ទេ​​។ សូម្បី​តែ​ច្រក​ផ្លូវ​នៅ​ក្នុង​គ្រា​អាសន្ន​ក៏​មន្ទីរ​ពេទ្យ​នេះ​គ្មានដែរ​​​។

​គេ​ស្រាវ​ជ្រាវ​ដឹង​ថា​លិខិត​អនុញ្ញាត​ឱ្យ​​បើក​ដំណើរ​ការ​មន្ទីរ​ពេទ្យ​នេះ​បាន​ផុត​​កំណត់​តាំង​ពី​ខែ​មីនា ឆ្នាំ​២០២៤។ ប៉ុន្តែ​ប្រធាន​មន្ទីរ​ពេទ្យ​មិន​បាន​ស្នើ​សុំ​លិខិត​អនុញ្ញាត​ថ្មី​​ដើម្បី​បន្ត​សុពល​ភាព​ឡើង​វិញ​ទេ​។ គ្រែ​គេង​ត្រូវ​គេ​បន្ថែម​លើស​ពី​ចំនួន​កំណត់​រហូត​ដល់​ទៅ​​ជាង​២​ដង​។ ក្នុង​មួយ​បន្ទប់​អនុញ្ញាត​ឱ្យ​ដាក់​គ្រែ​ចំនួន​៥​។ ប៉ុន្តែ​ជាក់​ស្ដែង​ដាក់​គ្រែ​លើស​ពី​ដប់​។ ដោយ​សារ​ធ្វើ​ខុស​នីតិ​វិធី​បែប​នេះ អាជ្ញាធរ​សម្រេច​ចិត្ត​ចាប់​ខ្លួន​ប្រធាន​មន្ទីរ​ពេទ្យ​តែ​ម្ដង​។ សំណាង​ល្អ គេ​អាច​ជួយ​សង្គ្រោះ​កូន​ង៉ែត​បាន​៥​នាក់​។​ ឥឡូវ​នេះ​កំពុង​ព្យាបាល​របួស​នៅ​មន្ទីរ​ពេទ្យ​ដទៃ​ទៀត​៕​

អត្ថបទសរសេរ ដោយ

កែសម្រួលដោយ