កម្ពុជា មានសហគ្រាសប្រហែល១០ លក់ផលិត ផល លើអាលីបាបា
- ភ្នំពេញ
លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានអះអាងថា មកដល់ពេលនេះ កម្ពុជា មានសហគ្រាសប្រហែល១០ហើយ ដែលអាចដាក់លក់ផលិតផលនៅលើទីផ្សារអន្តរជាតិ
លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានអះអាងថា មកដល់ពេលនេះ កម្ពុជា មានសហគ្រាសប្រហែល១០ហើយ ដែលអាចដាក់លក់ផលិតផលនៅលើទីផ្សារអន្តរជាតិ
លោកស្រី ចម និម្មល រដ្ឋមន្ត្រីក្រសួងពាណិជ្ជកម្ម បានអះអាងថា មកដល់ពេលនេះ កម្ពុជា មានសហគ្រាសប្រហែល១០ហើយ ដែលអាចដាក់លក់ផលិតផលនៅលើទីផ្សារអន្តរជាតិ តាមរយៈវេបសាយ អាលីបាបា (Alibaba.com)។
ថ្លែងនៅក្នុងពេលបើកសិក្ខាសាលាស្តីពី «លើសពីទីផ្សារកម្ពុជា ៖ ការនាំយកផលិតផល កម្ពុជាទៅកាន់ទីផ្សារអន្តរជាតិតាមរយៈ Alibaba.com» នៅថ្ងៃទី២៧ ខែឧសភា ឆ្នាំ២០២៤ លោកស្រី បានបញ្ជាក់ថា បច្ចុប្បន្ននេះ សហគ្រាសទាំងនេះ អាចលក់ផលិតផលដោយផ្ទាល់ទៅកាន់អតិថិជននៅលើពិភពលោកតាមរយៈ Alibaba.com ។
លោកស្រី បានបន្តទៀតថា ផលិតផលដែលអាចលក់នៅលើ Alibaba.com បានមានដូចជា ៖ ដំណាប់ស្វាយ ម្រេច និង សំបុកត្រចៀកកាំជាដើម។
លោកស្រី ក៏បានអំពាវនាវឲ្យសហគ្រិន ប្រើប្រាស់វេទិកាពាណិជ្ជកម្មអេឡិចត្រូនិក ដើម្បីឆ្លើយតបនឹងទីផ្សារពិភពលោក។
លោកស្រីរដ្ឋមន្ត្រី បានវាយតម្លៃខ្ពស់ចំពោះក្រុមការងារក្រសួងពាណិជ្ជកម្ម វិស័យឯកជន និងក្រុមការងារក្រុមហ៊ុន Alibaba.com ដែលបានខិតខំប្រឹងប្រែង និងផ្តល់កិច្ចសហការជិតស្និទ្ធ ដោយទទួលបានវឌ្ឍនភាពគួរឱ្យកត់សម្គាល់ ហើយមានជំនឿយ៉ាងមុតមាំថា កម្ពុជា នឹងអាចទាញយកអត្ថប្រយោជន៍ជាអតិបរិមា ដើម្បីពង្រីកវិសាលភាពក្នុងការនាំចេញផលិតផលខ្មែរ ពង្រឹងលទ្ធភាពក្នុងការប្រកួតប្រជែង និងការធ្វើពិពិធកម្មសេដ្ឋកិច្ចទៅក្នុងទីផ្សារអន្តរជាតិ។
ឆ្លៀតក្នុងឱកាសនោះ លោកស្រីរដ្ឋមន្ត្រី ក៏បានស្នើ និងលើកទឹកចិត្តដល់ក្រុមហ៊ុន ក៏ដូចជា សហគ្រាសធុនតូច និងមធ្យមកម្ពុជា ចូលរួមដាក់ផលិតផលខ្មែរ និងប្រើប្រាស់ផ្សារពាណិជ្ជកម្ម ខេមបូឌាត្រេដ ដោយឥតគិតថ្លៃ និងសិក្សាអំពីលទ្ធភាព ក្នុងការចូលរួមជាមួយផ្សារពាណិជ្ជកម្ម Alibaba.com ដើម្បីដាក់លក់ និងជំរុញការនាំចេញផលិតផលខ្មែរទៅកាន់ទីផ្សារអន្តរជាតិផ្សេងៗទៀត ដើម្បីគាំទ្រ និងជំរុញបន្ថែមនូវការប្រើប្រាស់ថ្នាលពាណិជ្ជកម្ម តាមប្រព័ន្ធអេឡិចត្រូនិក ព្រមទាំងជំរុញកិត្តិនាមផលិតផលកម្ពុជា ឱ្យកាន់តែមានភាពប្រកួតប្រជែង និងទទួលស្គាល់ពីគុណភាព ស្តង់ដារបស់ខ្លួនពីអ្នកប្រើប្រាស់អន្តរជាតិបាន។
ចែករំលែកព័តមាននេះ