ស្នេហ៍ពិតមិនប្រកាន់រូបសម្បត្តិ និងពណ៌សម្បុរ ! តួយ៉ាង នារវ័យក្មេងរូបស្រស់មួយ ទោះបីជាក្រុមគ្រួសាររារាំងក្តី តែនាងជម្នះនូវឧបសគ្គរួមរស់ជាមួយបុរសម្នាក់ ដែលមានពិការភាពដៃទាំងសងខាង ជាប្តីប្រពន្ធ និងចាប់របរជាអ្នកលក់មឹកអាំង…
ស្នេហ៍ពិតមិនប្រកាន់រូបសម្បត្តិ និងពណ៌សម្បុរ ! តួយ៉ាង នារវ័យក្មេងរូបស្រស់មួយ ទោះបីជាក្រុមគ្រួសាររារាំងក្តី តែនាងជម្នះនូវឧបសគ្គរួមរស់ជាមួយបុរសម្នាក់ ដែលមានពិការភាពដៃទាំងសងខាង ជាប្តីប្រពន្ធ និងចាប់របរជាអ្នកលក់មឹកអាំង ផ្ទុះការគាំទ្រផង និងក្តីអាណិតស្រលាញ់ផង ។
ខណៈបុរសជាប្តីដែលមានពិការភាពដៃ ដោយសារតែគ្រោះថ្នាក់ការងារផ្តាំផ្ញើទៅកាន់បុរសៗបែបនេះ ។ នេះហើយជាសុភមង្គលពិត ដោយមនុស្សស្រីគ្រប់រូបតែងប្រាថ្នា ពោលនៅក្នុងគ្រួសារមួយដែលមានសុខសុភមង្គល គឺមិនស្ថិតទៅលើលុយកាក់ រូបសម្រស់ ឬធនធានដែលមាននោះទេ ។ ដោយសេ្នហាពិត គឺការយល់ចិត្តគ្នា ទោះស្ថិតក្នុងស្ថានភាពបែបណា ធ្លាក់ខ្លួនពិការ គ្មានទ្រព្យសម្បតិ្តច្រើនដូចគេក៏ស្ត្រីរូបនេះសុខចិត្តរួមរស់មានឈ្មោះជាប្រពន្ធ រស់នៅជាមួយស្វាមីដែលមានពិការភាព និងបានរៀបការមានកូន ដោយស្នេហាមួយនេះ បានយល់ចិត្តខណៈពេលដែលខាងប្រុសពិការក៏ដោយនោះ ។ តើនៅមានទេ មនុស្សស្រីដែលសុខចិត្តរួមរស់ជាមួយបុរសដែលជាជនពិការ ដោយការស្រឡាញ់ចេញពីចិត្ត ចេះយល់ចិត្តគ្នា និងអាចមើលថែគ្នានេះ?
ស្នេហាមួយនេះ អាចថា ជាស្នេហាដែលជាទេវតាចារ្យមកពីបុព្វេក៏អាចថាបាន ព្រោះស្ត្រីរូបនេះសុខចិត្តជ្រើសរើសយកស្វាមីពិការ ដោយអាចនិយាយបានថា ពិការតែដៃមែនពិត តែបេះដូង និងចិត្តមិនពិការទៅតាមដៃជើងនោះឡើយ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព ដោយអ្នកស្រី យ៉េង សុភីន ដែលជាស្ត្រីម្នាក់ដែលមានសុខសុភមង្គល និងរួមរស់ជាមួយស្វាមីពិការបានអោយដឹងថា ខ្លួនពិតជាសំណាងក៏អាចថាបាន ដោយបានស្វាមីដែលជាអ្នកលក់មឹកពិការចេះយល់ចិត្ត ចេះថ្នាក់ថ្នម អាចរួមរស់នៅជាមួយគ្នា មានកូនចៅរហូតដល់សព្វថ្ងៃនេះ ក្រោមមុខរបរលក់មឹកអាំងចិញ្ចឹមជីវិត ។
អ្នកស្រី យ៉េង សុភីន ដែលតែងតែទៅលក់មឹកជាមួយស្វាមីពិការបានបន្តថា ស្នេហាអ្នកស្រី និងស្វាមី គឺកើតចេញពីចិត្ត និងចិត្ត ដោយបានស្គាល់គ្នាតាមរយៈហ្វេកប៊ុករហូតមានចិត្តប្រតិព័ទ្ធបានគ្នាជាប្តីប្រពន្ធ ដោយកាលពីស្គាល់ស្វាមីដំបូងជាអ្នកលក់ស្បែកជើង និងនាពេលបច្ចុប្បន្ន ជាអ្នកលក់មឹកដែលតែងជួយលក់ជាមួយគ្នានៅតាមមាត់ទន្លេក្រុងតាខ្មៅ ។
អ្នកស្រី បានបន្តថា ការដែលស្រឡាញ់គាត់ដែលជាជនមានពិការនេះ គឺដោយឃើញស្វាមីគ្មានអ្នកជួយដាំបាយដាំទឹកអោយហូប ហើយណាមួយអាចថា មើលឃើញគាត់ជាមនុស្សល្អផង ទោះគាត់ជាជនពិការក៏ដោយនោះ ពោលគាត់ចេះរកស៊ី ចេះយកចិត្តទុកដាក់ ចេះជួយការងារសព្វបែបយ៉ាង ដោយចាប់តាំងពីបានគ្នាមក ស្វាមីពិការរូបនេះ មិនដែលធ្វើអោយអ្នកស្រីទាស់ចិត្តម្តងនោះឡើយ ។
អ្នកស្រី យ៉េង សុភីន បង្ហើបថា ស្នេហាដំបូងរបស់អ្នកនាង និងស្វាមី ឪពុកម្តាយខាងប្រុសពេញចិត្តអ្នកនាង តែម្តាយឪពុកអ្នកនាងផ្ទាល់ហាក់មានការពេញចិត្តនោះឡើយ ខណៈខ្លួនជាមនុស្សល្អបែរជាស្រឡាញ់បុរសពិការ ដោយការអាណិតស្រឡាញ់ទៅវិញ ។ លុះក្រោយចាប់ដៃគ្នារកស៊ីមានកូនមក អ្នកស្រី យ៉េង សុភីនថា គ្រួសារម្តាយឪពុកចាប់ផ្តើមទទួលយកស្គាល់ និងពេញចិត្តស្វាមីរបស់ខ្លួន ។
តាមរយៈបទសម្ភាសន៍ជាមួយលោក មឿន ចាន់ណា ដែលជាស្វាមីពិការវិញអោយដឹងថា លោកពិតជាសំណាងដូចគ្នា ដែលបានភរិយាស្អាតបាត ចេះយល់ចិត្ត មិនដែលរើសអើងលោកដែលជាជនមានពិការភាព ដោយមានតែពេលខិតខំរកស៊ី មើលថែគ្នាទៅវិញទៅមក និងអោយតែល្ងាចឡើងលោកនឹងភរិយា ដឹងតែចេញទៅលក់មឹងអាំងនៅមាត់ទន្លេតាខ្មៅ ដោយប្តីជាអ្នកអាំង ដឹងយកអោយភ្ញៀវ ចំណែកភរិយាជាអ្នកកាត់ដាក់រៀបចំ ដោយមិនសូវអោយភរិយាលំបាកពេកនោះឡើយ ដូចពាក្យចាស់លោកពោលថា «សំណាបយោងដីស្រីយោងប្រុស» ។
បើងាកមកពិការភាពរបស់លោក ចាន់ណា វិញ គឺលោកពិការដោយឆ.ក់ខ្សែភ្លើងពេលបំពេញការងារជាជាងផ្សារដែក ដូច្នេះចំពោះការបាត់បង់ដៃទាំងទ្វេលោក ពិតជាសោកស្តាយជាខ្លាំង ប៉ុន្តែក្រោយមកលោកក៏ធ្វើចិត្តបានចំពោះរឿងមួយនេះ ហើយសម្រាប់ភាពពិការនេះទៀតសោត កាលពីកន្លងទៅលោកក៏ធ្លាប់គេម៉ាកងាយផងដែរ ដូច្នេះអ្វីដែលលោកអាចធ្វើទៅបាននោះ មានតែតស៊ូនៅលើផ្លូវជីវិតមួយនេះ ទោះវាក្រលុករលាក់បន្តិចមែន ក៏អាចលោករស់នៅដូចគេឯងផងដែរនោះ ។
លោក មឿន ចាន់ណា បានបន្តថា «ទោះយើងបាត់បង់អ្វីមួយនៃផ្នែករាងកាយ តែយើងនៅមានខួរក្បាលសម្រាប់គិត ដូច្នេះភាពជោគជ័យនៅមានសម្រាប់យើង» ដូច្នេះជាចុងក្រោយ លោកសូមផ្តាំផ្ញើចំពោះបងប្អូនដែលកំពុងបំពេញការងារ ជាជាងសំណង់ក្តី ជាងផ្សារដែកក្តី គួរមានការប្រុងប្រយ័ត្នខ្ពស់ក្នុងពេលបំពេញការងារ ។ តើបងប្អូនយល់យ៉ាងណាដែរ ក្រោយស្នេហាស្មោះស្ម័គ្រមួយគូនេះចេះយល់ចិត្តគ្នានោះ? ពោលសុភមង្គលគ្រួសារពិត មិនស្ថិតលើលុយនោះឡើយ ៕ ដោយ៖លីហួ គីមឆាយ
ចែករំលែកព័តមាននេះ