កម្មករអូសរទេះលើកគ្នាតវ៉ានៅច្រកទ្វារប៉ោយប៉ែត កកស្ទះជិត១ម៉ោង
- បន្ទាយមានជ័យ
ខេត្តបន្ទាយមានជ័យ ៖ ក្រោយកម្មករអូសរទេះដឹកអីវ៉ាន់ប្រមាណ៥០ទៅ៦០គ្រឿង ធ្វើការតវ៉ាបង្កការ
ខេត្តបន្ទាយមានជ័យ ៖ ក្រោយកម្មករអូសរទេះដឹកអីវ៉ាន់ប្រមាណ៥០ទៅ៦០គ្រឿង ធ្វើការតវ៉ាបង្កការកកស្ទះមុខច្រកទ្វារអន្តរជាតិប៉ោយប៉ែតជិត១ម៉ោង អភិបាលក្រុងប៉ោយប៉ែតសម្របសម្រួលឱ្យរំសាយ និងអនុគ្រោះឱ្យ១ជើងដោយមិនធ្វើការឆែកឆេរឡើយ ។ បាតុភាពតវ៉ានេះ បានកើតឡើងនៅរសៀលថ្ងៃទី២៥ ខែឧសភា ឆ្នាំ២០២៤ ។
កម្មករអូសរទេះដឹកទំនិញដែលតវ៉ានេះ នាំចូលពីប្រទេសថៃមានប្រមាណពី៥០ទៅ៦០គ្រឿង ធ្វើការតវ៉ាប្រឆាំងមន្ត្រីគយ និងរដ្ឋាករ ដែលរឹងបន្តឹងត្រួតពិនិត្យទំនិញគេចពន្ធ ទើបបណ្តាលឱ្យកកស្ទះច្រកទ្វារអន្តរជាតិប៉ោយប៉ែត គេឃើញវត្តមានលោក គាត ហ៊ុល អភិបាលក្រុងប៉ោយប៉ែត និងមន្ត្រីស្ថាប័នពាក់ព័ន្ធ បានធ្វើការសម្របសម្រួលរយៈពេលជិត១ម៉ោង ទើបកម្មករអូរទេះសុខចិត្តរំសាយ ។
លោក គាត ហ៊ុល អភិបាលក្រុងប៉ោយប៉ែតបានប្រាប់ថា កម្មករអូសរទេះដឹកទំនិញចូលពីប្រទេសថៃធ្វើការតវ៉ានឹងមន្ត្រីគយ និងរដ្ឋាករ ដែលសហការជាមយយកម្លាំងនគរបាលអន្តោប្រវេសន៍ច្រកទ្វារប៉ោយប៉ែត ដែលរឹតបន្តឹងការត្រួតពិនិត្យរកទំនិញគេចពន្ធដែលលួចលាក់នាំចូលពីប្រទេសថៃ ដែលសកម្មភាពនេះ ធ្វើឱ្យបាត់បង់ចំណូលរដ្ឋ ។ ក្នុងនាមអាជ្ញាធរក្រុងប៉ោយប៉ែត និងជាប្រធានគណៈបញ្ជាការឯកភាពក្រុង រួមជាមួយមន្ត្រីស្ថាប័នពាក់ព័ន្ធ បានធ្វើការសម្របសម្រួលឱ្កយកម្មករអូសរទេះរំសាយ ដើម្បីកុំឱ្យមានកាកកស្ទះនៅច្រកទ្វារអន្តរជាតិប៉ោយប៉ែត ដែលប៉ះពាល់សន្តិសុខ និងភ្ញៀវចេញ-ចូល ដែលការសម្របសម្រួលនេះ គឺមិនចាប់ឆែកឆេរត្រួតពិនិត្យទេសម្រាប់១ជើងនេះ តែនៅពេលក្រោយមន្ត្រីជំនាញនឹងមានចំណាត់ការតាមច្បាប់ ដោយមិនអនុគ្រោះឡើយ ។
លោក គាត ហ៊ុល បានបញ្ជាក់ថា មន្ត្រីគយ និងរដ្ឋាករ រួមសហការជាមួយកម្លាំងនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បានធ្វើការរឹតបន្តឹងការត្រួតពិនិត្យទំនិញដែលនាំចូលពីប្រទេសថៃ ទប់ស្កាត់ការលួចលាក់បង្កប់នាំចូលទំនិញគេចពន្ធ ដើម្បីពង្រឹងការប្រមូលពន្ធជូនរដ្ឋ និងលុបបំបាត់ការលួចនាំចូលទំនិញខូចគុណភាព ដែលបានបង្កប់តាមទំនិញដែលពួកគេលួចនាំចូលពីថៃ ។
កម្មករអូសរទេះបាននិយាយថា មូលហេតុដែលពួកគាត់អូសរទេះដឹកទំនិញមកពីថៃ ទុកឱ្យកកស្ទះមុខច្រកទ្វារអន្តរជាតិប៉ោយប៉ែត គឺជាការតវ៉ាសុំមិនឱ្យមានការរឹតបន្តឹងការត្រួតពិនិត្យតាមរទេះ ធ្វើឱ្យប្រជាពលរដ្ឋដែលរកកម្រៃបន្តិចបន្តួចនេះជួបការលំបាក និងសុំឱ្យអនុគ្រោះដូចមុន ។ ពួកគាត់សង្ស័យថា មានអ្នកកាងទំនិញខ្សែបក្ខពួកខ្លះ ត្រូវបានដឹកតាមរទេះចូលយ៉ាងរលូន គ្មានការឃាត់ឃាំងពីមន្ត្រីជំនាញ ទើបបានពួកគាត់ដែលស៊ីឈ្នួលដឹកដូចគ្នាបែរជាចាប់ បើបិទមិនឱ្យដឹកគឺបិទទាំងអស់គ្នាទើបស្មើភាព និងយុត្តិធម៌សម្រាប់អ្នកអត់ខ្សែ ។
ដូចនេះ លោក វ៉ាន់ ដារ៉ាន់ ប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែត ថ្លែងថា ច្រកទ្វារអន្តរជាតិប៉ោយប៉ែត គឺជាច្រកទ្វារអន្តរជាតិសម្រាប់ភ្ញៀវជាតិ និងអន្តរជាតិចេញ-ចូលឆ្លងកាត់ ឯច្រកទ្វារអន្តរជាតិស្ទឹងបត់ សម្រាប់រថយន្តដឹកទំនិញចេញចូល ។ ជាការរឹតបន្តឹងការត្រួតពិនិត្យលើសម្ភារៈប្រើប្រាស់អ្នកដំណើរចេញចូលតាមច្រកទ្វារអន្តរជាតិប៉ោយប៉ែត មន្ត្រីគយនិង
រដ្ឋាករ សហការជាមួយនគរបាលអន្តោប្រវេសន៍បានធ្វើការត្រួតពិនិត្យសម្ភារៈប្រើប្រាស់របស់អ្នកដំណើរជាភ្ញៀវទេសចរ និងរថយន្តចេញចូលកម្ពុជានិងថៃ ។
លោក វ៉ាន់ ដារ៉ាន់ បន្តថា ក្រោយពីមន្ត្រីគយនិងរដ្ឋាករ សហការជាមួយកម្លាំងនគរបាលអន្តោប្រវេសន៍ច្រកទ្វាររឹតបន្តឹងការត្រួតពិនិត្យនេះ ក៏មានការផ្សាយតាមបណ្តាញសង្គមមួយចំនួនថា មន្ត្រីគយនិងរដ្ឋាករចាប់ឃាត់អីវ៉ាន់កម្មករអូររទេះបន្តិចបន្តួច រហូតដល់ប្រើហិង្សាទៅលើ
កម្មករថែមទៀត ។ ព័ត៌មានទាំងនោះលោកសូមច្រានចោល ព្រោះគ្មានការពិតឡើយ ។ ច្រកទ្វារអន្តរជាតិប៉ោយប៉ែត ជាច្រកសម្រាប់តែភ្ញៀវជាតិនិងអន្តរជាតិឆ្លងកាត់ចេញចូល ហើយធ្វើ
ការត្រួតពិនិត្យលើសម្ភារៈភ្ញៀវចេញចូលដែលដឹកតាមរទេះនិងរថយន្ត ដើម្បីទប់ស្កាត់ការលួចបង្កប់ទំនិញជាប់ពន្ធនិងខុសច្បាប់ ឬខូចគុណភាព ។
លោកបញ្ជាក់ថា ទំនិញគ្រប់ប្រភេទដែលដឹកចេញចូលតាមច្រកទ្វារអន្តរជាតិស្ទឹងបត់ ហើយ
ដែលមន្ត្រីជំនាញធ្វើការត្រួតពិនិត្យគឺបង់ពន្ធត្រឹមត្រូវ ។ ប៉ុន្តែ នៅច្រកប៉ោយប៉ែត មានករណីបង
ប្អូនកម្មករអូសរទេះមួយចំនួនតូច មិនព្រមស្តាប់តាមការណែនាំរបស់សមត្ថកិច្ច នៅមានលួច
បង្កប់ទំនិញហាមឃាត់តាមរទេះដូចសត្វកណ្តៀរជញ្ជូនស្បៀង ធ្វើឱ្យបាត់ចំណូលថវិការដ្ឋជាច្រើន ។
ពួកគាត់ខ្លះមិនព្រមសហការនៅពេលស្នើសុំត្រួតពិនិត្យ និងតែងតែប្រើពាក្យសម្តីអាកប្បកិរិយា
មិនសមរម្យស្រែកឡូឡា ធ្វើឲ្យរំខាននិងប៉ះពាល់ដាល់អារម្មណ៍ភ្ញៀវទេសចរជាតិនិងអន្តរជាតិ ដែលឆ្លងកាត់តាមច្រកទ្វារអន្តរជាតិប៉ោយប៉ែត៕
ចែករំលែកព័តមាននេះ