រាជធានីភ្នំពេញ ៖ បន្តិចទៀតនេះ វេលាម៉ោង២រសៀលថ្ងៃទី២៥ ខែឧសភា ឆ្នាំ២០២៥ ស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខក្មេងស្ទាវ១ក្រុមប្រមាណ២០នាក់ដែលសមត្ថកិច្ចមូលដ្ឋានតាមបណ្តាខណ្ឌ និងការិយាល័យជំនាញបង្ក្រាបក្នុងពេលថ្មីៗនេះ ។…
រាជធានីភ្នំពេញ ៖ បន្តិចទៀតនេះ វេលាម៉ោង២រសៀលថ្ងៃទី២៥ ខែឧសភា ឆ្នាំ២០២៥ ស្នងការដ្ឋាននគរបាលរាជធានីភ្នំពេញ បានធ្វើការបង្ហាញមុខក្មេងស្ទាវ១ក្រុមប្រមាណ២០នាក់ដែលសមត្ថកិច្ចមូលដ្ឋានតាមបណ្តាខណ្ឌ និងការិយាល័យជំនាញបង្ក្រាបក្នុងពេលថ្មីៗនេះ ។
ការបង្ហាញមុខក្រុមក្មេងទំនើងនោះ ធ្វើឡើងដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនព្រហ្មទណ្ឌ ក្រោមការអនុញ្ញាតិពីលោកឧត្តមសេនីយ៍ឯក ជួន ណារិន្ទ អគ្គស្នងការរង ជាស្នងការនគរបាលរាជធានីភ្នំពេញ ។
ជនសង្ស័យទាំង២០ នាក់នោះត្រូវបានសម្ត្ថកិច្ចជំនាញនគរបាលរាជធានីភ្នំពេញ បើកកិច្ចប្រតិបត្តការបង្ក្រាបថ្ងៃទី២៣ និង ថ្ងៃ២៤ ខែ៥ ឆ្នាំ២០២៤ ជាប់ពាក់ពន្ធ ក្រុមក្មេងទំនើង កាន់កាប់អាវុធដោយគ្មានការអនុញ្ញាត និងបង្កឡើងដោយហឹង្សា ។
.ទី១ ខណ្ឌសែនសុខ ១ ករណី ឃាត់ ២នាក់
.ទី២ ខណ្ឌដង្កោ ១ ករណី ឃាត់ ៧នាក់
.ទី៣ ខណ្ឌចំការមន ១ ករណី ឃាត់ ១នាក់ (កាន់កាប់អាវុធដោយគ្មានការអនុញ្ញាត ដាវ )
.ទី៤ ការិយាល័យនគរបាលព្រហ្មទណ្ឌកម្រិតស្រាល ១ករណី ៨នាក់
.ទី៥ ខណ្ឌពោធសែនជ័យ ១ករណី ២នាក់ (កានកាប់អាវុធដោយគ្មានការអនុញ្ញាត ដាវ )
ដកហូតវត្ថុតាង ១ចំនួន ដូចជា ដាវ កាំបិត ដំថ្ម ។
ជាមួយនោះផងដែរលោកឧត្តមសេនីឯក ជួន ណារិន្ទ អគ្គស្នងការរង ជាស្នងការនគរបាលរាជធានីភ្នំពេញ បានបញ្ជាក់បន្ថែមថា តាមសង្គមតេឡេក្រាមប្រាប់កោះសន្តិភាពដឹងថា ក្នុងនាមរូបលោក ជាអគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាទៅអធិការខណ្ឌទាំង១៤ និងផែននគរបាលសេដ្ឋកិច្ចឲ្យចុះស្រាវជ្រាវតាមមូលដ្ឋាន ដែលអាចមានលួចផលិតនាំចូល លក់ ដាវសាម៉ូរ៉ាវ ដោយគ្មានច្បាប់អនុញ្ញាតិ គឺឲ្យណែនាំបញ្ឍប់ ឬមួយបើសិនជាមានការចាំបាច់គោរពស្នើសុំធ្វើការដកហូតដាវសាម៉ូរ៉ាវនេះ ៕
ចែករំលែកព័តមាននេះ