ADផ្ទាំងផ្សព្វផ្សាយពាណិជ្ជកម្ម

Picture

អាមេរិក​ត្រៀម​ផ្ដល់​ជំនួយ​យោធា​ថ្មី​២៧៥​លាន​ដុល្លារ​សម្រាប់​អ៊ុយ​ក្រែន

2 អាទិត្យ មុន

ទីក្រុង​វ៉ាស៊ីនតោន៖ ប្រទេស​អាមេរិក​ត្រៀម​ប្រកាស​​គម្រោង​ផ្ដល់​​ជំនួយ​យោធា​​ដែល​គិត​ជា​ទឹក​ប្រាក់​២៧៥​លាន​បន្ថែម​ទៀត​សម្រាប់​អ៊ុយ​ក្រែន​នៅ​ថ្ងៃ​សុក្រ​នេះ​នៅ​ពេល​ទី​ក្រុង​កៀវ​កំពុង​ខិត​ខំ​ទប់ទល់​ទាំង​ត្រដាប​ត្រដួស​នៅ​ចំពោះ​នៃ​ការ​វាយ​រុល​ទៅ​មុខ​របស់​ទាហាន​រុស្ស៊ី​នៅ​សមរភូមិ​ខាគីវ​។ នេះ​បើ​យោង​តាម​មន្ត្រី​យោធា​អាមេរិក​២​នាក់​បង្ហើប​ប្រាប់ទី​ភ្នាក់​ងារ​ព័ត៌​មាន​អេភី​។ បើ​ពិត​ដូច​ការ​បង្ហើប​ឱ្យ​ដឹង​នេះ​មែន​ មាន​ន័យ​ថា​​​ជា​ការ​បញ្ជូន​ជំនួយ​យោធា​របស់​អាមេរិក​លើក​ទី​៤​ទៅ​អ៊ុយ​ក្រែន​ចាប់​តាំង​ពី​សភា​អាមេរិក​បោះ​ឆ្នោត​អនុម័ត​កញ្ចប់​ជំនួយ​ជាង​៦១​ពាន់​លាន​​ដុល្លារ​កាល​ពី​ខែ​មេសា​ ឆ្នាំ​២០២៤​។ ម៉្យាង​ទៀត​ គម្រោង​ផ្ដល់​ជំនួយ​លើក​នេះ​ក៏​កើត​ឡើង​ចំ​ពេល​ដែល​រដ្ឋាភិបាល​របស់​លោក​បៃដិន​​សន្យា​ថា​លើក​នេះ​មិន​ឱ្យ​អាវុធ​របស់​អ៊ុយ​ក្រែន​អស់​ពី​ស្តុក​ទាន់​ទេ​ (ដាច់​ស្តុក)។ ត្រូវ​តែ​ខិត​ខំ​ដាក់​បំពេញ​ឱ្យ​បាន​ទាន់​ពេល​វេលា​…

ទីក្រុង​វ៉ាស៊ីនតោន៖ ប្រទេស​អាមេរិក​ត្រៀម​ប្រកាស​​គម្រោង​ផ្ដល់​​ជំនួយ​យោធា​​ដែល​គិត​ជា​ទឹក​ប្រាក់​២៧៥​លាន​បន្ថែម​ទៀត​សម្រាប់​អ៊ុយ​ក្រែន​នៅ​ថ្ងៃ​សុក្រ​នេះ​នៅ​ពេល​ទី​ក្រុង​កៀវ​កំពុង​ខិត​ខំ​ទប់ទល់​ទាំង​ត្រដាប​ត្រដួស​នៅ​ចំពោះ​នៃ​ការ​វាយ​រុល​ទៅ​មុខ​របស់​ទាហាន​រុស្ស៊ី​នៅ​សមរភូមិ​ខាគីវ​។ នេះ​បើ​យោង​តាម​មន្ត្រី​យោធា​អាមេរិក​២​នាក់​បង្ហើប​ប្រាប់ទី​ភ្នាក់​ងារ​ព័ត៌​មាន​អេភី​។

បើ​ពិត​ដូច​ការ​បង្ហើប​ឱ្យ​ដឹង​នេះ​មែន​ មាន​ន័យ​ថា​​​ជា​ការ​បញ្ជូន​ជំនួយ​យោធា​របស់​អាមេរិក​លើក​ទី​៤​ទៅ​អ៊ុយ​ក្រែន​ចាប់​តាំង​ពី​សភា​អាមេរិក​បោះ​ឆ្នោត​អនុម័ត​កញ្ចប់​ជំនួយ​ជាង​៦១​ពាន់​លាន​​ដុល្លារ​កាល​ពី​ខែ​មេសា​ ឆ្នាំ​២០២៤​។ ម៉្យាង​ទៀត​ គម្រោង​ផ្ដល់​ជំនួយ​លើក​នេះ​ក៏​កើត​ឡើង​ចំ​ពេល​ដែល​រដ្ឋាភិបាល​របស់​លោក​បៃដិន​​សន្យា​ថា​លើក​នេះ​មិន​ឱ្យ​អាវុធ​របស់​អ៊ុយ​ក្រែន​អស់​ពី​ស្តុក​ទាន់​ទេ​ (ដាច់​ស្តុក)។ ត្រូវ​តែ​ខិត​ខំ​ដាក់​បំពេញ​ឱ្យ​បាន​ទាន់​ពេល​វេលា​ ហើយ​ដឹក​ជញ្ជូន​ទៅ​សមរភូមិ​មុខ​ជាប់​ជា​ប្រចាំ​។

គេ​ដឹង​ថា​នៅ​ក្នុង​កញ្ចប់​ជំនួយ​យោធា​លើក​នេះ​មាន​​ជើង​ទម្រ​បាញ់​កាំ​ជ្រួច​​ហ្វូង​ ឬ​​​ហាយ​ម៉ាស់​ (HIMARS), កាំ​ភ្លើង​ធំ​១៥៥​មិល្លីម៉ែត្រ​ និង​១០៥​មិល្លីម៉ែត្រ​។ ​ក្រៅ​ពី​នេះ​នៅ​មាន​ជំនួយ​បន្ថែម​នៅ​ក្នុង​កញ្ចប់​នោះ​ទៀត​ដូច​ជា​មីស៊ីល​​ម៉ាក​ចាវើលីន និង​អាតេ​បួន (Javelin & AT-4) សម្រាប់​បាញ់​រថ​ក្រោះ​, គ្រាប់​មីន​ប្រឆាំង​រថ​ក្រោះ​, យាន​ជំនិះ​, អាវុធ​ធុន​តូច​ និង​គ្រាប់​កាំ​ភ្លើង​​។

គម្រោង​ផ្ដល់​ជំនួយ​នេះ​ក៏​ធ្វើ​ឡើង​ក្រោយ​កិច្ច​ប្រជុំ​ប្រចាំ​ខែ​របស់​​មន្ត្រី​យោធា​កំពូល​ៗ​ចំនួន​៥០​រូប​ដែល​មក​ពី​សហ​ភាព​​អឺរ៉ុប​ និង​ប្រទេស​ដទៃ​ទៀត។ ពួក​គេ​​ជួប​គ្នា​កាល​ពី​ថ្ងៃ​ចន្ទ​ដើម្បី​ពិគ្រោះ​គ្នា​អំពី​ការ​ផ្ដល់​ជំនួយ​សម្រាប់​អ៊ុយ​ក្រែន​។ នៅ​ក្នុង​កិច្ច​ជំនួប​នោះ រដ្ឋមន្ត្រី​ការ​ពារ​ជាតិ​អាមេរិក​ លោក​អូស្ទីន ថ្លែង​​ថា​អ៊ុយ​ក្រែន​កំពុង​ប្រឈម​នឹង​បញ្ហា​ពិបាក​នៅ​ពេល​រុស្ស៊ី​បើក​សមរភូមិ​ជា​​ថ្មី​នៅ​ខាង​គីវ​ដែល​ជា​ទី​ក្រុង​ធំ​លំដាប់​ទី​២​របស់​អ៊ុយ​ក្រែន​។ លោក​សន្យា​ថា​នឹង​បញ្ជូន​អាវុធ​ទៅ​សមរភូមិ​មួយ​​អាទិត្យ​ម្ដង​ៗ​។

​ប្រទេស​រុស្ស៊ីដឹង​ថា​អ៊ុយ​ក្រែន​កំពុង​ទន់​ដៃ​ទន់​ជើង​នៅ​ចំពោះ​មុខ​នៃ​ការ​ខ្វះ​ខាត​គ្រាប់​រំសេវ និង​កម្លាំង​ប្រយុទ្ធ។​ ដូច្នេះ រុស្ស៊ី​​ចង់​ឆ្លៀត​ឱកាស​នេះ​វាយ​ប្រហារ​អ៊ុយ​ក្រែន​កាន់​តែ​ខ្លាំង​ដើម្បី​មាន​ប្រៀប​​នៅ​លើ​សមរភូមិ​យោធា​​​។ ចំណែក​អ៊ុយ​ក្រែន​វិញ​មិន​អាច​ធ្វើ​អ្វី​កើត​ទេ​ក្រៅ​ពី​អង្គុយ​ចាំ​ការ​ទម្លាក់​ជំនួយ​ពី​ប្រទេស​អាមេរិក​ដូច​អ្នក​ជំងឺ​ម្នាក់​ដែល​រង់​ចាំ​​គេ​បន្តោក​សេរ៉ូម​ឱ្យ​តែ​ប៉ុណ្ណោះ​។​

រយៈ​ពេល​មួយ​ខែ​ចាប់​តាំង​ពី​លោ​កបៃដិន​ចុះ​ហត្ថ​លេខា​លើ​កញ្ចប់​ជំនួយ​៩៥​ពាន់​លាន​ដុល្លារ​​ដែល​មាន​៦១​ពាន់​លាន​ដុល្លារ​សម្រាប់​អ៊ុយ​ក្រែន​ផង​ដែរ​នោះ អាមេរិក​បាន​ផ្ដល់​អាវុធ​ទៅ​ឱ្យ​អ៊ុយ​ក្រែន​គិត​ជា​ទឹក​ប្រាក់​១៧០០​លាន​ដុល្លារ​រួច​ហើយ​។

មន្ទីរ​បញ្ចកោណ​ក៏​ប្រកាស​អំពី​គម្រោង​ផ្ដល់​ថវិកា​៦​ពាន់​លាន​ដុល្លារ​ផង​ដែរ​សម្រាប់​គម្រោង​សន្តិ​សុខ​ជាតិ​អ៊ុយ​ក្រែន​។ នេះ​ជា​​ការ​ចុះ​កិច្ច​សន្យា​​ជា​មួយ​រោង​ចក្រ​ផលិត​អាវុធ​សម្រាប់​រយៈ​ពេល​វែង​​។ ​បើ​ទុក​ជា​អ៊ុយ​ក្រែន​ទទួ​លបាន​អាវុធ​តាម​រយៈ​គម្រោង​នេះ​ក៏​ត្រូវ​ការ​ពេល​ជា​ច្រើន​ខែ​ឆ្នាំ​​ត​ទៅ​មុខ​ទៀត​។

ឥឡូវ​នេះ អ្វី​ដែល​អ៊ុយ​ក្រែន​កំពុង​សង្ឃឹម​ខ្លាំង​ជាង​គេ​​គឺ​គម្រោង​ផ្ដល់​ជំនួយ​លើក​ទី​៤​នេះ​ដូច​ដែល​មន្ត្រី​២​រូប​បាន​បង្ហើប​ឱ្យ​ដឹង​។​ គួរ​កត់​សម្គាល់​ថា​បើ​គិត​ទាំង​ជំនួយ​លើក​ទី​៤​​នេះ​ទៀត​ ប្រទេស​អាមេរិក​បាន​ផ្ដល់​ជំនួយ​យោធា​គិត​ជា​ទឹក​ប្រាក់​ជិត​៥១​ពាន់​លាន​ដុល្លារ​រួច​ហើយ​សម្រាប់​អ៊ុយ​ក្រែន​គិត​ចាប់​តាំង​ពី​សង្គ្រាម​​អ៊ុយ​ក្រែន​​ផ្ទុះ​ឡើង​ជា​លើក​ដំបូង​កាល​ពី​ខែ​កុម្ភៈ ឆ្នាំ​២០២២​៕​

អត្ថបទសរសេរ ដោយ

កែសម្រួលដោយ