ខណៈពេលដែលយានយន្ត ជាពិសេសគឺរថយន្តថ្មីមួយចំនួន បានបញ្ចុះតម្លៃលក់ ឬក៏លក់នៅក្នុងតម្លៃនៃកញ្ចប់ធ្វើការឃោសនានោះ របាយការណ៍នាំចេញនាំចូល ដែលសារព័ត៌មានកោះសន្តិភាព បានទទួលបង្ហាញថា
ខណៈពេលដែលយានយន្ត ជាពិសេសគឺរថយន្តថ្មីមួយចំនួន បានបញ្ចុះតម្លៃលក់ ឬក៏លក់នៅក្នុងតម្លៃនៃកញ្ចប់ធ្វើការឃោសនានោះ របាយការណ៍នាំចេញនាំចូល ដែលសារព័ត៌មានកោះសន្តិភាព បានទទួលបង្ហាញថា ការនាំចូលយានយន្តមកកម្ពុជា មានការថយចុះគួរឲ្យកត់សម្គាល់ ។
ស្ថិតិបានបង្ហាញថា នៅក្នុងរយៈពេល២ខែមករា ដល់ខែមេសា ឆ្នាំ២០២៤នេះ ការនាំចូល យានយន្តមកបម្រើសេចក្តីត្រូវការនៅក្នុងស្រុក មានការថយចុះ រហូតដល់ទៅ ជាង ៩១ លានដុល្លារ ឬធ្លាក់ចុះប្រមាណជា២៤,១៣ភាគរយ ។
ប្រភពដដែលបានឲ្យដឹងថា កាលពីរយៈពេល៤ខែដើម ឆ្នាំ២០២៣ កម្ពុជា នាំចូលយានយន្ត សរុបនៅក្នុងតម្លៃជាង ៣៧៧ លានដុល្លារ តែមកដល់៤ខែដើម ឆ្នាំ២០២៤ ការនាំចូលនូវយាន យន្តមានការថយចុះមកនៅត្រឹមតែ ២៨៦ លានដុល្លារប៉ុណ្ណោះ ។
ពាក់ព័ន្ធនឹងស្ថានភាពនេះ អ្នកវិភាគ បានលើកឡើងថា ហេតុផលនៃការថយចុះនេះ គឺអាច ដោយសារតែស្ថានភាពសេដ្ឋកិច្ចមិនសូវដើរ ពលរដ្ឋរិតបន្តឹងលើការចំណាយដែលមិនចាំបាច់ ហើយខាងស្ថាប័នធនាគារ និងគ្រឹះស្ថានហិរញ្ញវត្ថុ ក៏នៅតែមានការរឹតបន្តឹង លើប្រាក់កម្ចី ស្រប ពេលដែលកម្ពុជា ក៏មានរោងចក្រតម្លើងទាំងម៉ូតូមួយចំនួន និងតម្លើងរថយន្តនៅក្នុង ស្រុក៦ក្រុមហ៊ុនដែរ នៅពេលនេះ។
ចែករំលែកព័តមាននេះ