ចិននឹងបង្កើតតំបន់សេដ្ឋកិច្ចពិសេស នៅជិតព្រលានយន្តហោះសៀមរាបអង្គរ
- សៀមរាប
ក្រុមហ៊ុនចិន កំពុងគិតបង្កើតតំបន់សេដ្ឋកិច្ចពិសេសនៅក្បែរអាកាសយានដ្ឋានអន្តរជាតិសៀមរាបអង្គរ។ នេះបើតាមជំនួបមួយរវាងមន្ត្រីរដ្ឋាភិបាល ជាមួយ
ក្រុមហ៊ុនចិន កំពុងគិតបង្កើតតំបន់សេដ្ឋកិច្ចពិសេសនៅក្បែរអាកាសយានដ្ឋានអន្តរជាតិសៀមរាបអង្គរ។ នេះបើតាមជំនួបមួយរវាងមន្ត្រីរដ្ឋាភិបាល ជាមួយ
ក្រុមហ៊ុនចិន កំពុងគិតបង្កើតតំបន់សេដ្ឋកិច្ចពិសេសនៅក្បែរអាកាសយានដ្ឋានអន្តរជាតិសៀមរាបអង្គរ។ នេះបើតាមជំនួបមួយរវាងមន្ត្រីរដ្ឋាភិបាល ជាមួយក្រុមហ៊ុនចិន ដែលកំពុងគ្រប់គ្រង និងប្រតិបត្តិការអាកាសយានដ្ឋានអន្តរជាតិសៀមរាបអង្គរ កាលពីថ្ងៃទី១៧ ខែឧសភា។
លោក លូ សៀវឡុង (Lu Xiaolong) ប្រធានក្រុមប្រឹក្សាភិបាល នៃក្រុមហ៊ុននេះ បានលើកឡើងនូវចំណាប់អារម្មណ៍នេះ កាលពីព្រឹកថ្ងៃទី១៧ ខែឧសភា ឆ្នាំ២០២៤ នៅពេលលោក ជួបជាមួយនឹងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ។
នៅក្នុងជំនួបនោះ លោក លូ សៀវឡុង បានលើកឡើងថា ក្រុមហ៊ុនកំពុងស្វែងរកការគាំទ្រដល់គម្រោងវិនិយោគអភិវឌ្ឍតំបន់សេដ្ឋកិច្ច នៅជិតអាកាសយានដ្ឋាន ហើយការវិនិយោគនោះ គ្រោងនឹងផ្តោតលើសកម្មភាពបថមចំនួន៣ ដែលរួមមាន ៖ ការវិនិយោគ ថាមពលកកើតឡើងវិញដើរដោយពន្លឺព្រះអាទិត្យ, ការវិនិយោគក្នុងវិស័យទេសចរណ៍ និងការវិនិយោគក្នុងវិស័យកសិកម្ម។
ពាក់ព័ន្ធនឹងចំណាប់អារម្មណ៍នេះ លោក ជា វុទ្ធី បានសម្តែងនូវការគាំទ្រដល់គម្រោងវិនិយោគ របស់ក្រុមហ៊ុន ដោយរំពឹងថា នៅពេលក្រុមហ៊ុន បោះទុននោះវានឹងជួយចូលរួមអភិវឌ្ឍសង្គម-សេដ្ឋកិច្ចកម្ពុជា ពិសេសការបង្កើតការងារជូនបងប្អូនប្រជាពលរដ្ឋក្នុងមូលដ្ឋាន និងបានជំរុញ ឱ្យភាគីចិន ជួយទាក់ទាញទេសចរណ៍ឱ្យមកទស្សនាកម្ពុជា ឱ្យបានច្រើន ពិសេសខេត្តសៀមរាប។
នៅក្នុងឱកាសនោះ លោក ជា វុទ្ធិ បានលើកទឹកចិត្តឱ្យក្រុមហ៊ុនធ្វើការគិតគូរក្នុងការវិនិយោគ កែច្នៃកសិផលកម្ពុជា ដើម្បីបម្រើឱ្យការផ្គត់ផ្គង់ដល់ទីផ្សារក្នុងស្រុក និងការនាំចេញ ជាពិសេសការជំរុញការនាំចេញនៅនឹងកន្លែងតាមរយៈភ្ញៀវទេសចរ ដែលមកទស្សនាកម្ពុជា។
មកដល់ពេលនេះ គេបានដឹងថា ក្រុមហ៊ុន Yunnan Investment Holding Group Co., Ltd គឺជាក្រុមហ៊ុនចិន ដែលបានបោះទុន១,១ពាន់លានដុល្លារ កសាង និងគ្រប់គ្រងប្រតិបតិ្តការនៅអាកាសយាន្តដ្ឋានអន្តរជាតិសៀមរាបអង្គរ ។
ចែករំលែកព័តមាននេះ