ADផ្ទាំងផ្សព្វផ្សាយពាណិជ្ជកម្ម

Picture

អ្នករក​ឃ្មុំ​ម្នាក់​ភ័យ​ស្ទើរ​លស់​ព្រលឹង ក្រោយ​ប្រទះ​ឃើញ​គ្រោងឆ្អឹង​មនុស្ស​លើ​ដី​ព្រៃ​ក្បែរ​អូរ ក្នុង​ខណ្ឌ​ច្បារ​អំពៅ

1 អាទិត្យ មុន

រាជធានី​ភ្នំពេញ ៖ ​បុរស​ម្នាក់​ជា​អ្នក​ដើរ​រក​ឃ្មុំ ក្នុង​ដី​ព្រៃ​បន្លា​ក្បែរ​អូរ មួយ​កន្លែង ក៏​ប្រទះ​ឃើញ​គ្រោងឆ្អឹង​សាកស​.​ព​មនុស្ស បណ្តាល​អោយ​អ្នករក​ឃ្មុំ​រូប​នោះ ភ័យ​តក់ស្លុត​រន្ធត់​ប្រញាប់រ​ត់ទៅ​រាយការណ៍​ជូន​សមត្ថកិច្ច ចុះ​មក​ធ្វើការ​ពិនិត្យ ។ ហេតុការណ៍​ប្រទះ​ឃើញ​នេះ…

រាជធានី​ភ្នំពេញ ៖ ​បុរស​ម្នាក់​ជា​អ្នក​ដើរ​រក​ឃ្មុំ ក្នុង​ដី​ព្រៃ​បន្លា​ក្បែរ​អូរ មួយ​កន្លែង ក៏​ប្រទះ​ឃើញ​គ្រោងឆ្អឹង​សាកស​.​ព​មនុស្ស បណ្តាល​អោយ​អ្នករក​ឃ្មុំ​រូប​នោះ ភ័យ​តក់ស្លុត​រន្ធត់​ប្រញាប់រ​ត់ទៅ​រាយការណ៍​ជូន​សមត្ថកិច្ច ចុះ​មក​ធ្វើការ​ពិនិត្យ ។

ហេតុការណ៍​ប្រទះ​ឃើញ​នេះ បាន​បង្ក​ភ្ញាក់ផ្អើល​កាលពី​វេលា​ម៉ោង​០៣​និង​១០​នាទី​រសៀល ថ្ងៃ​ទី​១០ ខែឧសភា ឆ្នាំ​២០២៤ ក្នុង​ដី​ព្រៃ​បន្លា​អូ​យ៉ា​ស់ ភូមិ​ព្រែក​ថ្មី​១ សង្កាត់​ព្រែក​ថ្មី ខណ្ឌ​ច្បារ​អំពៅ រាជធានី​ភ្នំពេញ ។

សមត្ថកិច្ច​បាន​ឲ្យ​ដឹង​ថា ស​.​ព​ខាងលើ ពុំ​ស្គាល់​អត្តសញ្ញាណ ដឹង​ត្រឹម​ថា ស​.​ព​នេះ មាន​អាយុ​ប្រហែល​២៥​ទៅ​៣៥​ឆ្នាំ ហើយ​ស្លា​.​ប់​ប្រហែល​រយៈពេល​២​ទៅ​៣​ខែ ទៅ​ហើយ ។ ចំណែក​សាកស​.​ពនៅ​សល់​តែ​គ្រោងឆ្អឹង និង​សាច់​រលួយ​មួយ​ចំនួន ផ្នែក​ខ្លះ​នៃ​គ្រោងឆ្អឹង ត្រូវ​ភ្លើង​ឆេះ​ខ្លោច​អស់​តែ​ម្តង ។

បើ​តាម​ប្រភព​ព័​ត៏​មាន​ពី​បុរស​ជា​អ្នករក​ឃ្មុំ បាន​ប្រាប់​អោយ​ដឹង​ថា មុន​ពេល​កើតហេតុ គាត់​បាន​ចេញពីផ្ទះ គោលបំណង​ដើរ​រក​ឃ្មុំ នៅ​ព្រៃ​បន្លា​ក្បែរ​អូ ដើម្បី​យក​ទៅ​លក់ ក្រែង​បាន​ប្រាក់​មួយ​ចំនួន យក​ទៅ​ទិញ​ម្ហូប​។ ខណៈ​ពេល​គាត់ ដើរ​កាត់​ព្រៃ​បន្លា​ក្បែ​អូរ ក៏​ស្រាប់តែ​ប្រទះ​ឃើញ គ្រោងឆ្អឹង​មនុស្ស និង​សាច់​រលួយ​មួយ​ចំនួន និង​ផ្នែក​ខ្លះ​ទៀត ត្រូវ​បាន​ឆេះ​ខ្លោច​អស់​បាត់​ទៅ​ហើយ ។ ភ្លាម​ៗ បុរស​ជា​អ្នករក​ឃ្មុំ​ខាងលើ មានការ​ភ័យ​ស្លន់ស្លោ​ជា​ខ្លាំង និង​បាន​ប្រញាប់រ​ត់ទៅ​រាយ​ការ​ណ៏​ជូន​សមត្ថកិច្ច ដើម្បី​អោយ​ជួយ​ចុះ​អន្តរា​គម​ន៏ ។

ក្រោយ​ពេល​ត្រួតពិនិត្យ​រួច សមត្ថកិច្ច​ជំនាញ​កោសល្យ​វិ​ច្ឆ័​យ​បាន​បញ្ជាក់​ថា សាកស​.​ព​ខាងលើ​មិន​អាច​សន្និដ្ឋាន​បាន​នោះ​ទេ ដោយសារ​តែ ស​.​ព​សល់​តែ​សាច់​រលួយ និង​គ្រោងឆ្អឹង​។ បច្ចុប្បន្ន ស​.​ព​ត្រូវ​បាន​កម្លាំង​ជំនាញ ប្រគល់​ឲ្យ​នគរបាល​ប៉ុស្តិ៍​ព្រែក​ថ្មី ដើម្បី​បន្ត​នីតិវិធី​ ៕ 
ដោយ ៖ រ​ដ្ឋា

អត្ថបទសរសេរ ដោយ