អ្នករត់ស៊ីក្លូជួយតភ្លើងឱ្យលោកតាម្នាក់ ស្រាប់តែជួបគ្រោះអកុស.លយ៉ាងរន្ធ.ត់
- ភ្នំពេញ
រាជធានីភ្នំពេញ ៖ បុរសជាអ្នករត់សុីក្លូ ឡើងជួយតខ្សែភ្លើង ឱ្យលោកតាម្នាក់ជាអ្នកស្គាល់គ្នា
រាជធានីភ្នំពេញ ៖ បុរសជាអ្នករត់សុីក្លូ ឡើងជួយតខ្សែភ្លើង ឱ្យលោកតាម្នាក់ជាអ្នកស្គាល់គ្នា
រាជធានីភ្នំពេញ ៖ បុរសជាអ្នករត់សុីក្លូ ឡើងជួយតខ្សែភ្លើង ឱ្យលោកតាម្នាក់ជាអ្នកស្គាល់គ្នា បណ្តាលឱ្យឆ.ក់ស្លាប់ភ្លាមៗនៅនឹងកន្លែង ។
ហេតុការណ៍នេះបង្កឱ្យមានការភ្ញាក់ផ្អើលនាវេលាម៉ោង១២និង៣០នាទីថ្ងៃត្រង់ថ្ងៃទី៦ ខែឧសភា ឆ្នាំ២០២៤ នៅត្រង់ចំណុចផ្លូវឌឿងហែម ស្ថិតនៅតាមបណ្តោយផ្លូវលេខ ១៣ កែង ១១៨ ភូមិ១៥ សង្កាត់ផ្សារកណ្តាលទី០១ ខណ្ឌដូនពេញ រាជធានីភ្នំពេញ ។
តាមប្រភពពីគ្រួសារសាច់ញាតិបានប្រាប់ឱ្យដឹងថា ជនរងគ្រោះឈ្មោះហេង សារីម ភេទប្រុស អាយុ២៣ឆ្នាំ មុខរបររត់សុីក្លូ មានទីកន្លែងកំណើតនៅភូមិកំពង់បាស្រូវត្បូង ឃុំជលសា ស្រុកជល់គិរី ខេត្តកំពង់ឆ្នាំង ។
បើតាមប្រភពព័ត៌មានពីលោកតាឈ្មោះ អ៊ឹង គៀង អាយុ៨២ឆ្នាំ ស្នាក់នៅកន្លែងកើតហេតុ ជាអ្នកស្គាល់គ្នាជាមួយជនរងគ្រោះ បានប្រាប់ឱ្យដឹងថា មុនពេលកើតហេតុ បុរសរងគ្រោះបានមកលេងផ្ទះ របស់គាត់ ហើយបានឃើញភ្លើងដាច់ ហើយគាត់បានប្រាប់ទៅជនរងគ្រោះថា ផ្ទះគាត់បានដាច់ ចរន្តអគ្គិសនីរយៈពេល៣ថ្ងៃមកហើយ ដោយទុស្សេខ្សែភ្លើង ខណៈនោះមេឃកំពុងធ្លាក់ភ្លៀងខ្លាំង ។
តាមប្រភពដដែលបានបន្តថា បន្ទាប់ពីឮដូច្នោះ ជនរងគ្រោះក៏ប្រាប់ទៅលោកតារូបនោះថា ចាំគាត់តឱ្យ ព្រោះគាត់ស្គាល់ប្រអប់ភ្លើងច្បាស់ ។ ប៉ុន្តែលោកតាខាងលើ ក៏បានហាមថា កុំតអី ចាំឱ្យ ខាងអគ្គិសនីគេមកតវិញ ប៉ុន្តែបុរសរងគ្រោះរូបនោះនៅតែចង់ត និងបានអះអាងថា គាត់ចេះតភ្លើង ។ បន្ទាប់មក បុរសរងគ្រោះ និងម្ចាស់បន្ទប់ជួលបានយកជណ្តើរឡើងទៅបិទឌីស៊ង់ទ័រភ្លើងខាងប្រអប់ធំបានរួចរាល់ហើយ ក៏ត្រឡប់មកបន្ទប់ជួលវិញ ដើម្បីកាត់ខ្សែភ្លើង និងតខ្សែថ្មីឡើងវិញ ។ ប៉ុន្តែ ខណៈពេលនោះជនរងគ្រោះ បានកាត់ខ្សែភ្លើងច្រឡំចំខ្សែភ្លើងបន្ទប់គេផ្សេង បណ្តាលឱ្យ ឆក់ដួលលើដំបូលផ្ទះប្រជាពលរដ្ឋដេករឹងខ្លួនស្តូក ។ ភ្លាមៗនោះបុរសចំណាស់ ក៏រត់ស្ទុះទៅយកក្រមា ចងទាញបុរសរងគ្រោះចុះមក ដើម្បីធ្វើចលនាបេះដូង និងជួយសង្គ្រោះ ប៉ុន្តែជាអកុសលបុរសរងគ្រោះបានដាច់ខ្យល់ស្លាប់បាត់បង់ជីវិតបាត់ទៅហើយ ។
ក្រោយកើតហេតុ សមត្ថកិច្ចបានចុះមកដល់រួចទាក់ទងទៅសមត្ថកិច្ចជំនាញកោសល្យវិច្ឆ័យ ចុះមកត្រួតពិនិត្យ ។ បន្ទាប់ពីធ្វើកោសល្យវិច័្ឆយ សមត្ថកិច្ចជំនាញបានបញ្ជាក់ថា ជនរងគ្រោះពិតជាស្លាប់ដោយសារឆក់ខ្សែភ្លើងប្រាកដមែន ។ បច្ចុប្បន្ន សពប្រគល់ឱ្យសាច់ញាតិចាត់ចែងដឹកយកទៅធ្វើបុណ្យនៅស្រុកកំណើតតាមប្រពៃណី ៕ (ដោយ ៖ រដ្ឋា)
ចែករំលែកព័តមាននេះ