រហូតមកទល់នាពេលនេះ ព្រះអង្គ ឆោម ប៊ុនយ៉ុង នៅមិនទាន់បង្ហាញតម្រុយណាមួយនៅក្នុងការលាចាកសិក្ខាបទនៅឡើយទេ បន្ទាប់ពីព្រះអង្គបានសម្រេចចិត្តបួសជាព្រះសង្ឃ ដើម្បីរស់នៅក្នុងភាពស្ងប់ស្ងាត់អស់រយៈពេលជាង១០ឆ្នាំមកនេះ ។ ជាការពិត ព្រះអង្គ…
រហូតមកទល់នាពេលនេះ ព្រះអង្គ ឆោម ប៊ុនយ៉ុង នៅមិនទាន់បង្ហាញតម្រុយណាមួយនៅក្នុងការលាចាកសិក្ខាបទនៅឡើយទេ បន្ទាប់ពីព្រះអង្គបានសម្រេចចិត្តបួសជាព្រះសង្ឃ ដើម្បីរស់នៅក្នុងភាពស្ងប់ស្ងាត់អស់រយៈពេលជាង១០ឆ្នាំមកនេះ ។
ជាការពិត ព្រះអង្គ ឆោម ប៊ុនយ៉ុង បានផ្ដាច់ខ្លួនពីវិស័យសិល្បៈជាង១០ឆ្នាំមកហើយ ដោយព្រះអង្គបានទៅសាងផ្នួសជាព្រះសង្ឈតាំងពីអំឡុងចុងឆ្នាំ២០១២ ដោយលោកបានលះបង់ទៅសាងផ្នួសបម្រើព្រះពុទ្ធសាសនា យកព្រះធម៌ធ្វើជាមិត្ត ផ្លាស់ប្ដូរពីការបកស្រាយបទចម្រៀងមកកាន់សៀវភៅគម្ពីរធម៌ទន្ទេញបាលី លះបង់កាមកិលេសលោកី តាំងចិត្តក្នុងផ្លូវស្ងប់ស្ងាត់ ។
យ៉ាងណា ការរស់នៅជាព្រះសង្ឃអស់រយៈពេលជាច្រើនឆ្នាំមកនេះ ព្រះអង្គ ឆោម ប៊ុនយ៉ុង នៅមិនទាន់លាចាកសិក្ខាបទនៅឡើយទេ ពោលលោកនៅតែបន្តជីវិតជាព្រះសង្ឃដើរលើផ្លូវព្រះធម៌
រហូតមកទល់នាពេលនេះ។
បើយោងតាមការអះអាងពីអ្នកសិល្បៈមួយរូប ដែលមានការស្និទ្ធិស្នាលជាមួយព្រះអង្គ ឆោម ប៊ុន
យ៉ុង បានឲ្យដឹងថា ព្រះអង្គឆោម ប៊ុនយ៉ុង បានសម្រេចចិត្តបួសជាព្រះសង្ឃ ចាប់យកព្រះធម៌អស់ពេលជាច្រើនឆ្នាំមកនេះ លោកនៅមិនទាន់មានចិត្តចង់លាចាកសិល្ខាបទនៅឡើយទេ ។
ប្រភពដដែលបញ្ជាក់ថា កន្លងមក ក៏មានមិត្តភក្តិជិតស្និទ្ធិជាមួយព្រះអង្គបានសាកសួរ និងចង់ឲ្យលោកផ្សឹកដែរ តែលោកនៅតែមានពុទ្ធដិកាដដែលៗ គឺមិនផ្សឹកនោះឡើយ ខណៈពេលបច្ចុប្បន្នព្រះអង្គ ឆោម ប៊ុនយ៉ុង កំពុងតែគង់នៅក្នុងវត្តកោះមេត្តាពោធិវង្ស ក្នុងរាជធានីភ្នំពេញ ។
គួរបញ្ជាក់ថា អតីតតារាចម្រៀង ឆោម ប៊ុនយ៉ុង បានសម្រេចបួសជាព្រះសង្ឃកាលពីអឡុងចុងឆ្នាំ២០១២ បន្ទាប់ពីលោកបានពើបប្រទះនូវរឿងរ៉ាវគូជីវិតមិនសមបំណង។ នៅមុនពេលសម្រេចចិត្តសាងផ្នួសបួសជាព្រះសង្ឃ នាពេលនេះព្រះអង្គ ឆោម ប៊ុនយ៉ុង ធ្លាប់បានលើកឡើងថា ព្រះអង្គធ្លាប់បានភ្លឹករយះពេល៣ខែ ដោយក្នុងអំឡុងពេលនោះរូបព្រះអង្គផ្ទាល់ និងក្រុមគ្រួសារមិននឹកស្មានថា ព្រះអង្គអាចនៅមានជីវិតរស់នៅនោះឡើយ ។
ព្រះអង្គបញ្ជាក់ថា អំឡុងពេលដែលព្រះអង្គភ្លឹកនោះ គឺព្រះអង្គឃើញតែសៀវភៅធម៌នៅក្បែរខ្លួន ហើយនឹងអក្សរធម៌លោតនៅនឹងមុខ រហូតធ្វើឲ្យព្រះអង្គអាចចាំធម៌បានខ្លះ ហើយព្រះអង្គក៏មានអារម្មណ៍ថា ព្រះអង្គកំពុងមានមនុស្សម្នាក់កំពុងជម្រុញដាស់តឿនឲ្យព្រះអង្គរៀនធម៌។
ព្រះអង្គមានពុទ្ធដីកាបន្ថែមថា ដល់ចំណុចនេះព្រះអង្គដឹងថា ដាច់សង្ខារទៅហើយ តែព្រះអង្គបានប្រឹងរើបំរះក្រោកខ្លួនពីលើគ្រែ ហើយព្រះអង្គបានលុតជង្គង់ និងមានសង្ឃដីកាថា ព្រះអង្គយល់ព្រមទៅបួសហើយ ទើបធ្វើឲ្យព្រះអង្គអាចដឹងខ្លួនឡើងវិញ ពីការភ្លឹកអស់រយៈពេល៣ខែ ៕
ចែករំលែកព័តមាននេះ