រាជធានីភ្នំពេញ ៖ ប្រជាពលរដ្ឋកម្ពុជាទូទាំងប្រទេស និយាយដោយឡែកប្រជាពលរដ្ឋនៅរាជធានីភ្នំពេញ បានចេញ ញាត្តិគាំទ្រយ៉ាងផុលផុស ទៅលើប្រសាសន៏ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាព…
រាជធានីភ្នំពេញ ៖ ប្រជាពលរដ្ឋកម្ពុជាទូទាំងប្រទេស និយាយដោយឡែកប្រជាពលរដ្ឋនៅរាជធានីភ្នំពេញ បានចេញ ញាត្តិគាំទ្រយ៉ាងផុលផុស ទៅលើប្រសាសន៏ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាព នៃព្រះរាជាណាចក្រកម្ពុជាពាក់ពន្ធ័នឹងគម្រោងសាងសង់ព្រែកជីកហ្វូណនតេជោ ដែលជាគម្រោងប្រវត្តិសាស្ត្រលើកដំបូង នៅកម្ពុជា ។
ប្រជាពលរដ្ឋកម្ពុជា សាទរ និងគាំទ្រយ៉ាងពេញទំហឹង ចំពោះគម្រោងសាងសង់ព្រែកជីកហ្វូណនតេជោ ស្របតាមអនុសាសន៏ដ៏ខ្ពង់ខ្ពស់របស់សមេ្តចតេជោ កាលពីថ្ងៃទី២៦ ខែមេសា ឆ្នាំ២០២៤ ។ គម្រោងព្រែកជីកហ្វូណនតេជោ ជាគម្រោងប្រវត្តិសាស្ត្រលើកទី១ សម្រាប់វិស័យដឹកជញ្ជូនផ្លូវទឹករបស់កម្ពុជា ដើម្បីតភ្ជាប់ប្រពន្ធ័ទន្លេមេគង្គ និងផ្លូវសមុទ្រ ។ តាមការសិក្សា ផ្លូវទឹកនេះមានប្រវែងប្រមាណ ១៨០គីឡូម៉ែត្រ ចាប់ពីព្រែកតាកែវ នៃទន្លេមេគង្គ ឆ្លងកាត់តាមព្រែកតាឯក នៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤ រួមមាន ៖ ខេត្តកណ្តាល, ខេត្តតាកែវ,ខេត្តកំពត និងខេត្តកែប ។
ដោយសារតែការមើលឃើញពីអត្ថប្រយោជន៏ជាច្រើន នៃគម្រោងព្រែកជីក ហ្វូណនតេជោ បានធ្វើអោយប្រជាពលរដ្ឋទូទាំងប្រទេស រួមទាំងមន្ត្រីរាជការគ្រប់ស្រទាប់វណ្ណៈ បានចេញញាត្តិគាំទ្រយ៉ាងផុលផុស ចំពោះគម្រោងព្រែកជីក
ហ្វូណនតេជោ ដ៏មានសារសំខាន់មួយនេះ ។
យោងអនុសាសន៏របស់សម្តេចតេជោ នាថ្ងៃទី២៦ ខែមេសា ថា ព្រែកជីកហ្វូណនតេជោ មានអត្ថប្រយោជន៏ជាច្រើនចំណុច សម្រាប់លើកកំពស់សេដ្ឋកិច្ចកម្ពុជា មានដូចជា ៖ ផ្តល់ភាពងាយស្រួលលើការដឹកជញ្ជូន ទៅកាន់សមុទ្រ ដោយមិនឆ្លងកាត់ប្រទេសដទៃ។ ធ្វើឲ្យមានការរីកចម្រើនទាំងនៅភាគនិរតី និងទូទាំងប្រទេសកម្ពុជាតែម្តង គឺអាចដឹកជញ្ជូនតាមព្រែកជីកនេះ។ ទាក់ទាញវិនិយោគិនកាន់តែច្រើន មកវិនិយោគនៅកម្ពុជា ដោយសារភាពងាយស្រួល ក្នុងការដឹកជញ្ជូន។ មិនចាំបាច់បង់ថ្លៃបន្ថែម ពេលដឹកជញ្ជូនចេញទៅសមុទ្រ។ បង្កើតឲ្យមានប្រពន្ធ័ដឹកជញ្ជូនប្រទាក់ក្រឡាគ្នា រវាងផ្លូវទឹក និងផ្លូវគោក។ ក្លាយជាប្រភពផ្គត់ផ្គង់ទឹក នៅខេត្តក្នុងភាគនិរតី នៃប្រទេស។ ជួយរំដោះទឹកជំនន់ ក្នុងខេត្តភាគនីរតី និងជួយបង្កើនផលត្រី ហើយប្រជាពលរដ្ឋអាចទាញទឹកសម្រាប់ធ្វើវារីវប្បកម្ម (ចិញ្ចឹមត្រី. ចិញ្ចឹមបង្ក ជាដើម) ៕
ចែករំលែកព័តមាននេះ