ADផ្ទាំងផ្សព្វផ្សាយពាណិជ្ជកម្ម

Picture

បុរស​សិង្ហបុរី​ជា.ប់​គុ.ក​ពី​បទ​ទុក​ចោ​​ល​ឆ្មា​ជាង​៤០​ក្បាល​រហូត​ដល់​ស្លា.ប់

2 ខែ មុន

សិង្ហ​បុរី៖ ឥឡូវ​នេះ ចលនា​ការ​ពារ​សិទ្ធិ​របស់​សត្វ​កាន់​តែ​រឹត​បន្តឹង​នៅ​ប្រទេស​អាស៊ី​មួយ​ចំនួន​រហូត​ដល់​អ្នក​ប្រព្រឹត្ត​ហិង្សា​ ឬ​សត្ត​ឃាត​ទៅ​​លើ​សត្វ​អាច​នឹង​ជាប់​ពន្ធ​នា​គារ​ដូច​ប្រព្រឹត្ត​ហិង្សា​ទៅ​លើ​មនុស្ស​ដែរ​។ ជាក់​ស្ដែង​ កូរ៉េ​ខាង​ត្បូង​ទើប​តែ​ផ្ដន្ទា​ទោស​បុរស​ម្នាក់​​ឱ្យ​ជាប់​ពន្ធ​នា​គារ​១៤​ខែ​ពី​បទ​សម្លាប់​ឆ្មា​៧៦​ក្បាល​។ ​ប្រទេស​ថៃ​ក៏​ធ្លាប់​កាត់​ទោស​​អ្នក​​សម្លាប់​​ឆ្កែ​ ឬ​សម្លាប់​ និង​បរិភោគ​ឆ្កែ​ដែល​ខ្លួន​ចិញ្ចឹម​​។ ឥឡូវ​នេះ​ទៀត​…

សិង្ហ​បុរី៖ ឥឡូវ​នេះ ចលនា​ការ​ពារ​សិទ្ធិ​របស់​សត្វ​កាន់​តែ​រឹត​បន្តឹង​នៅ​ប្រទេស​អាស៊ី​មួយ​ចំនួន​រហូត​ដល់​អ្នក​ប្រព្រឹត្ត​ហិង្សា​ ឬ​សត្ត​ឃាត​ទៅ​​លើ​សត្វ​អាច​នឹង​ជាប់​ពន្ធ​នា​គារ​ដូច​ប្រព្រឹត្ត​ហិង្សា​ទៅ​លើ​មនុស្ស​ដែរ​។ ជាក់​ស្ដែង​ កូរ៉េ​ខាង​ត្បូង​ទើប​តែ​ផ្ដន្ទា​ទោស​បុរស​ម្នាក់​​ឱ្យ​ជាប់​ពន្ធ​នា​គារ​១៤​ខែ​ពី​បទ​សម្លាប់​ឆ្មា​៧៦​ក្បាល​។ ​ប្រទេស​ថៃ​ក៏​ធ្លាប់​កាត់​ទោស​​អ្នក​​សម្លាប់​​ឆ្កែ​ ឬ​សម្លាប់​ និង​បរិភោគ​ឆ្កែ​ដែល​ខ្លួន​ចិញ្ចឹម​​។

ឥឡូវ​នេះ​ទៀត​ តុលាការ​សិង្ហបុរី​កាត់​ទោស​បុរស​ម្នាក់​ឱ្យ​ជាប់​ពន្ធ​នា​គារ​​ម្ភៃ​ថ្ងៃ​ពី​បទ​ទុក​ឆ្មា​របស់​ខ្លួន​ចោល​៤៣​ក្បាល​​ឱ្យ​គ្នា​រស់​នៅ​ឯកោ​រក​អ្វី​ស៊ី​គ្មាន​នៅ​ក្នុង​ផ្ទះ​ល្វែង​រយៈ​ពេល​ជា​ច្រើន​ខែ​ ហើយ​គាត់​ដើរ​ចេញ​ទៅ​ក្រៅ​ផ្ទះ​បាត់​។ កាល​ពី​ថ្ងៃ​ពុធ​សប្ដាហ៍​នេះ បុរស​វ័យ​៣១​ឆ្នាំ​ឈ្មោះ​មូមហាមេត​ ដានីញែល សុខឺម៉ាន់ (Muhammad Danial Sukirman) ​ទទួល​ស្គាល់​ថា​ខ្លួន​ពិត​ជា​បាន​ប្រព្រឹត្ត​ដូច​ការ​ចោទ​ប្រកាន់​​មែន​​ (pledge guilty) ​ពាក់​ព័ន្ធ​នឹង​ការ​ប្រព្រឹត្ត​អំពើ​ឃោរ​ឃៅ​ទៅ​លើ​សត្វ​ (animal cruelty)។

តុលាការ​រក​ឃើញ​ថា​​គាត់​បាន​បង្ក​ការ​រង​គ្រោះ​ចំពោះ​សត្វ​ឆ្មា​ទាំង​៤៣​ក្បាល​ដោយ​មិន​បាន​ផ្ដល់​ចំណី​អាហារ និង​ទឹក​គ្រប់​គ្រាន់​សម្រាប់​ពួក​វា​ស៊ី​ និង​ផឹក។ គាត់​​ទុក​ឆ្មា​ទាំង​នេះ​ចោល​នៅ​ក្នុង​ផ្ទះ​ល្វែង​ចាប់​ពី​ខែ​សីហា​ដល់​ខែ​វិច្ឆិកា ឆ្នាំ​២០២១​។ រដ្ឋ​អាជ្ញាធរ​អះ​អាង​ថា​គាត់​ទុក​​​ឆ្មា​ទាំង​នេះ​​នៅ​ក្នុង​​បន្ទប់​តូច​ចង្អៀត និង​បន្សល់​ទុក​​​ចំណី​អាហារ​ និង​ទឹក​បន្តិច​បន្តួច​។ រួច​គាត់​ចេញ​ទៅ​ក្រៅ​បាត់​រាប់​ខែ​។ បុរស​រូប​នេះ​ដឹង​ថា​ឆ្មា​ទាំង​នេះ​បង្កើត​កូន​ចៅ​កាន់​តែ​ច្រើន​។ ប៉ុន្តែ​គាត់​​មិន​ព្រម​ផ្ដល់​តម្រូវ​ការ​រស់​នៅ​សម្រាប់​ពួកវា​ឱ្យ​បាន​គ្រប់​គ្រាន់​ និង​រស់​នៅ​មាន​ផាសុក​ភាព​ទេ​។​

រឿង​នេះ​បែក​ការណ៍​កាល​ពី​ខែ​វិច្ឆិកា ឆ្នាំ​២០២១​​នៅ​ពេល​​មាន​ក្លិន​ស្អុយ​គគ្រុក​​ជះ​​ចេញ​ពី​ផ្ទះ​ល្វែង​របស់​បុរស​ខាង​លើ​នេះ​។ សមត្ថ​កិច្ច​ក៏​ចុះ​ទៅ​កន្លែង​កើត​ហេតុ​។ ពេល​ទៅ​ដល់​ឃើញ​ទ្វារ​សាក់​សោ​ពី​ខាង​ក្រៅ​ជាប់​។ ម្ចាស់​ផ្ទះ​នេះ​ចេញ​ទៅ​ខាង​ក្រៅ​បាត់​១​ខែ​ហើយ​ ហើយ​មិន​ទាន់​ត្រឡប់​មក​វិញ​ទេ​។ នៅ​ពេល​សមត្ថ​​កិច្ច​​​វាយ​បំបែក​សោ​ដើម្បី​បើក​ទ្វារ​ចូល​ទៅ​ខាង​ក្នុង​ ពួក​គេ​ឃើញ​សត្វ​ឆ្មា​ជាង​៣០​ក្បាល​ ខណៈ​ដែល​សត្វ​ឆ្មា​ខ្លះ​ទៀត​អត់​អាហារ​ដល់​ស្លាប់​ និង​រលួយ​សាក​សព​នៅ​សល់​តែ​គ្រោង​ឆ្អឹង​​​។

នៅ​ពេល​អាជ្ញាធរ​ទាក់​ទង​បុរស​ម្ចាស់​ផ្ទះ​នេះ​ គាត់​ប្រាប់​ថា​គាត់​ចិញ្ចឹម​ឆ្មា​៤១​ក្បាល​នៅ​រស់​ និង​ឆ្មា​២​ក្បាល​ទៀត​បាន​ស្លាប់​ហើយ។ គាត់​ក៏​ប្រគល់​ឆ្មា​ទាំង​នោះ​ឱ្យ​អាជ្ញាធរ​។ គាត់​ប្រាប់​ថា​គាត់​ និង​ប្រពន្ធ​បាន​ផ្លាស់​ទៅរស់​នៅ​ផ្ទះ​ល្វែង​កើត​ហេតុ​នេះ​កាល​ពី​ខែ​មករា ឆ្នាំ​២០១៦​ដើម្បី​នៅ​​ជុំ​គ្នា​ជា​មួយ​ម្ដាយ​ក្មេក​។ កាល​នោះ ផ្ទះ​នេះ​មាន​ឆ្មា​តែ​បី​ក្បាល​ប៉ុណ្ណោះ​។ ប៉ុន្តែ​ដោយ​សារ​គាត់​មិន​បាន​យក​ឆ្មា​ទៅ​ចាក់​ថ្នាំ​ពន្យារ​កំណើត​ ជា​ហេតុ​ធ្វើ​ឱ្យ​ពួក​វា​ដោយ​ញី​ដោយ​ឈ្មោល និង​​បង្កើត​​​កូន​កាន់​តែ​ច្រើនទៅ​ៗ​​។

គេ​ឃើញ​ថា​សត្វ​ឆ្មា​ទាំង​នោះ​រក​អ្វីស៊ី​គ្មាន​ទេ​។ ពួកវា​បាន​ត្រឹម​តែ​បន្ត​ជីវិត​រស់​នៅដោយ​ផឹក​ទឹក​​នៅ​ចាន​បង្គន់​។ កាល​ពី​ខែ​កក្កដា ឆ្នាំ​២០២១ បុរស​រូប​នេះ​រក​បាន​ផ្ទះ​ល្វែង​ថ្មី​មួយ​កន្លែង​ទៀត​។ គាត់​ និង​ក្រុ​មគ្រួសារ​ក៏​រើ​ទៅនៅ​​ទី​នោះ​កាល​ពី​ខែ​សីហា​ ឆ្នាំ​ដដែល​។ ប៉ុន្តែ​​គាត់​មិន​បា​​យក​ឆ្មា​​​ទៅ​នៅ​ជា​មួយ​ទេ​​​។ ទុក​ឆ្មា​នៅ​នឹង​ផ្ទះ​ចាស់​ហើយ​មិន​ព្រម​បន្សល់​ទុក​ចំណី​ និង​ទឹក​សម្រាប់​ពួក​វា​បន្ត​ជីវិត​រស់​នៅ​ឱ្យ​បាន​ស្រួល​ទេ​។​

បញ្ហា​នេះ​ដោយ​សារ​ម៉្យាង​គាត់​ជាប់​រវល់​ធ្វើ​ការ​មួយ​ថ្ងៃ​ៗ​ច្រើនម៉ោង​ពេក។ ម៉្លោះ​ហើយ​ គាត់​មិន​អាច​ឆ្លៀត​​​​ពេល​ទៅ​មើល​ថែ​ទាំង​ឆ្មា​​ទាំង​នោះ​ទេ​។ ម៉្យាង​ទៀត​ គាត់​ជាប់​បំណុល​គេ​ច្រើន​ណាស់​។ ដូច្នេះ គាត់​ប្រហែល​ជា​មិន​ចង់​រ៉ាប់​រង​ទិញ​ចំណី​អាហារ​សម្រាប់​សត្វ​ឆ្មា​ដ៏​ច្រើន​សន្ធឹក​សន្ធាប់​ទាំង​នេះ​ទេ​។ ឆ្មា​ជាង​៤០​ក្បាល​បើ​គិត​ពី​ចំណី​សម្រាប់​ពួក​វា​​១​ខែ​​ៗ​​អស់​លុយ​មិន​ស្ទើរ​ទេ​​៕​

អត្ថបទសរសេរ ដោយ

កែសម្រួលដោយ