ខេត្តស្វាយរៀង ៖ តាមសេចក្តីរាយការណ៍បឋមបាន​ឱ្យ​ដឹង​ថា មាន​ករណី​ភ្លើងអគ្គីភ័យកំពុងឆាបឆេះផ្ទះរបស់ប្រជាពលរដ្ឋអស់១ខ្នង អស់ទាំងស្រុងក្លាយជាផេះ និងកំពុងរាលដាលទៅផ្ទះអ្នកជិតខាងទៀត បង្កឱ្យព្រួយបារម្ភយ៉ាងខ្លាំង និង​ត្រូវការរថយន្តពន្លត់អគ្គីភ័យចុះ​មក​ជួយអន្តរាគមន៍ពន្លត់ ​ខ្លាច​ឆេះដល់ផ្ទះប្រជាពលរដ្ឋផ្សេងទៀត ។

​ហេតុការណ៍ខាងលើនេះ​បានកើតឡើងនារសៀលថ្ងៃទី២៣ មេសា ឆ្នាំ២០២៤ នៅចំណុចផ្សាព្រាត់ប្រាស ស្ថិតនៅភូមិថ្មី ឃុំចំបក់ ស្រុកស្វាយជ្រំ ខេត្តស្វាយរៀង ។

សមត្ថកិច្ចបាន​យករថយន្តពន្លត់អគ្គីភ័យមកជួយពន្លត់ បើមកមិនទាន់ ច្បាស់ជា​ឆេះផ្ទះនិងតូបលក់ដូរក្នុងផ្សារព្រាត់ប្រាស់​នេះជាមិនខាន ។​

ចំពោះមូលហេតុ និង​ទំហំនៃការខូចខាត ឬមានមនុស្សរងគ្រោះថ្នាក់ក្នុងករណីមួយនេះ មិនទាន់ដឹងនៅឡើយទេ ។​

ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕​