ខេត្តស្ទឹងត្រែង ៖ សំរ៉ងជារុក្ខជាតិមួយប្រភេទដែលដុះនៅក្នុងព្រៃជ្រៅក្រាស់ ហើយដើមរបស់វាធំៗ និងខ្ពស់ៗ ។ សំរ៉ងជារុក្ខជាតិព្រៃដែលសំបូរដោយអត្ថប្រយោជន៍ជាច្រើន សម្រាប់ព្យាបាលជំងឺ និងថែទាំសុខភាព។ ផ្លែសំរ៉ងដែលទុំក្រៀមល្អ…
ខេត្តស្ទឹងត្រែង ៖ សំរ៉ងជារុក្ខជាតិមួយប្រភេទដែលដុះនៅក្នុងព្រៃជ្រៅក្រាស់ ហើយដើមរបស់វាធំៗ និងខ្ពស់ៗ ។ សំរ៉ងជារុក្ខជាតិព្រៃដែលសំបូរដោយអត្ថប្រយោជន៍ជាច្រើន សម្រាប់ព្យាបាលជំងឺ និងថែទាំសុខភាព។ ផ្លែសំរ៉ងដែលទុំក្រៀមល្អ គេអាចយកទៅប្រើប្រាស់ជាឱសថ និងភេសជ្ជៈបង្អែមផ្សេងៗដែលធ្វើឲ្យត្រជាក់ស្រួលខ្លួន ស្រូបយកជាតិខ្លាញ់ ជាតិស្ករ និងអត្ថប្រយោជន៍ក្នុងរាងកាយជាច្រើនទៀតផង។
ងាកមកខេត្តស្ទឹងត្រែងឯណេះវិញ ប្រជាពលរដ្ឋដែលរស់នៅតំបន់ព្រៃ នៅមុនពេលរដូវបង្កបង្កើនផលចូលមកដល់ ក្នុងខែមេសាដែលជារដូវផ្លែសំរ៉ងទុំ ពួកគេបានចេញពីភូមិស្រុកចូលទៅក្នុងព្រៃដើម្បីរើសផ្លែសំរ៉ងទុំ ទុកគ្រាន់បរិភោគ និងលក់បន្តទៅឲ្យឈ្មួញចាំទិញជាស្រេច នៅទីប្រជុំជនក្នុងស្រុក ។
ក្រោយពិធីចូលឆ្នាំថ្មីប្រពៃណីជាតិខ្មែរឆ្នាំ២០២៤ ប្រជាពលរដ្ឋនៅស្រុកសេសាន និងស្រុកសៀមប៉ាងបានចាកចេញពីផ្ទះទៅដើររើសផ្លែសំរ៉ងនៅតាមដងព្រៃជួរភ្នំ ។ លោកសាយ ប៊ុនឡាយ ជាប្រជាពលរដ្ឋម្នាក់រស់នៅភូមិក្របីជ្រុំ ឃុំតាឡាតស្រុកសេសាន បានបញ្ជាក់ថា នេះជាមុខរបររបស់ប្រជាពលរដ្ឋនៅទីជនបទ បន្ទាប់ទំនេរពីការងារស្រែចំការ ដល់រដូវផលអនុផលព្រៃឈើទុំ នាំគ្នាដើររើស ផ្លែសំរ៉ង- បេះផ្លែគុយ – ផ្តៅដំបង និងបន្លែស្លឹកធម្មជាតិផ្សេងៗទៀត សម្រាប់ធ្វើជាចំណីអា
ហារបង្គ្រប់ការបរិភោគប្រចាំថ្ងៃ និងសល់អាចលក់បានប្រាក់ចំណូលបន្ថែម ។
លោកបន្តថា ដូចជាផ្លែសំរ៉ងនេះយូរឆ្នាំ ទើបផ្លែម្តងជាដើមដំបូងអាចបានតម្លៃក្នុងមួយគីឡូក្រាម៨ម៉ឺនរៀល ។ ក្រោយមកក៏ធ្លាក់ថ្លៃបន្តិចម្តងៗដែរ មកដល់ត្រឹមថ្ងៃទី២០ ខែមេសា ២០២៤ នេះ ផ្លែសំរ៉ងទុំស្ងួតធ្លាក់មកត្រឹមមួយគីឡូតម្លៃ៤២០០០រៀល ។
ទោះយ៉ាងណា តម្លៃនេះនៅតែអូសទាញបងប្អូនយើងប្រឹងចេញទៅដើររើសក្នុងព្រៃជ្រៅៗអ្នកខ្លះក៏អាចរកបានក្នុងមួយថ្ងៃ ចាប់ពី៣ទៅ៥គីឡូក្រាម ហើយគប់ជួនពេលខ្លះបងប្អូនយើង អាចដេកផ្លូវ១យប់ឬ២យប់ក៍មានព្រោះមិនចង់ទៅមកនាំឲ្យខាតពេលច្រើន។
លោកឃីត ភិត មេឃុំតាឡាតបានគាំទ្រដល់ការឧស្សាហ៍ព្យាយាមរបស់បងប្អូនប្រជាពលរដ្ឋយើងតែការចូលព្រៃទៅរកផល្លានុផលនេះ អ្នកដេកព្រៃត្រូវចេះជូនដំដឹងតាមរយៈគ្នីគ្នាមកអាជ្ញាធរមូលដ្ឋានដូចជាមេភូមិ ឬមន្ត្រីនគរបាលប៉ុស្តិ៍ឱ្យបានដឹង ដើម្បីយើងងាយស្រួលក្នុងការជួយគ្នានៅពេលមានហានីភ័យណាមួយកើតឡើងដោយយៈថាហេតុ។
ស្រី្ត ភួន ខាំផៃ រស់នៅភូមិស្វាយរៀង ឃុំតាឡាត នេះដែរ បានបញ្ជាក់ថា៖ មុខរបរនេះជាប្រពៃណីមួយដែលប្រជាពលរដ្ឋយើងប្រកាន់ធ្វើជាយូរយារមកហើយ ទៅតាមទំលាប់ដូនតារស់នៅស្រុកស្រែចំការនេះឯង។
ស្រី្តរូបនេះបន្តថា បច្ចុប្បន្នផ្លែឈើទាំងនេះមិនសំបូរទេ ព្រោះព្រៃស្រោងមួយចំនួនដែលពលរដ្ឋធ្លាប់ចូលទៅរកបានត្រូវបានជនខិលខូចកាប់ព្រៃរានយកដី ធ្វើឱ្យបាត់បង់ធនធានធម្មជាតិអស់មួយចំណែកធំ ហើយករណីនេះអាជ្ញាធរស្រុកកំពុងមានចំណាត់ការផងដែរ ៕
ចែករំលែកព័តមាននេះ