ចូលឆ្នាំ៣ថ្ងៃ! មនុស្ស៣នាក់ស្លា.ប់ក្នុងគ្រោះថ្នាក់ចរាចរណ៍នៅខេត្តស្ទឹងត្រែង
- ស្ទឹងត្រែង
ខេត្តស្ទឹងត្រែង ៖ មនុស្សប្រុសស្រីចំនួន៣នាក់បានបាត់បង់ជីវិត និងរងរបួសមួយចំនួនទៀត
ខេត្តស្ទឹងត្រែង ៖ មនុស្សប្រុសស្រីចំនួន៣នាក់បានបាត់បង់ជីវិត និងរងរបួសមួយចំនួនទៀត ក្នុងហេតុការណ៍គ្រោះថ្នាក់ចរាចរណ៍កំឡុងរយៈពេល៣ថ្ងៃនៃពិធីបុណ្យចូលឆ្នាំថ្មីប្រពៃណីជាតិខ្មែរ។
យោងតាមរបាយការណ៍ផែននគរបាលចរាចរណ៍ជើងគោកនៃស្នងការដ្ឋានខេត្តស្ទឹងត្រែងឲ្យដឹងថាគ្រោះថ្នាក់ចរាចណ៍នៅក្នុងពីធីបុណ្យចូលឆ្នាំប្រពៃណីជាតិខ្មែរ គិតចាប់ពីថ្ងៃទី១៣ដល់ ថ្ងៃទី១៦ខែមេសា ឆ្នាំ២០២៤ មានគ្រោះថ្នាក់ចរាចរណ៍កើតឡើងចំនួន២ករណី បើប្រៀបធៀបក្នុងពីធីបុណ្យចូលឆ្នាំប្រពៃណីជាតិខ្មែរ នាឆ្នាំ២០២៣ ឃើញថាមានការកើនឡើង១ករណី ក្នុងនោះបណ្តាលឲ្យមនុស្សស្លាប់សរុបចំនួន៣នាក់ (ស្លាប់់ស្រី១នាក់) ឃើញថាកើនឡើង៣នាក់ មនុស្សរបួសសរុបចំនួន២នាក់(ស្រី) ឃើញថាកើនឡើង១នាក់ មនុស្សរបួសធ្ងន់ចំនួន២នាក់(ស្រី) ឃើញថាកើនឡើង១នាក់ មនុស្សរបួសស្រាលគ្មាន ឃើញថាស្មើគ្នា ក្នុងនោះដែរក៏មានការខូចខាតម៉ូតូ ខូចធ្ងន់១គ្រឿង, ម៉ូតូ ខូចស្រាល១គ្រឿង, រថយន្តធុនស្រាលខូចធ្ងន់១គ្រឿង។
របាយការណ៍ដដែលនោះបន្ថែមថាគ្រោះថ្នាក់ខាងលើបណ្តាលមកពីល្បឿនចំនួន១ករណី ,មិនប្រកាន់ស្តាំ០១ករណី ។
គ្រោះថ្នាក់ពេលថ្ងៃ២ករណីលើផ្លូវជាតិលេខ៩ ចំនួន១ករណី, លើផ្លូវជាតិលេខ៧៨ ចំនួន១ករណី ។
ការគ្រោះថ្នាក់ខាងលើនេះ អ្នកបើកបរមិនពាក់មួកសុវត្ថិភាព១នាក់ និងអ្នករួមដំណើរ១នាក់ ៕
ចែករំលែកព័តមាននេះ