ចប់ថ្ងៃសប្បាយ ដល់ថ្ងៃឈឺចាប់
ប្រជាជនកម្ពុជាពិតជាសប្បាយខ្លាំងណាស់ រយៈពេលបួនថ្ងៃនៃការចូលឆ្នាំខ្មែរពីថ្ងៃទី១៣ ដល់ទី ១៦ ខែមេសា ។ ប៉ុន្តែថ្ងៃទី១៧ ខែមេសា គឺជាថ្ងៃឈឺចាប់បំផុតសម្រាប់ប្រជាជនកម្ពុជាពីព្រោះកាលពី៤៩ឆ្នាំ ថ្ងៃទី១៧…
ប្រជាជនកម្ពុជាពិតជាសប្បាយខ្លាំងណាស់ រយៈពេលបួនថ្ងៃនៃការចូលឆ្នាំខ្មែរពីថ្ងៃទី១៣ ដល់ទី ១៦ ខែមេសា ។ ប៉ុន្តែថ្ងៃទី១៧ ខែមេសា គឺជាថ្ងៃឈឺចាប់បំផុតសម្រាប់ប្រជាជនកម្ពុជាពីព្រោះកាលពី៤៩ឆ្នាំ ថ្ងៃទី១៧…
ប្រជាជនកម្ពុជាពិតជាសប្បាយខ្លាំងណាស់ រយៈពេលបួនថ្ងៃនៃការចូលឆ្នាំខ្មែរពីថ្ងៃទី១៣ ដល់ទី ១៦ ខែមេសា ។ ប៉ុន្តែថ្ងៃទី១៧ ខែមេសា គឺជាថ្ងៃឈឺចាប់បំផុតសម្រាប់ប្រជាជនកម្ពុជាពីព្រោះកាលពី៤៩ឆ្នាំ ថ្ងៃទី១៧ ខែមេសា របបប្រល័យពូជសាសន៍ខ្មែរក្រហមបានចូលកាន់អំណាច ហើយសម្លា.ប់មនុស្សជាច្រើនលាននាក់ និងរុញកម្ពុជាអោយធ្លាក់ក្នុងឆ្នាំសូន្យ ។
សម្រាប់មនុស្ស ចាប់ពីវ័យ៥០ឆ្នាំឡើងទៅ គឺអាចចងចាំបានពីភាពវេទនា ភាពអត់ឃ្លាន ការធ្វើការហួសកម្លាំង និងការសម្លា.ប់រង្គាលនៃរបបខ្មែរក្រហម ។
ទន្ទឹមនឹងទិដ្ឋភាពបង្ហាញពីការវិលត្រឡប់ចូលភ្នំពេញវិញរបស់ប្រជាជនកម្ពុជាបន្ទាប់ពីការសប្បាយចូលឆ្នាំនោះគេក៏ឃើញមានការផូសរូបភាព និងអត្ថបទជាច្រើនលើបណ្តាញសង្គមដែលឆ្លុះបញ្ចាំងពីការឈឺចាប់ដែលប្រជាជនកម្ពុជាទទួលរងការចាប់តាំងពីថ្ងៃទី១៧ ខែមេសា ១៩៧៩ មក ។
សម្តេចធិបតី ហ៊ុន ម៉ាណែត បានសរសេរអំពីការកត់សម្គាល់ឃើញរបស់សម្តេចដែលមើលឃើញថា ប្រជាជនកម្ពុជាពិតជាសប្បាយរីករាយខ្លាំង ក្នុងពេលបុណ្យចូលឆ្នាំរយ:ពេលបួនថ្ងៃកន្លងមក ។ សម្តេចក៏បានភ្ជាប់ការសប្បាយនេះទៅនឹងសារសំខាន់នៃសន្តិភាពរបស់ប្រទេស ។
ចំណែក លោក ហ៊ុន ម៉ានី ឧបនាយករដ្ឋមន្ត្រី និងរដ្ឋមន្ត្រីមុខងារសាធារណ:វិញបានផូសរូបភាពប្រៀបធៀបការសប្បាយបុណ្យចូលឆ្នាំក្នុងរយ:ពេលបួនថ្ងៃកន្លងមកជាមួយនឹងរូបភាពនៃការចូលកាន់អំណាចរបស់ខ្មែរក្រហម កាលពី៤៩ឆ្នាំមុន ។
ជាមួយនោះ លោកបានសរសេរថា បួនថ្ងៃនេះគ្រប់គ្នាបានលេងកម្សាន្តពេញទំហឹង ។ ប៉ុន្តែលោក ក៏បានសរសេរផងដែរថា ថ្ងៃទី១៧ ខែមេសា ក៏ជាថ្ងៃប្រវត្តិសាស្ត្រមួយដែលប្រជាជាតិកម្ពុជា មាតុភូមិជាទីស្នេហានៃយើងចូលក្នុងទំព័រដ៏ខ្មៅងងឹតនៃសោកនាដកម្មប្រវត្តិសាស្ត្របណ្តាលមកពីភាពចលាចលជម្លោះប្រដាប់អាវុ.ធ និងការកា.ប់សម្លា.ប់ជីវិតប្រជាពលរដ្ឋខ្មែរស្លូតត្រង់ ក្នុងរបប ៣ឆ្នាំ ៨ខែ និង២០ថ្ងៃ ។
ប៉ុន្តែក្រោយថ្ងៃរំដោះ៧មករា ឆ្នាំ១៩៧៩ កម្ពុជាត្រូវខិតខំប្រឹងប្រែងក្រោកឈរឡើង ដើម្បីកសាង អភិវឌ្ឍជាតិចេញពីគំនរផេះផង់ដែលបានប្រព្រឹត្តដោយរបបប្រល័យពូជសាសន៍ ។
លោកនិយាយទៀតថា នៅមិនដល់៥០ឆ្នាំផងយើងទាំងអស់គ្នាកំពុងឈរនៅទីនេះសំឡឹងមើលប្រទេសជាតិដែលកំពុងមានការលូតលាស់រីកចម្រើនឥតឈប់ឈរក្នុងសន្តិភាពពេញបរិបូរណ៍ ។ មេរៀនប្រវត្តិសាស្ត្រមួយនេះបានបង្រៀនយើងឱ្យស្គាល់ច្បាស់នូវគុណតម្លៃនៃសន្តិភាព ហើយ កត្តាសុខសន្តិភាពនេះហើយ ដែលនាំមកនូវភាពសប្បាយរីករាយការថែរក្សាបាននូវទំនៀមទំលាប់ ប្រពៃណីដ៏ល្អផូរផង់របស់ដូនតាយើង ។
ក្នុងនោះ តាមរយៈការទទួលបាននូវសន្តិភាពវាក៏បានបង្កើតជាឱកាសឱ្យមិត្តភក្តិបរទេសមកពីគ្រប់ទិសទីបានមកឃើញអ្វីដែលជាព្រះរាជាណាចក្រកម្ពុជានាពេលបច្ចុប្បន្នជាមួយប្រជាជនរបស់ខ្លួនដែលពោរពោញទៅដោយស្នាមញញឹម ការជឿជាក់ និងក្តីសង្ឃឹមចំពោះអនាគតប្រទេសជាតិរបស់ខ្លួន ៕ ដោយ សា រ៉ាន់
ចែករំលែកព័តមាននេះ