ខេត្តតាកែវ ៖ នាយនគរបាលប៉ុស្តិ៍ម្នាក់ និងមន្ត្រីម្នាក់ ខណៈកំពុងដឹកនាំកម្លាំងចុះល្បាតក្នុងមូលដ្ឋាន ដើម្បីការពារពិធីបុណ្យចូលឆ្នាំថ្មីប្រពៃណីខ្មែរត្រូវជនប្រើប្រាស់គ្រឿងញៀ.នចាក់ បណ្តាលឲ្យរងរបួសទាំងពីរនាក់ នៅពេលឆែករកមានឃើញសារធាតុញៀ.ន ។ តាមសេចក្តីរាយការឲ្យដឹងថា…
ខេត្តតាកែវ ៖ នាយនគរបាលប៉ុស្តិ៍ម្នាក់ និងមន្ត្រីម្នាក់ ខណៈកំពុងដឹកនាំកម្លាំងចុះល្បាតក្នុងមូលដ្ឋាន ដើម្បីការពារពិធីបុណ្យចូលឆ្នាំថ្មីប្រពៃណីខ្មែរត្រូវជនប្រើប្រាស់គ្រឿងញៀ.នចាក់ បណ្តាលឲ្យរងរបួសទាំងពីរនាក់ នៅពេលឆែករកមានឃើញសារធាតុញៀ.ន ។
តាមសេចក្តីរាយការឲ្យដឹងថា កាលពីរសៀលថ្ងៃទី១៦ ខែមេសា ឆ្នាំ២០២៤ លោកវរៈសេនីយ៍ត្រី ម៉ៃ ឆាយ នាយនគរបាលប៉ុស្តិ៍គិរីចុងកោះ ស្រុកគិរីវង់ ខេត្តតាកែវ បានដឹកនាំកម្លាំងដើរល្បាតក្នុងមូលដ្ឋានដើម្បីការពារសន្តិសុខ និងរៀបចំសណ្នាប់ធ្នាប់ក្នុងពិធីបុណ្យចូល ឆ្នាំថ្មីប្រៃណីខ្មែរលុះមកដល់ចំណុចភូមិព្រាល ឃុំគិរីចុងកោះ ស្រុកគិរីវង់ ក៏បានឃើញមុខសញ្ញាដែលគួឲ្យមានការសង្ស័យម្នាក់ក៏បានហៅសួរនាំ ហើយនៅពេលសមត្ថកិច្ចឆែកឆេរខ្លួនប្រាណជនសង្ស័យ ស្រាប់តែប្រទះឃើញមានថ្នាំញៀ.ននៅក្នុងដៃរូបគេចំនួន១ កញ្ចប់តូច ។
ដោយពិនិត្យឃើញមានសារធាតុញៀ.នជាប់ខ្លួន ជាទង្វើខុសច្បាប់យ៉ាងដូច្នោះ លោកឧត្តមសេនីយ៍ទោស្នង ការនគរបាលខេត្តតាកែវ បានបញ្ជាឲ្យកម្លាំងជំនាញធ្វើការឃាត់ខ្លួនជនសង្ស័យ តាមការស្នើសុំទៅស្ថាប័នអយ្យការអមសាលាដំបូងខេត្ត ដើម្បីធ្វើការតាមនីតិវិធី ។
ខណៈពេលសមត្ថកិច្ចកំពង់រៀបចំវ៉ៃខ្នោះ ដើម្បីនាំយកទៅសាកសួរ ជនសង្ស័យក៏បានធ្វើសកម្មភាពប្រតាយប្រតបជាមួយសមត្ថកិច្ច និងបានដកកូនកាំបិតចាក់ បណ្តាលឲ្យរងរបួសមន្ត្រីនគរបាលចំនួន២ នាក់ ។
ជនសង្ស័យឈ្មោះ យ៉ត យឿន ភេទប្រុស អាយុ២៦ឆ្នាំ មុខរបរមិនពិតប្រាកដ រស់នៅភូមិព្រាល ឃុំគិរីចុងកោះ ស្រុកគិរីវង់ ខេត្តតាកែវ ជាមុខសញ្ញាប្រើប្រាស់គ្រឿងញៀ.ន ។
ចំណែកជនរងគ្រោះមានម្នាក់ឈ្មោះ ម៉ៃ ឆាយ ភេទប្រុស អាយុ៣១ ឆ្នាំ មុខរបរនាយប៉ុស្តិ៍គិរីចុងកោះនៃអធិការដ្ឋាននគរបាលស្រុកគិរីវង់ ខេត្តាកែវ រងរបួសត្រង់ចង្កេះផ្នែកខាងឆ្វេងដេរចំនួន២ថ្នេរ ។ និងម្នាក់ឈ្មោះ ព សីហា ភេទប្រុស អាយុ២៣ឆ្នាំ មុខរបរមន្ត្រីប៉ុស្តិ៍គិរីចុងកោះនៃអធិការដ្ឋាននគរបាលស្រុកគិរីវង់ ខេត្តតាកែវ រងរបួសចំត្រង់លើទ្រូងដាច់រលាត់ចេញឈា.ម ។
ក្រោយឃាត់ខ្លួនជនសង្ស័យសមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តតាមផ្លូវច្បាប់ ៕
ចែករំលែកព័តមាននេះ