កម្តៅនៅប្រទេសកម្ពុជា នៅថ្ងៃទី១២ ខែមេសា នេះ អាចឡើងខ្ពស់បំផុតដល់៣៩អង្សាសេ ដូច្នេះ សូមបងប្អូនប្រជាជនកម្ពុជាថែរក្សាសុខភាពអោយបានល្អ ហើយព្យាយាមចៀសវាងកម្តៅថ្ងៃតាមដែលអាចធ្វើទៅបាន។ នេះបើតាមការព្យាករណ៍អាកាសធាតុដោយក្រសួងធនធានទឹក និងឧត្តុនិយមនៅថ្ងៃទី១២…
កម្តៅនៅប្រទេសកម្ពុជា នៅថ្ងៃទី១២ ខែមេសា នេះ អាចឡើងខ្ពស់បំផុតដល់៣៩អង្សាសេ ដូច្នេះ សូមបងប្អូនប្រជាជនកម្ពុជាថែរក្សាសុខភាពអោយបានល្អ ហើយព្យាយាមចៀសវាងកម្តៅថ្ងៃតាមដែលអាចធ្វើទៅបាន។
នេះបើតាមការព្យាករណ៍អាកាសធាតុដោយក្រសួងធនធានទឹក និងឧត្តុនិយមនៅថ្ងៃទី១២ ខែ
មេសានេះ។
តាមហ្វេសប៊ុករបស់ខ្លួន ក្រសួងនេះបានសរសេរថា សូមគោរពជម្រាបជូនអំពីស្ថានភាពធាតុអាកាស នៅព្រះរាជាណាចក្រកម្ពុជាសម្រាប់ថ្ងៃទី១២ ខែមេសា ឆ្នាំ២០២៤៖
សម្ពាធទាបគ្របដណ្ដប់មកលើឈូងសមុទ្រថៃ ព្រះរាជាណាចក្រកម្ពុជា ភាគកណ្តាលនៃអាងទន្លេមេគង្គ និងសមុទ្រចិនខាងត្បូង។
ស្ថានភាពបែបនេះនឹងធ្វើឱ្យ៖ ចាប់ពីថ្ងៃទី១២ ដល់ថ្ងៃទី១៤ ខែមេសា ឆ្នាំ២០២៤៖
១-តំបន់វាលទំនាប ៖
-សីតុណ្ហភាពអប្បបរមា២៥°C និងសីតុណ្ហភាពអតិបរមា៣៧°C។ ខ្យល់បក់មកពីទិសអាគ្នេយ៍ និងទិសនិរតីមានល្បឿនមធ្យម២,៥ម៉ែត្រ/វិនាទី។
២-តំបន់ខ្ពង់រាប ៖
-សីតុណ្ហភាពអប្បបរមា២៦°C និងសីតុណ្ហភាពអតិបរមា៣៩°C។ ខ្យល់បក់មកពីទិសបស្ចិម និងទិសនិរតីមានល្បឿនមធ្យម១,៥ម៉ែត្រ/វិនាទី។
៣-តំបន់មាត់សមុទ្រ ៖
-សីតុណ្ហភាពអប្បបរមា២៥°C និងសីតុណ្ហភាពអតិបរមា៣៥°C។ ខ្យល់បក់មកពីទិសនិរតីមានល្បឿន មធ្យម៣ម៉ែត្រ/វិនាទី។ អាចមានភ្លៀងធ្លាក់ជាមួយផ្គរ រន្ទះ និងខ្យល់កន្ត្រាក់ គ្របដណ្ដប់លើផ្ទៃដី៣%។
-រលកសមុទ្រមានកម្ពស់មធ្យមអប្បបរមា០,៥០ម៉ែត្រ និងកម្ពស់មធ្យមអតិបរមា១,០០ម៉ែត្រ៕ ដោយ ៖ សារ៉ាន់
ចែករំលែកព័តមាននេះ