ADផ្ទាំងផ្សព្វផ្សាយពាណិជ្ជកម្ម

Picture

​ម្ចាស់​ទីតាំងខា​រ៉ា​អូ​ខេ​ និង​ក្លិបកម្សាន្ត​ ដាច់មិន​ឱ្យមាន​បម្រើសេវាទាំងនេះ​​

1 ខែ មុន
  • បន្ទាយមានជ័យ

ខេត្តបន្ទាយ​មាន​ជ័យ​ ៖ ​អាជ្ញាធរ​ក្រុង​ប៉ោយ​ប៉ែ​ត​ បាន​ចុះ​ផ្សព្វផ្សាយ​ និង​ណែនាំ​ដល់​ម្ចាស់​ហាង​ខា​រ៉ា​អូ​​ខេ ​និង​ក្លិបកម្សាន្ត​​ មិន​ឱ្យប្រើប្រាស់​គ្រឿងញៀន​ និង​មានបង្កប់​ល្បែងស៊ីសង​ខុសច្បាប់​ជា​ដាច់ខាត ដែលការណែនាំធ្វើឡើងនៅ​ថ្ងៃ​ទី​០៥ ខែមេសា…

ខេត្តបន្ទាយ​មាន​ជ័យ​ ៖ ​អាជ្ញាធរ​ក្រុង​ប៉ោយ​ប៉ែ​ត​ បាន​ចុះ​ផ្សព្វផ្សាយ​ និង​ណែនាំ​ដល់​ម្ចាស់​ហាង​
ខា​រ៉ា​អូ​​ខេ ​និង​ក្លិបកម្សាន្ត​​ មិន​ឱ្យប្រើប្រាស់​គ្រឿងញៀន​ និង​មានបង្កប់​ល្បែងស៊ីសង​ខុសច្បាប់​ជា​ដាច់ខាត ដែលការណែនាំធ្វើឡើងនៅ​ថ្ងៃ​ទី​០៥ ខែមេសា ឆ្នាំ​២០២៤ ​នៅ​ក្រុង​ប៉ោយ​ប៉ែ​ត​។

លោក គាត ហ៊ុ​ល អភិបាលក្រុង​ប៉ោយ​ប៉ែ​ត​បាន​ប្រាប់​ថា​ ​ជា​ការ​ណែនាំ​ពី​ឯកឧត្តម​ អភិបាល​ខេត្តបន្ទាយមានជ័យ និង​ជា​ប្រធាន​គណៈ​​បញ្ជាការ​ឯកភាព​ខេត្ត ដើម្បី​លុប​បំបាត់​បទល្មើស​គ្រឿង​ញៀន និង​ល្បែង​ស៊ីសង​ល្មើសច្បាប់ អាជ្ញាធរ​ក្រុង​និង​កម្លាំង​ជំនាញ​ក្រុង​រួម​ជាមួយ​អាជ្ញាធរ​មូល​ដ្ឋាន បាន​ចុះ​ផ្សព្វផ្សាយ​និង​ណែនាំ​ដល់​ម្ចាស់​ក្លឹ​ប​កំសាន្ត​និង​ហាង​ខា​រ៉​អូរ​ខេ​មិន​អោយ​មានការ​ប្រើប្រាស់​គ្រឿង​និង​ចែកចាយ​ជួញដូរ​គ្រឿង​និង​លួច​បើក​លេង​បង្កប់​ល្បេ​ង​ស៊ីសង​ក្នុង​ក្លឹ​ប​កំសាន្ត​និង​ហាង​ខា​រ៉ា​អូរ​ខេ​ឡើយ​។

លោក​បាន​បញ្ជាក់​ថា​ បើ​រក​ឃើញ​មាន​ក្លឹ​ប​កំសាន្ត​និង​ហាង​ខា​រ៉ា​អូរ​ខេ​ណាមួយ​មាន​ជួញដូរ​ចែកចាយ​គ្រឿងញៀន និង​លួច​បើក​ល្បែងស៊ីសង​ខុសច្បាប់​ នឹង​ត្រូវ​មាន​វិធានការ​តាម​ច្បាប់​ ហើយ​បិទ​ក្លិប​កំសាន្ត​និង​ហាង​ខា​រ៉ា​អូរ​ខេ​ មិនឱ្យ​បន្ត​​​បើក​ទៀត​ឡើយ​ ហើយ​ម្ចាស់​ក្លិប​កំសាន្ត​និង​ហាង​ខា​រ៉ា​អូ​ខេ ក៏​ត្រូវ​អនុវត្តន៍​ទោសតាម​ច្បាប់​ ។

គួរ​រំលឹក​ថា​ ​ក្រោយ​ពេល​ដែល​កម្លាំង​នគរបាល​ខេត្តបន្ទាយមានជ័យ​ ដែល​ដឹកនាំ​ដោយ​លោក
​ឧត្ត​មសេនីយ៍ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ ដឹកនាំ​កម្លាំង​ចុះ​ប្រតិបត្តិការ​បង្ក្រាប​ក្លឹ​ប​កំសាន្ត ​និង​ហាង​ខា​រ៉ា​អូ​​ខេ​ចំនួន​២​កន្លែង​ រក​ឃើញ​វត្ថុ​តាង​គ្រឿងញៀន​និង​ឃាត់ខ្លួន​មនុស្ស​ប្រុស-​ស្រី​ចំនួន​១៧០​នាក់​ កំពុង​ដំណើរការ​ធ្វើតេស្ត​រកសា​ធាតុ​ញៀន​។

ប្រជាពលរដ្ឋ​បាន​សាទរ​ចំពោះ​ចំណាត់ការ​អាជ្ញាធរ​ក្រុង​ប៉ោយ​ប៉ែ​ត​ ដែល​បាន​ចុះ​ផ្សព្វផ្សាយ​និង​ណែនាំ​ដល់​ម្ចាស់​ក្លឹ​ប​កំសាន្ត​និង​ហាង​ខា​រ៉ា​អូរ​ខេ ក្រោយ​កម្លាំង​នគរបាល​ខេត្តបន្ទាយមានជ័យ ចុះ​ប្រតិបត្តិការ​បង្ក្រាប​ក្លឹ​ប​កំសាន្ត ​និង​ហាង​ខា​រ៉ា​អូរ​ខេ​នៅ​ក្រុង​ប៉ោយ​ប៉ែ​ត ​បាន​ឃាត់​មនុស្ស​ប្រុស​.​ស្រី​ជិត​២០០​នាក់​សង្ឃឹមថា​ អាជ្ញាធរ​និង​កម្លាំង​សមត្ថ​កិច្ច​ខេត្តបន្ទាយមានជ័យ​មាន​វិធានការ​ចុះ​ប្រតិបត្តិការ​បង្ក្រាប​ទាំងអស់​នៅ​ក្លឹ​ប​កំសាន្ត​និង​ហាង​ខា​រ៉ា​អូរ​ខេ​ទូ​​ទាំង​ខេត្តបន្ទាយមានជ័យ ​។

អត្ថបទសរសេរ ដោយ