ខេត្តកណ្តាល ៖ វត្តជ័យឧត្តម ដែលស្ថិតក្នុងឃុំសំរោងធំ ត្រូវបានអាជ្ញាធរស្រុកគៀនស្វាយ ជ្រើសរើសជាទីតាំង ដើម្បីប្រារព្ធពិធីជួបជុំអបអរបុណ្យចូលឆ្នាំថ្មីប្រពៃណីជាតិខ្មែរ ឬសង្គ្រាន្តឆ្នាំថ្មី ខណៈវត្តដែលមានប្រវត្តដ៌យូរលង់មួយនេះ ត្រូវបានគេទទួលស្គាល់ថា…
ខេត្តកណ្តាល ៖ វត្តជ័យឧត្តម ដែលស្ថិតក្នុងឃុំសំរោងធំ ត្រូវបានអាជ្ញាធរស្រុកគៀនស្វាយ ជ្រើសរើសជាទីតាំង ដើម្បីប្រារព្ធពិធីជួបជុំអបអរបុណ្យចូលឆ្នាំថ្មីប្រពៃណីជាតិខ្មែរ ឬសង្គ្រាន្តឆ្នាំថ្មី ខណៈវត្តដែលមានប្រវត្តដ៌យូរលង់មួយនេះ ត្រូវបានគេទទួលស្គាល់ថា ជាវត្តដ៏មានប្រជាប្រិយ៍ភាព និងមានទីធ្លារធំទូលាយ និងស្រស់ស្អាត ។
លោក សុខ ពិសិទ្ធ អភិបាលរងស្រុកកៀនស្វាយ បានឲ្យដឹងថា ដោយអនុវត្តតាមការណែនាំរបស់អភិបាល នៃគណអភិបាលខេត្តកណ្តាល ឆ្នាំនេះ ថ្នាក់ដឹកនាំស្រុកគៀនស្វាយ បានសម្រេចជ្រើសរើស វត្តជ័យឧត្តម ស្ថិតក្នុងឃុំសំរោងធំ ដើម្បីរៀបចំពិធីសង្គ្រាន្តឆ្នាំថ្មី ។
លោកបានបញ្ជាក់ថា ការងារសន្តិសុខសណ្តាប់ធ្នាប់ទូទាំងស្រុក ជាការងារសំខាន់បំផុត សម្រាប់ពិធីបុណ្យចូលឆ្នាំថ្មី ប្រពៃណីជាតិខ្មែរ ពិសេសសន្តិសុខសណ្តាប់ធ្នាប់នៅក្នុងបរិវេណ នៃពិធីអបអរសង្គ្រាន្តឆ្នាំថ្មី នៅវត្តជ័យឧត្តម ព្រោះថា តាមការរំពឹងទុក នឹងមានបងប្អូនប្រជាពលរដ្ឋទាំងក្នុងស្រុក និងក្រៅស្រុក នឹងសម្រុកទៅកម្សាន្តសប្បាយនៅទីនោះ ។
លោក សុខ ពិសិដ្ឋ បានឲ្យដឹងថា ដើម្បីធានានូវសន្តិសុខ សណ្តាប់ធ្នាប់នាឱកាសបុណ្យចូលឆ្នាំថ្មីនេះ អាជ្ញាធរស្រុកបានរៀបចំនូវកិច្ចការមួយចំនួន ដើម្បីធ្វើយ៉ាងណារក្សាបាននូវសន្តុសុខសណ្តាប់ធ្នាប់ ជូនប្រជាពលរដ្ឋយើង ក្នុងនោះយើងក៏ផ្តោតជាសំខាន់លើទីតាំងជួបជុំអបអរឆ្នាំថ្មី នៅវត្តជ័យឧត្តម ។
លោកអភិបាលរងស្រុក បានបន្ថែមថា មកដល់ពេលនេះយើងបានរៀបចំរួចរាល់ហើយទាំងកម្លាំង និងសម្ភារ ឧបករណ៍បម្រើឲ្យការងារសន្តិសុខ សណ្តាប់ធ្នាប់មានដូចជា កងកម្លាំង រថយន្តអន្តរាគមន៍ចំនួន ៣ គ្រឿង រថយន្តពន្លត់អគ្គិភយ័ចំនួន ២ គ្រឿង រថយន្តសង្គ្រោះបន្ទាន់ គ្រូពេទ្យ បុគ្គលិកពេទ្យជាដើមផងដែរ។ ក្រៅពិការងារនោះ អាជ្ញាធរស្រុក ឃុំក៏បានធ្វើការផ្សព្វផ្សាយអំពីការងារសុវ៎ត្ថិភាព សណ្តាប់ធ្នាប់ ការងារអនាមយ័ ការស្វាគមន៍ និងសេវាម្ហូបអាហារជូនដល់បងប្អូនប្រជាពលរដ្ឋ ពិសេសបងប្អូនអាជីករដែលបាន និងកំពុងប្រកបមុខរបរនៅតាមផ្សារ តាមរមណីយដ្ឋាននានា នៅទូទាំងស្រុកគៀនស្វាយ ដើម្បីពួកគាត់បានយល់ និងចូលរួមសហការ។
លោកបន្តថា ទន្ទឹមនឹងការងារជាអទិភាពខាងលើ យើងនូវបានកំណត់គោលដៅសន្តិសុខ សណ្តាប់ធ្នាប់សំខាន់ៗមួយចំនួនថែមទៀត ក្នុងនោះគោលដៅព្រុំប្រទល់ស្រុក និងព្រុំប្រទល់រវាងឃុំ និងឃុំ ក្នុងស្រុងផងដែរ។ ប៉ុន្តែបញ្ជាការដ្ឋានធំផ្នែកសន្តិសុខ គឺយើងបោះទីតាំងនៅវត្តជ័យឧត្តមតែម្តង។
ចំណែកក្រុមហ៊ុនអាជីវកម្ម ដែលមានទីតាំងក្នុងស្រុកក៏យើងបានណែនាំឲ្យមានការប្រុងប្រយត្ន័ខ្ពស់ចំពោះបញ្ហាសន្តិសុខ សំខាន់ការពារនូវគ្រោះអគ្គិភយ័ ដែលអាចកើតមានជាយថាហេតុ និងត្រូវសហការជាមួយអាជ្ញាធរគ្រប់ថ្នាក់ ក្នុងករណីកើតហេតុណាមួយ។
លោក សុខ ពិសិដ្ឋ បានបង្ហាញនូវក្តីរំពឹងថា ឆ្នាំនេះនឹងមានបងប្អូនប្រជាពលរដ្ឋទាំងក្នុងស្រុក និងក្រៅស្រុកចូលរួមកម្សាន្តសប្បាយរីករាយ នាឱកាសបុណ្យចូលឆ្នាំប្រពៃណីជាតិខ្មែរយើង ពិសេសនឹងមានបងប្អូនចូលរួមកុះករនៅទីតាំងដែលយើងរៀបចំពិធីអបអរឆ្នាំថ្មី ឬសង្គ្រាន្តឆ្នាំថ្មីនៅវត្តជ័យឧត្តម។
សូមជម្រាបថា វត្តជ័យឧត្តម ស្ថិតនៅតាមផ្លូវជាតិលេខ១ ចម្ងាយប្រមាណជាង ៣០ គីទ្បូម៉ែត្រពីរាជធានីភ្នំពេញ និងស្ថិតនៅភូមិជយ័ឧត្តម ឃុំសំរោងធំ ស្រុកគៀនស្វាយ ខេត្តកណ្តាល។ វត្តជ័យឧត្តម គឺជាវត្តដ៏ចំណាស់មួយ ហើយមានប្រវត្តិល្បីល្បាញដ៏យូរលង់ខាងជំនឿ និងខាងសាសនា ដែលពុទ្ធបរិសទ័ភាគច្រើនតែងតែទៅបែបន់ សុំសេចក្តីសុខ និងប្រកបមុខរបរប្រកបដោយជោគជ័យ៕
ចែករំលែកព័តមាននេះ