រាជធានីភ្នំពេញ ៖ រហូតមកទល់ពេលនេះ ចំណងស្នេហ៍ឆ្លងទ្វីប រវាង រ៉េត សារីតា និងបុរសជនជាតិអាមេរិក បានអូសបន្លាយពេលជិត៤ឆ្នាំមកនេះ ខណៈពេលដែលតារាស្រីរូបនេះតែងតែបើកចំហជាសាធារណៈពីទំនាក់ទំនងស្នេហ៍របស់ខ្លួនដោ យមិនលាក់លៀមពីភ្នែកមហាជន ។
![](https://kohsantepheapdaily.com.kh/wp-content/uploads/2024/04/7eca951250d6e3cc8bc639fd60816a64.jpg)
បើទោះបីជាមិនទាន់បញ្ចេញពេលវេលាជាក់លាក់ណាមួយ សម្រាប់ចូលរោងការក៏ដោយ ប៉ុន្តែអតីតកញ្ញាឯកចក្រវាទ្បកម្ពុជាឆ្នាំ២០២០ នាង រ៉េត សារីតា បានលើកសសើរដល់គូស្នេហ៍របស់ខ្លួនយ៉ាងពេញមាត់ និងបានចាត់ទុកមនុស្សម្នាក់នេះតែងតែផ្តល់តម្លៃ និងភាពកក់ក្តៅមកដល់រូបនាងរហូតមកចាប់តាំងពីមានទំនាក់ទំនងជាមួយគ្នាជិត៤ឆ្នាំមកនេះ ។
![](https://kohsantepheapdaily.com.kh/wp-content/uploads/2024/04/377b432f15755014f36d3543cab247b3.jpg)
រ៉េត សារីតា បានបង្ហោះសារលើបណ្តាញសង្គមថា ស្គាល់គ្នាជិត៤ឆ្នាំនេះ មិនដែលតម្លើងសម្លេងដាក់សូម្បីមួយដង នៅពេលមានបញ្ហាអ្វីមួយ មិនស្តីបន្ទោស តែជួយកែតម្រូវជួយតម្រង់ទិស តែងតែសរសើរខ្ញុំជារើយៗតែងគាំទ្រនូវការសម្រេចចិត្តអ្វីមួយ ជម្រុញខ្ញុំឲ្យតាមក្តីស្រមៃរបស់ខ្លួន ។ល។ អរគុណដែលស្រលាញ់ ផ្តល់តម្លៃ និងភាពកក់ក្តៅរហូតមក ។
![](https://kohsantepheapdaily.com.kh/wp-content/uploads/2024/04/c94e148dba5c21a5721e01aac8f296fa.jpg)
តាមរយៈអ្វីដែលនាងបានសសើរខាងលើនេះ មហាជនជាពិសេសបណ្តាអ្នកគាំទ្រ រ៉េត សារីតា បាននាំគ្នាចូលរួមអបអរសាទរចំពោះរូបនាង ដែលអាចស្វែងរកដៃគូដ៏ល្អមួយរូប ខណៈពេលដែលគេរំពឹងថា នាងនឹងអាចចាប់ដៃគ្នាជាមួយគូស្នេហ៍ចូលរោងការឆាប់ៗនេះ ព្រោះគេឃើញចំណងស្នេហ៍របស់នាងកាន់តែមានភាពផ្អែមល្ហែម និងល្អប្រសើរពីមួយថ្ងៃទៅមួយថ្ងៃ ។
![](https://kohsantepheapdaily.com.kh/wp-content/uploads/2024/04/18ca12a7dffad918c1db2c4456ea881c.jpg)
ជាការកត់សម្គាល់តារាសម្តែង និងពិធីការិនីនាង រ៉េត សារីតា ត្រូវបានគេដឹងថា ចំណងស្នេហ៍របស់នាង ជាមួយនឹងបុរសជនជាតិអាមេរិកនេះ បានចាប់ផ្តើមឡើងតាំងពីអំឡុងនាងកំពុងមានបេសកម្មភាពតំណាងកម្ពុជាទៅចូលរួមប្រកួតកម្មវិធី Miss Universe ឆ្នាំ២០២០ ។
![](https://kohsantepheapdaily.com.kh/wp-content/uploads/2024/04/8334396948385171ff41f16f884634cc.jpg)
អំឡុងកម្មវិធីបានបញ្ចប់នោះ រ៉េត សារីតា មិនបានវិលត្រឡប់មកកាន់ប្រទេសកម្ពុជាភ្លាមនោះឡើយ ដោយនាងបានចំណាយពេលមួយរយៈខ្លីទៀត ដើម្បីដើរលេងកម្សាន្តជាមួយគូស្នេហ៍របស់នាងនៅលើទឹកដីសហរដ្ឋអាមេរិក ។
![](https://kohsantepheapdaily.com.kh/wp-content/uploads/2024/04/ac536225c1f2a5aefed54bb949f98714.jpg)
យ៉ាងណា ចំណងស្នេហ៍នេះ រ៉េត សារីតា មិនបានលាក់លៀមពីភ្នែកមហាជនឡើយ ពោលនាងតែងតែបញ្ចេញនូវរូបភាពផ្អែមល្ហែមជាមួយគូស្នេហ៍ជាបន្តបន្ទាប់នៅលើបណ្តាញសង្គម ក្នុងពេលដែលពួកគេទាំងពីរបានចេញទៅដើរលេងកំសាន្តតាមបណ្តាប្រទេសនានា ៕
![](https://kohsantepheapdaily.com.kh/wp-content/uploads/2024/04/7eca951250d6e3cc8bc639fd60816a64-1.jpg)
![](https://kohsantepheapdaily.com.kh/wp-content/uploads/2024/04/e915c86a50df1a5a581f2b8920a9c256.jpg)
ចែករំលែកព័តមាននេះ