ចុះពិនិត្យទីតាំងផ្ទៃដីរបស់ក្រុមហ៊ុនអានម៉ាឌី ដើម្បីពិនិត្យព្រំដីចុះជាលក្ខណ:ប្រព័ន្ធ
- ស្វាយរៀង
ខេត្តស្វាយរៀង ៖ កាលពីព្រឹកថ្ងៃទី៣ ខែមេសា ឆ្នាំ២០២៤ លោក ម៉ែន អេង អភិបាលរងខេត្តស្វាយរៀង តំណាង…
ខេត្តស្វាយរៀង ៖ កាលពីព្រឹកថ្ងៃទី៣ ខែមេសា ឆ្នាំ២០២៤ លោក ម៉ែន អេង អភិបាលរងខេត្តស្វាយរៀង តំណាង អភិបាលខេត្ត បានដឹកនាំកម្លាំងចម្រុះចុះពិនិត្យទីតាំងរបស់ក្រុមហ៊ុនអានម៉ា
ឌី ដើម្បីពិនិត្យព្រំដីចុះជាលក្ខណ:ប្រព័ន្ធ ដែលស្ថិតនៅភូមិត្រស់ ឃុំត្រស់ ស្រុករមាសហែក ខេត្តស្វាយរៀង ។
លោក ម៉ិញ ស៊ីចាយ ប្រធានមន្ទីរសុរិយោដីខេត្តបានឲ្យដឹងថា ដើម្បីចុះដីធ្លីលក្ខណៈជាប្រព័ន្ធបានត្រូវបញ្ជាក់ជាមួយអាជ្ញាធរ ស្ថាប័នពាក់ព័ន្ធទាំងអស់ នៅក្នុងមូលដ្ឋានដើម្បីកុំឲ្យមានបញ្ហាអ្វីទៅថ្ងៃក្រោយទៀត ហើយថាមិនដឹង ។
ចំពោះដីធ្លីដែលត្រូវចុះជាលក្ខណៈប្រព័ន្ធទាំងនេះ ដាច់ខាតត្រូវតែបើកឱ្យមានផ្លូវនិងប្រឡាយទឹកបញ្ជាក់ទីតាំងដីរដ្ឋ ឬដីឯកជនឲ្យបានច្បាស់លាស់ទាំងទំហំដីទីតាំងជាក់ស្តែង ។ លោកបានឲ្យដឹងទៀតថា មិនត្រឹមតែអាជ្ញាធរនៅមូលដ្ឋានប៉ុណ្ណោះទេ អ្នកសារព័ត៌មានក៏ត្រូវដឹងពីការចុះបញ្ជីដីធ្លីដោយបើកចំហផងដែរ មិនមានការលាក់បាំងនោះឡើយ ដោយមានការប្រកាសបិទផ្សាយក៏ដូចជាការផ្សព្វផ្សាយដល់ប្រជាពលរដ្ឋអាជ្ញាធរ ភូមិ ឃុំ នៅមូលដ្ឋាន ចៀសវាងប្រជាពលរដ្ឋ ឬក៏មជ្ឈដ្ឋានផ្សេងៗគាត់មានចម្ងល់។
ជាក់ស្តែង ដីរបស់ក្រុមហ៊ុនអានម៉ាឌី ដែលទទួលបានសិទ្ធិវិនិយោគពីរាជរដ្ឋាភិបាលនាពេលកន្លងមក មានចំនួន១៤០០ហិកតា តែក្រោយពីក្រុមការងារជំនាញចុះពិនិត្យវាស់វែងជាក់ស្តែងមានចំនួន១៣៧៤ហិកតា ជាដីសល់ក្រោយពីកាត់ជាប្រឡាយទឹកផ្លូវរួម និងផលប៉ះពាល់ជាមួយប្រជាពលរដ្ឋ តាមស.ជ.ណ លេខ០១ នៅពេលដែលក្រុមនិស្សិតស្ម័គ្រចិត្តចុះមកធ្វើការវាស់វែងកំឡុងឆ្នាំ២០១២ ដែលដីរបស់ក្រុមហ៊ុននេះបានដាំដំឡូងមី អំពៅ និងកៅស៊ូ។
នៅក្នុងឱកាសនោះដែរ លោក ម៉ែន អេង អភិបាលរងខេត្តក៏បានមានប្រសាសន៍ផងដែរថា មូលហេតុដែលក្រុមការងារចុះមកថ្ងៃនេះ គឺដោយសារខាងក្រុមហ៊ុនបានធ្វើសំណើទៅរដ្ឋបាលខេត្ត ដើម្បីឲ្យខេត្តកំណត់ព្រំដីច្បាស់លាស់ងាយស្រួលចុះបញ្ជីដីធ្លីលក្ខណ:ជាប្រព័ន្ធ ដូច្នេះហើយ នាពេលកន្លងមករដ្ឋបាលខេត្តក៏បានបើកកិច្ចប្រជុំស្ថាប័នជំនាញក្រោមឱវាទ ដើម្បីពិនិត្យសម្រេច ។
នេះជាលើកទី២ហើយដែលមន្ត្រីជំនាញបានចុះមកដល់ទីតាំងដីផ្ទាល់របស់ក្រុមហ៊ុន ដើម្បីពិនិត្យវឌ្ឍនភាព និងធ្វើបច្ចុប្បន្នភាពជាក់ស្តែង ធ្វើកំណត់ព្រំដីប្រមូលទិន្នន័យព័ត៌មាន ដើម្បីបិទផ្សាយធ្វើរបាយការណ៍ទៅរដ្ឋបាលខេត្ត ប្រជុំហើយឲ្យខាងក្រសួងកសិកម្មរុក្ខាប្រមាញ់ និងនេសាទ ជាអ្នកធ្វើការសម្រេច។
អភិបាលរងខេត្តបានមានសង្កត់ធ្ងន់ថា ចំពោះអត្ថប្រយោជន៍នៃការចុះបញ្ជីដីធ្លីជាលក្ខណៈប្រព័ន្ធរួមមានដូចជា ទី១-មានភាពច្បាស់លាស់ក្នុងការគ្រប់គ្រងក្បាលដីដោយប្រើប្រាស់ម៉ាស៊ីន D.G.P.S ដែលមានប្រព័ន្ធទំនើបក្នុងការផ្ដល់ទិន្នន័យបានច្បាស់លាស់ ។ ទី២-ផ្ដល់នូវសិទ្ធិកាន់កាប់ចាត់ចែងអាស្រ័យផលស្របច្បាប់។ ទី៣-ទទួលបានសិទ្ធិការពារដោយផ្លូវច្បាប់តាមមាត្រា៤៤ ជាពិសេស គឺបានកាត់បន្ថយនូវបញ្ហាទំនាស់ដីធ្លី ។
លោក ម៉ែន អេង បន្ថែមថា ដោយឡែកដីដែលនៅសេសសល់ក្រៅពីនេះ ខាងមន្ទីរនិងមន្ត្រីជំនាញបាននឹងកំពុងចុះស្រង់ស្ថិតិ ដើម្បីកំណត់ព្រំធ្វើការវាស់វែងជាបន្តបន្ទាប់នៅពេលក្រោយផងដែរ៕
ចែករំលែកព័តមាននេះ