ADផ្ទាំងផ្សព្វផ្សាយពាណិជ្ជកម្ម

Picture

ស្លា.ប់​ដោយ​សារ​រញ្ជួយ​ដីនៅ​តៃវ៉ាន់​កើន​​ដល់​៩​នាក់​, បាត់ខ្លួ.ន​៧៧នាក់​

2 អាទិត្យ មុន

ទី​ក្រុង​តៃប៉ិ៖ ចំនួន​អ្នក​ស្លាប់​ដោយសារ​ការ​រញ្ជួយ​ដី​នៅ​កោះ​តៃវ៉ាន់​កាល​ពី​ព្រឹក​មិញ​​​បាន​កើន​ឡើង​ដល់​៩​​នាក់​។​ ចំនួន​​នេះ​គិត​​តែ​សាក​សព​ជន​រង​គ្រោះ​ដែល​ក្រុម​ការ​ងារ​បាន​ជីក​កកាយ​រក​ឃើញ​ពី​គំនរ​បាក់​បែក​​តែ​ប៉ុណ្ណោះ​។ ក្រៅ​ពី​នេះ គេ​ជឿ​ជាក់​ថា​មនុស្ស​​មិន​តិច​នាក់​ទេ​​ដែល​កំពុង​កប់​ខ្លួន​នៅ​ក្រោម​គំនរ​អគារ​។ អាជ្ញា​ធរ​ឱ្យ​ដឹង​ថា​មនុស្ស​៨២១​​​នាក់​រង​របួស​ដោយ​សារ​គ្រោះ​រញ្ជួយ​ដី​កម្រិត​៧,៤​រ៉ិច​ទ័រ​​​ដែល​មាន​ចំណុច​ចាប់​ផ្ដើម​ពី​ស្រទាប់​ដី​​ជម្រៅ​​១៨​គីឡូ​ម៉ែត្រ​នៅ​តំបន់​ឆ្នេរ​សមុទ្រ​ខាង​កើត​។​ គ្រោះ​រញ្ជួយដី​នេះ​មាន​សភាព​ខ្លាំង​ក្លា​មែន​ទែន​ មិន​ធ្លាប់​ជួប​ប្រទះ​ទាល់​តែ​សោះ​នៅ​ក្នុង​រយៈ​ពេល​២៥​ឆ្នាំ​ចុង​ក្រោយ​។ កម្រិត​រញ្ជួយ​មាន​សភាព​ខ្លាំង​ក្លា​ ធ្វើ​ឱ្យ​អគារ​ជា​ច្រើន​រង្គោះ​រង្គើ​…

ទី​ក្រុង​តៃប៉ិ៖ ចំនួន​អ្នក​ស្លាប់​ដោយសារ​ការ​រញ្ជួយ​ដី​នៅ​កោះ​តៃវ៉ាន់​កាល​ពី​ព្រឹក​មិញ​​​បាន​កើន​ឡើង​ដល់​៩​​នាក់​។​ ចំនួន​​នេះ​គិត​​តែ​សាក​សព​ជន​រង​គ្រោះ​ដែល​ក្រុម​ការ​ងារ​បាន​ជីក​កកាយ​រក​ឃើញ​ពី​គំនរ​បាក់​បែក​​តែ​ប៉ុណ្ណោះ​។ ក្រៅ​ពី​នេះ គេ​ជឿ​ជាក់​ថា​មនុស្ស​​មិន​តិច​នាក់​ទេ​​ដែល​កំពុង​កប់​ខ្លួន​នៅ​ក្រោម​គំនរ​អគារ​។ អាជ្ញា​ធរ​ឱ្យ​ដឹង​ថា​មនុស្ស​៨២១​​​នាក់​រង​របួស​ដោយ​សារ​គ្រោះ​រញ្ជួយ​ដី​កម្រិត​៧,៤​រ៉ិច​ទ័រ​​​ដែល​មាន​ចំណុច​ចាប់​ផ្ដើម​ពី​ស្រទាប់​ដី​​ជម្រៅ​​១៨​គីឡូ​ម៉ែត្រ​នៅ​តំបន់​ឆ្នេរ​សមុទ្រ​ខាង​កើត​។​

គ្រោះ​រញ្ជួយដី​នេះ​មាន​សភាព​ខ្លាំង​ក្លា​មែន​ទែន​ មិន​ធ្លាប់​ជួប​ប្រទះ​ទាល់​តែ​សោះ​នៅ​ក្នុង​រយៈ​ពេល​២៥​ឆ្នាំ​ចុង​ក្រោយ​។ កម្រិត​រញ្ជួយ​មាន​សភាព​ខ្លាំង​ក្លា​ ធ្វើ​ឱ្យ​អគារ​ជា​ច្រើន​រង្គោះ​រង្គើ​ ទ្រេត​ចុះ​ទ្រេត​ឡើង​ ឬ​ក៏​ឈាន​ដល់​ការ​បាក់​រលំ​តែ​ម្ដង​។ ​នៅ​តំបន់​មាត់​សមុទ្រ​ អាជ្ញាធរ​​​ព្រមាន​អំពី​លទ្ធ​ភាព​នៃ​ការ​កើត​មាន​រលក​យក្ស​ស៊ូណាមី។ ​ប្រទេស​ជិត​ខាង​តៃវ៉ាន់​ក៏​ប្រុង​ប្រយ័ត្ន​​ដូច​គ្នា​។​​

គេ​ដឹង​ថា​នៅ​ពេល​នេះ មនុស្ស​៧៧​នាក់​ទៀត​កប់​នៅ​ពី​ក្រោម​គំនរ​បាក់​បែក។​​ បើ​ជួយ​មិន​ទាន់​ទេ​​​​មាន​តែ​ផ្លូវ​មរណៈ​​​១​មុខ​គត់​​។​ក្រុម​អ្នក​ជួយ​សង្គ្រោះ​​​កំពុង​រើ​កកាយ​ដុំ​ឥដ្ឋ​ និង​បេតុង​ដោយ​ដៃ​ខ្លះ ដោយ​​គ្រឿង​ចក្រ​ខ្លះ​ដើម្បី​ពន្លឿន​ការ​ស្វែង​រក​ និង​ជួយ​សង្គ្រោះ​។​ ​ទោះ​បី​ដាច់​ភ្លើង​ជា​ច្រើន​ម៉ោង​ហើយ​ក្ដី ប៉ុន្តែ​​មនុស្ស​រាប់​ពាន់​គ្រួសារ​ប្រាប់​ថា​ភ្លើង​មិន​ទាន់​​​មក​វិញ​នៅ​ឡើយ​ទេ​​។​

ហេតុ​ការណ៍​រញ្ជួយ​ដី​​កម្រិត​៧,៤​រ៉ិច​ទ័រ​នោះ​​បាន​ផុត​រលត់​ទៅ​​​ច្រើន​ម៉ោង​ហើយ​។ ប៉ុន្តែ​គេ​​កត់​សម្គាល់​ថា​មាន​ការ​រញ្ជួយ​ដី​​តូច​ៗ​ជា​ច្រើន​​ករណី​។ សេវា​ដឹក​ជញ្ជូន​តាម​រថ​ភ្លើង​ទូទាំង​កោះ​តៃវ៉ាន់​ត្រូវ​ផ្អាក​ដំណើរ​ការ​។ ផ្លូវ​រថ​ភ្លើង​ក្រោម​ដី​​នៅ​ទី​ក្រុង​តៃប៉ិ​ក៏​ត្រូវ​ផ្អាក​ដូច​គ្នា​​។ ដោយ​ឡែក​ប្រទេស​ជប៉ុន​ដែល​ស្ថិត​នៅ​ឆ្ងាយ​គួរ​សម​ដែរ​ពី​កោះ​តៃវ៉ាន់​ក៏​ទទួល​ការ​រញ្ជួយ​ខ្លះ​ៗ​ដែរ​។ ជប៉ុន​ចេញ​សេចក្ដី​ព្រមាន​ឱ្យ​ប្រុង​ប្រយ័ត្ន​ចំពោះ​រលក​យក្ស​ស៊ូណាមី​នៅ​លើ​កោះ​មីយ៉ាកុ និង​កោះ​យេយ៉ាម៉ា នៃ​ខេត្ត​អូគីណាវ៉ា។​

អាជ្ញាធរ​ជប៉ុន​ថ្លែង​​ថា​កាល​ពី​ព្រឹក​មិញ​​ទោះ​បី​មិន​ដល់​ថ្នាក់​រលក​យក្ស​ក៏​ដោយ​ ក៏​ប៉ុន្តែ​រលក​សមុទ្រ​​ធំ​​​​គួរ​សម​ដែរ​។​ បន្ទាប់​ពី​​កញ្ជ្រោក​បោក​បាច​អស់​មួយ​សន្ទុះ​ រលក​សមុទ្រ​ក៏​ស្ងប់​ស្ងាត់​ទៅ​វិញ​។ ដូច្នេះ អាជ្ញាធរ​ក៏​ដក​ចេញ​សេចក្ដី​ព្រមាន​​មក​វិញ​។ ​នៅ​ហ្វ៊ីលីពីន​ អាជ្ញាធរ​ទទួល​បន្ទុក​​​ផ្នែក​ផែន​ដី​វិទ្យា​បាន​ចេញ​សេចក្ដី​ព្រមាន​ចំពោះ​​អ្នក​រស់​នៅ​តំបន់​មាត់​កំពង់​ ឬ​មាត់​​សមុទ្រ​​សូម​មេត្តា​រួស​រាន់​ឡើង​ទៅ​ឱ្យ​ផុត​លើ​គោក ឬ​ទី​ទួល​សុវត្ថិ​ភាព​ជា​បណ្ដោះ​អាសន្ន​​ដើម្បី​ជៀស​វាង​ការ​កើត​មាន​ហានិភ័យ​ផ្សេង​ៗ​។

​យើងងាក​មក​ចាប់​អារម្មណ៍​​​ប្រទេស​ចិន​ដែល​ស្ថិត​​នៅ​កៀក​នឹង​កោះ​តៃវ៉ាន់​ជាង​គេ​។ សារ​ព័ត៌​មាន​​​​ចិន​ផ្សាយ​ថា​អ្នក​រស់​នៅ​ខេត្ត​ហ្វ៊ូជៀន​ (Fujian) ក៏​ទទួល​អារម្មណ៍​រញ្ជួយ​ខ្លះ​ៗ​ដែរ​។ គ្រាន់​តែ​មិន​ខ្លាំង​ដល់​ថ្នាក់​រង្គោះ​រង្គើ​ផ្ទះ​សម្បែង​ ឬ​​​ស្លាប់​​មនុស្ស​​។ ព័ត៌​មាន​ចុង​ក្រោយ​បង្ហាញ​ថា​​​នៅ​ទី​ក្រុង​តៃប៉ិ​​​មាន​ការ​រញ្ជួយ​តូច​ៗ​ជាង​៥០​ករណី។

រហូត​ដល់​ល្ងាច​ថ្ងៃ​ពុធ​​​ទើប​ក្រុម​ការ​ងារ​​ត​ភ្ជាប់​​ភ្លើង​អគ្គិសនី​​ឡើង​វិញ​បាន​ភាគ​ច្រើន​​។ អាជ្ញាធរ​សូម​បញ្ជាក់​ថា​រោង​ចក្រ​នុយក្លេអ៊ែរ​ពីរ​កន្លែង​សម្រាប់​ផលិត​ថាម​ពល​អគ្គិស​នី​នៅ​លើ​​កោះ​តៃវ៉ាន់​មាន​សុវត្ថិ​ភាព​ល្អ​ណាស់​​ គ្មាន​រង​ការ​ប៉ះ​ពាល់​ពី​គ្រោះ​រញ្ជួយ​ដី​កាល​ពី​ព្រឹក​មិញ​សូម្បី​តែ​បន្តិច​៕​

ប្រភព៖ Channel News Asia និង​ប្រភព​ដទៃ​ទៀត​
https://www.channelnewsasia.com/asia/taiwan-earthquake-hualien-japan-philippines-tsunami-4238601
https://www.independent.co.uk/asia/east-asia/taiwan-earthquake-tsunami-warning-japan-death-toll-latest-b2522439.html   ​​
https://news.sky.com/story/power-outages-and-tsunami-alerts-after-strong-earthquake-off-japans-coast-13106914

អត្ថបទសរសេរ ដោយ

កែសម្រួលដោយ