ADផ្ទាំងផ្សព្វផ្សាយពាណិជ្ជកម្ម

Picture

ខឹងមេការបើកលុយឲ្យអត់គ្រប់ មិនបង្អង់យូរយកដុំថ្មគ.ប់បំបែកកញ្ចក់រថយន្តតែម្តង

2 អាទិត្យ មុន
  • សៀមរាប

ខេត្តសៀមរាប ៖ នគរបាល​ជំនាញ​ព្រហ្មទណ្ឌ​ខេត្តសៀមរាប កាលពី​ថ្ងៃ​ទី​២ ខែមេសា ឆ្នាំ​២០២៤ បាន​ធ្វើការ​ឃាត់ខ្លួន​កម្មករ​២​នាក់ ពាក់​ពន្ធ​ករណី​ប្រើ​អំពើ​ហិ​.​ង្សា​ធ្វើ​ឲ្យ​ខូចខាត​ទ្រព្យសម្បត្តិ​អ្នក​ដទៃ ពោល គឺ​ប្រើ​ដុំ​ថ្ម​គប់​បំបែក​កញ្ចក់​រថយន្ត​មេការ​សំណង់…

ខេត្តសៀមរាប ៖ នគរបាល​ជំនាញ​ព្រហ្មទណ្ឌ​ខេត្តសៀមរាប កាលពី​ថ្ងៃ​ទី​២ ខែមេសា ឆ្នាំ​២០២៤ បាន​ធ្វើការ​ឃាត់ខ្លួន​កម្មករ​២​នាក់ ពាក់​ពន្ធ​ករណី​ប្រើ​អំពើ​ហិ​.​ង្សា​ធ្វើ​ឲ្យ​ខូចខាត​ទ្រព្យសម្បត្តិ​អ្នក​ដទៃ ពោល គឺ​ប្រើ​ដុំ​ថ្ម​គប់​បំបែក​កញ្ចក់​រថយន្ត​មេការ​សំណង់ ខឹង​មេការ​បើក​លុយ​ឲ្យ​មិន​គ្រប់​ទៅ​តាម​តម្លៃ​ពលិកម្ម ។

ជនសង្ស័យ​ម្នាក់​ឈ្មោះ អ៊ុ​ង វិសាល ហៅ​វៀត ភេទ​ប្រុស អាយុ​៣១​ឆ្នាំ ស្នាក់​នៅ​ភូមិ​តានី ឃុំ​រុន​តា​ឯក ស្រុក​បន្ទាយស្រី ខេត្តសៀមរាប អ្នក​ផ្តើមគំនិត និង​ជា​អ្នកបញ្ជា ជន​នេះ​ធ្លាប់​ជាប់​ពន្ធនាគារ​២ ឆ្នាំ ករណី​ចាត់ចែង និង​ប្រើប្រាស់​គ្រឿង​ញៀ​.​ន ។ ម្នាក់​ទៀត​ឈ្មោះ លាង ម៉េ​ង​ហុង ភេទ​ប្រុស អាយុ​២៣​ឆ្នាំ ស្នាក់​នៅ​ភូមិ​ឈូកស ឃុំ​ឃុន​រាម ស្រុក​បន្ទាយស្រី ខេត្តសៀមរាប (​ជន​ដៃដល់ ) ។

សេចក្តី​រាយ​ការ​ឲ្យ​ដឹង​ថា ករណី​ធ្វើ​ឲ្យ​ខូចខាត​ដោយ​ចេតនា​(​យក​ដុំ​ថ្ម​គប់​កញ្ចក់​រថយន្ត​)​ខាងលើ​នេះ បាន​កើតឡើង កាល​ថ្ងៃ​ទី​០១ ខែមេសា ឆ្នាំ​២០២៤ ចំណុច​ដី​ឡូត៍ D៤១៩ តំបន់​អភិវឌ្ឍន៍​រុន​តា​ឯក ស្ថិត​ក្នុងភូមិ​តានី ឃុំ​រុន​តា​ឯក ស្រុក​បន្ទាយស្រី ខេត្តសៀមរាប ។ នៅ​ថ្ងៃខែ​ខាងលើ​ជន​រង​គ្រោះ​ឈ្មោះ ទឹម ណេ​ង ភេទ​ប្រុស អាយុ​២៩​ឆ្នាំ បាន​យក​រថយន្ត​ម៉ាក​ព្រូស ពណ៌​ប្រផេះ ពាក់​ស្លាក​លេខ ភ្នំពេញ ២AV-១ ៦៩៧ ទៅ​ចត​ចំហៀង​មុខ​ផ្ទះ​ខាងត្បូង លុះដល់​បន្តិច​ក្រោយមក​គេ​បានឃើញ​ជនសង្ស័យ​ពីរ​នាក់​ជិះ​ម៉ូតូ​ឆ្វែល​ចុះឡើង​ចំនួន​៨​ជុំ ដោយ​ឈ្មោះ អ៊ុ​ង វិសាល ហៅ​វៀត ជា​អ្នក​បើក​ម៉ូតូ ខណៈ​ពេល​ម្ចាស់​ចូល​ក្នុងផ្ទះ ជនសង្ស័យ​បាន​ធ្វើ​សកម្មភាព​យក​ដុំ​ថ្ម​គប់​រថយន្ត​របស់​ជន​រង​គ្រោះ​ពី​ខាងក្រោយ បណ្តាល​ឲ្យ​បែក​កញ្ចក់​ទាំងស្រុង ។

បន្ទាប់​ពី​គុប​កញ្ចក់​រថយន្ត​រួច​មក ជនសង្ស័យ​ក៏​នាំ​គ្នា​ជិះ​ម៉ូតូ​ទៅ​ដេក​នៅផ្ទះ​ជួល​ស្ថិត​នៅ​ភូមិ​ខ្វៀន សង្កាត់​គោក​ចក ក្រុង​. ខេត្តសៀមរាប​តែ​ម្តង ។ ពេល​ទទួល​បាន​ព័ត៌មាន​នោះ ភ្លាម​លោក​ឧត្តមសេនីយ៍ទោ ស្នងការ​នគរបាល​ខេត្ត បាន​សហការ​ជាមួយ​នគរបាល​ក្រុង​សៀមរាប​បាន​ចុះ​ទៅ​ដល់​ផ្ទះ​ជួល ដែល​ជនសង្ស័យ​កំពុង​ស្នាក់​នៅ​ទីនោះ ក៏​បាន​នាំ​ខ្លួន​ពួក​គេ​ទៅ​កាន់​អធិការដ្ឋាន​នគរបាល​ស្រុក​បន្ទាយស្រី ដើម្បី​ធ្វើការ​សាកសួរ​តាម​ជំនាញ ។

នៅ​ចំពោះ​មុខ​សមត្ថកិច្ច​ជនសង្ស័យ​ទាំង​ពីរ​នាក់​បាន​ឆ្លើយ​សារភាព​ថា ពួក​គេ​ពិតជា​បាន​ធ្វើ​សកម្មភាព​យក​ដុំ​ថ្ម​គប់​បំបែក​កញ្ចក់​រថយន្ត​របស់​ជន​រង​គ្រោះ​ប្រាកដ​មែន មូលហេតុ​ពួក​គេ​ខឹង​នឹង​ជន​រង​គ្រោះ ដែល​ជា​មេជាង​សំណង់​បើក​លុយ​ឲ្យ​មិន​គ្រប់ ។

ដោយ​យោង​ទៅ​លើ​ចម្លើយ​សារភាព ពាក់​ពន្ធ​បទល្មើស​ជាក់ស្តែង និង​តាម​បណ្តឹង​របស់​ជន​រង​គ្រោះ សមត្ថកិច្ច​បាន និង​កំពុង​ចាត់ការ​លើ​សំណុំរឿង​នេះ​តាម​នីតិវិធី ៕

ម្ចាស់ឡាន

អត្ថបទសរសេរ ដោយ

កែសម្រួលដោយ