រាជធានីភ្នំពេញ ៖ រថយន្តដឹកសិស្ស១គ្រឿង របស់សាលារៀនឯកជន(មីគីវ៉េ) បានបើកបរឆ្លងផ្លូវ ហើយបានជ្រុលទៅបុកម៉ូតូ១គ្រឿង ដែលជិះដោយសិស្សស្រី២នាក់ពេញទំហឹង បណ្តាលឱ្យពួកនាងរងរបួសធ្ងន់ធ្ងរ ទាំង២នសក់ និងត្រូវបានរថយន្តសង្គ្រោះអង្គភាព៧១១…
រាជធានីភ្នំពេញ ៖ រថយន្តដឹកសិស្ស១គ្រឿង របស់សាលារៀនឯកជន(មីគីវ៉េ) បានបើកបរឆ្លងផ្លូវ ហើយបានជ្រុលទៅបុកម៉ូតូ១គ្រឿង ដែលជិះដោយសិស្សស្រី២នាក់ពេញទំហឹង បណ្តាលឱ្យពួកនាងរងរបួសធ្ងន់ធ្ងរ ទាំង២នសក់ និងត្រូវបានរថយន្តសង្គ្រោះអង្គភាព៧១១ ដឹកបញ្ជូនទៅកន់មន្ទីរពេទ្យដើម្បីសង្គ្រោះបន្ទសន់ភ្លាមៗ ។
ឧប្បត្តិហេតុនេះបានកើតឡើង កាលពីវេលាម៉ោង១រសៀលថ្ងៃទី០១ ខែមេសា ឆ្នាំ២០២៤ នៅតាមផ្លូវជាតិលេខ៣ មុខបុរីពិភពថ្មីគម្រោងទី៣ ស្ថិតនៅក្នុងភូមិព្រៃកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
តាមប្រភពព័ត៌ បានប្រាប់ឱ្យដឹងថា នៅមុនពេលកើតហេតុ មានរថយន្តដឹកសិស្សសាលារៀនឯកជន (មីគីវ៉េ) ១គ្រឿង ម៉ាកអេសសាំយ៉ុង ពណ៍ស ពាក់ស្លាកលេខ ភ្នំពេញ 2T-1948 បើកបរធ្វើដំណើរក្នុងទិសដៅពីត្បូងទៅជើង។ លុះពេលទៅដល់ត្រង់ចំណុចកើតហេតុ រថយន្តនេះ បានបត់ឆ្វេងឆ្លងផ្លូវ ហើយក៏បានជ្រុលទៅបុកម៉ូតូម៉ូតូ១គ្រឿង ម៉ាកហុងដាឌ្រីម សេ១២៥ស៊េរី ឆ្នាំ២០២០ ពណ៍ខ្មៅ ពាក់ស្លាកលេខភ្នំពេញ1IJ-8077 ដែលជិះដោយសិស្សសាលាស្រី២នាក់ ក្នុងទិសដៅពីជើងទៅត្បូង ។
ប្រភពដដែល បានប្រាប់ឱ្យដឹងបន្តទៀតថា ខណៈនោះ បានបណ្តាលឱ្យម៉ូតូដួលច្រងាប់ច្រងិល ហើយសិស្សស្រី ដែលជាអ្នកជិះម៉ូតូទាំង២នាក់នោះរងរបួសធ្ងន់ ម៉ូតូនិងរថយន្តរងការខូចខាតដូចគ្នា។ បន្ទាប់មក ក្រុមសង្គ្រោះអង្គភាព៧១១ បានដឹកបញ្ជូនជនរងគ្រោះទៅកាន់មន្ទីរពេទ្យ ដើម្បីសង្គ្រោះបន្ទាន់។ ចំណែកនគរបាលខណ្ឌកំបូល បានចុះទៅធ្វើការវាស់វែង រួចនាំយករថយន្ត និងម៉ូតូទៅរក្សារទុកនៅអធិការដ្ឋានខណ្ឌកំបូល រង់ចាំការដោះស្រាយនៅពេលក្រោយ ៕
ចែករំលែកព័តមាននេះ