ខេត្តកំពង់ឆ្នាំង ៖ ប្រជាសហគមន៍ក៏ដូចជាប្រជាពលរដ្ឋនៅឃុំទឹករហូត ស្រុករលាប្អៀរ បានអំពាវនាវដល់អាជ្ញាធរខេត្ត ក៏ដូចជាក្រសួងពាក់ព័ន្ធ មេត្តាជួយអន្តរាគមន៍រកប្រភពទឹកជួយសង្គ្រោះមេពូជត្រីនៅបឹងរនាបសែន ដែលគ្រប់គ្រងដោយសហគមន៍គោកស្ដៅ កំពុងមានបញ្ហាប្រឈមនិងការអស់ទឹកធ្វើឲ្យមេពូត្រីងាប់បន្ថែមទៀត ។
លោក មាស សុវណ្ណ ប្រធានសហគមន៍នេសាទគោកស្ដៅបានឲ្យដឹង នៅរសៀលថ្ងៃទី២៩ មីនា ថាបឹងអភិរក្សមេពូជត្រីរបស់សហគមន៍គោកស្ដៅមានសារសំខាន់ខ្លាំងណាស់ គឺបានផ្តល់ទឹកដល់ប្រជាពលរដ្ឋអាស្រ័យផល ពិសេស អភិរក្សនូវមេពូត្រីកម្រកុំឲ្យផុតពូជ និងមួយផ្នែកទៀតសម្រាប់ជីវភាពរស់នៅក្នុងសហគមន៍ ជាអ្ននេសាទជាលក្ខណៈ គ្រួសារទៅតាមច្បាប់ស្ដីពីជល់ផល។
លោកប្រធានសហគមន៍នេសាទគោកស្ដៅបានបន្ថែមថា កន្លែងអភិវៈពូជត្រីខាងលើ មានត្រីចម្រុះដូចជាត្រីឆ្ពិន ត្រីសណ្តាយ ត្រីក្អី ត្រីក្រាយ ត្រីចង្កែង និងត្រីចម្រុះជាច្រើនប្រភេទទៀត ដែលកំពុងតែរស់នៅបាតបឹង មានទឹកតិចតួចបំផុត ហើយបច្ចុប្បន្នដោយសារតែជួបគ្រោះរាំងស្ងួត ធ្វើឲ្យត្រីមានការងាប់ជាបន្តបន្ទាប់ជារៀងរាល់ថ្ងៃ។
ហេតុដូច្នេះហើយ ពួកគាត់សំណូមពរដល់ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងព្រមទាំងមន្ទីរពាក់ព័ន្ធទាំងអស់មេត្តាជួយអន្តរាគមន៍រកប្រភពទឹកដើម្បីជួយសង្គ្រោះដល់មេពូជត្រីទាំងនោះ ។
ចែករំលែកព័តមាននេះ