ខេត្តស្វាយរៀង ៖ មានក្រុមឈ្មួញជនជាតិវៀតណាមដើរប្រមូលទិញឈើហ៊ុបដើមចន្ទគិរី និងដើមអាកាស្យាធំៗនាំចេញទៅប្រទេសវៀតណាមយ៉ាងរលូន ដោយមិនឃើញមានសមត្ថកិច្ចណាមករំខានឡើយ ។ បើតាមសមត្ថកិច្ចម្នាក់សុំមិនបញ្ចេញឈ្មោះបានប្រាប់អ្នកសារព័ត៌មានយើងថា ករណីឈ្មួញវៀតណាម ដើរប្រមូលទិញឈើដូចជាចន្ទគិរី និងដើមអាកាស្យាធំៗពីប្រជាពលរដ្ឋតាមបណ្តាស្រុកនិងខេត្តនានា…
ខេត្តស្វាយរៀង ៖ មានក្រុមឈ្មួញជនជាតិវៀតណាមដើរប្រមូលទិញឈើហ៊ុបដើមចន្ទគិរី និងដើមអាកាស្យាធំៗនាំចេញទៅប្រទេសវៀតណាមយ៉ាងរលូន ដោយមិនឃើញមានសមត្ថកិច្ចណាមករំខានឡើយ ។
បើតាមសមត្ថកិច្ចម្នាក់សុំមិនបញ្ចេញឈ្មោះបានប្រាប់អ្នកសារព័ត៌មានយើងថា ករណីឈ្មួញវៀតណាម ដើរប្រមូលទិញឈើដូចជាចន្ទគិរី និងដើមអាកាស្យាធំៗពីប្រជាពលរដ្ឋតាមបណ្តាស្រុកនិងខេត្តនានា មកទម្លាក់សាងរថយន្តនៅចំណុចភូមិឬស្សីព្រៃ ឃុំកំពង់ចំឡង ស្រុកស្វាយជ្រំ គឺច្រើនជើងមកហើយក្នុងខែមីនានេះ ។
តាមប្រភពបន្តថា នៅវេលាម៉ោង០៥ទៀបភ្លឺ ថ្ងៃទី២៨ មីនា ២០២៤ មានរថយន្ត១គ្រឿងម៉ាកហ៊ីយ៉ាន់ដាយ ប្រភេទវ៉េអង ពណ៌.ស ពាក់ស្លាកលេខកំពង់ចាម3B-1408 និងស្លាកលេខរ៉ឺម៉កភ្នំពេញ3F-6082បានដឹកឈើហ៊ុបដើមចន្ទគិរី មុខកាត់២ម៉ែត្រ ១ម៉ែត្រកន្លះ ជាច្រើនកំណាត់ មានប្រវែង២ម៉ែត្រ៤ម៉ែត្រ និងកាត់ជាដុំ កម្រាស់២តឹក មកទម្លាក់ទុកនៅក្នុងភូមិប្ញស្សីព្រៃ ដោយមានម្ចាស់ឈើ ឈ្មោះឡឹម ភេទប្រុស អាយុ៤៤ឆ្នាំ ជាជនជាតិវៀតណាម មានទីលំនៅខេត្តឡុងអានប្រទេសវៀត
ណាម ។
ក្រោយពីមានសមត្ថកិច្ចសាកសួរ និងមានអ្នកសារព័ត៌មានមកសម្ភាសន៍ឡាយរួចនៅវេលាម៉ោង៤ល្ងាចក៏យករថយន្តស្ទូចមកស្ទូចដាក់លើរថយន្តធុនធំចំនួន០២គ្រឿងដឹកចេញទៅប្រទេសវៀតណាមនៅវេលាម៉ោង៦និង៣០នាទីយប់ថ្ងៃដដែល ចេញឆ្ពោះទៅទឹសខាងលិចបាត់ស្រមោល ។
ប្រជាពលរដ្ឋម្នាក់បានបង្ហើបឲ្យដឹងថា គាត់ឃើញដឹកចេញតាមច្រករបៀងក្រសាំងជ្រំ ភូមិក្រសាំងជ្រំឃុំក្រួសស្រុកស្វាយជ្រំ ។
ទាក់ទិនករណីនេះដែរ សមត្ថកិច្ចឈជើងនៅប៉ុស្តិ៍ច្រកទ្វាព្រំដែនក្រសាំងជ្រំបានបដិសេធន៍ថា គ្មានឃើញរថយន្តដឹកឈើមកតាមប៉ុស្តិ៍ច្រកទ្វារព្រំដែនក្រសាំងជ្រំទេ បើមានក៏មិនអនុញ្ញាតឲ្យនាំឈើចេញដែរ ទោះបីឈើក្នុងស្រុកដើមអាកាស្យា ឬដើមចន្ទគិរីក៏ដោយ ។
ចំណែកមហាជនដាក់ចម្ងល់ថា បើមិនដឹកឆ្លងដែនទៅប្រទេសវៀតណាម តាមផ្លូវគោក តើគេដឹកទៅតាមផ្លូវណា ឬក៏ជនជាតិវៀតណាមនេះយករថយន្តទៅពួនសំងំនៅកន្លែងណាសិន កុំឲ្យអ្នកសារព័ត៌មានតាមប្រមាញ់?។
មហាជនបានលើកឡើងទៀតថា ចុះអាប៉ុន្មានជើងមុន គេដឹកឆ្លងដែនតាមណាបានជាបាត់ឈឹង ប្រហែលចេះកំបាំងកាយមើលទៅ ហេ ហេ! ៕
ចែករំលែកព័តមាននេះ