ADផ្ទាំងផ្សព្វផ្សាយពាណិជ្ជកម្ម

Picture

បុគ្គលិកចែកចាយថ្នាំលាបម្នាក់ ត្រូវ​បញ្ជូន​ទៅតុលា​​ការករណីកឹបកេងប្រាក់ក្រុមហ៊ុនប្រមាណជាង​​៧ម៉ឺនដុល្លារ

1 ខែ មុន
  • ភ្នំពេញ

រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីព្រឹកថ្ងៃទី២៨

0:00
0:00

រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ កាលពីព្រឹកថ្ងៃទី២៨ ខែមីនា ឆ្នាំ២០២៤ បាននាំខ្លួនបុគ្គលិកផ្នែកចែកចាយថ្នាំលាបប្រចាំតំបន់ម្នាក់ ទៅតុលាការ ពាក់ព័ន្ធករណីកឹបកេងប្រាក់ក្រុមប្រមាណជាង៧ម៉ឺនដុល្លារអាមេរិក ក្រោមរូបភាពប្រមូលប្រាក់ពីអតិ​ថិ​ជន​រួចហើយ មិនបានបង់ឱ្យក្រុមហ៊ុនទេ ទុកប្រើប្រាស់ជាប្រយោជន៍ផ្ទាល់ខ្លួន ។

ជនសង្ស័យឈ្មោះ ម៉េង កោសា ភេទប្រុស អាយុ៣៩ឆ្នាំ មុខរបរ បុគ្គលិកផ្នែកលក់ដូរ ក្រុមហ៊ុន ភីខុក​ផេនថ៍ មានទីលំនៅផ្ទះគ្មានលេខ ផ្លូវលំ ភូមិថ្មី ឃុំរវាង ស្រុកសំរោង ខេត្តតាកែវ ។

អង្គហេតុនៃនាំខ្លួនជនសង្ស័យទៅតុលាការ សមត្ថកិច្ចបានធ្វើឡើងតាមពាក្យបណ្ដឹងរបស់ភាគីខាងក្រុមហ៊ុន ដែលបានចោទប្រកាន់ពីបទ កិបកេងប្រាក់ក្រុមហ៊ុនចំនួន៧៩.៦៨០​ដុល្លារអាមេរិក ។ ដោយជនស​ង្ស័យបានចូលបម្រើការងារ ជាបុគ្គលិកក្រុមហ៊ុនតាំងពីខែមេសា ឆ្នាំ២០១៧ ផ្នែកលក់ ប្រចាំតំបន់បី មានខេត្តកំពង់ស្ពឺ ខេត្តបាត់​ដំបង ខេត្តកំពង់ឆ្នាំង​ ខេត្តពោធិសាត់ នឹងខេត្តបន្ទាយ​មានជ័យ ជនសង្ស័យមានភារកិច្ចយកថ្នាំលាបគ្រប់ប្រភេទរបស់ក្រុមហ៊ុន​ទៅលក់ឱ្យអតិថិ​ជន និងប្រមូលប្រាក់ពីអតិថិជនយកមកប្រគល់ឱ្យក្រុមហ៊ុន ដែលទទួលបានប្រាក់ខែចំនួន​៤២០​ដុល្លារ​អាមេរិកក្នុង១ខែ ។

ចាប់តាំងពីឆ្នាំ២០១៩ រហូតដល់ខែវិច្ឆិកា ឆ្នាំ២០២៣ បំណុលរបស់អតិថិជនបានទិញថ្នាំលាបគ្រប់ប្រភេទ ក្រោមការគ្រប់គ្រងរបស់ឈ្មោះ ម៉េង កោសា មានការកើនឡើងដូច្នោះក្រុមហ៊ុនមានការសង្ស័យ ក៏បានធ្វើការត្រួតពិនិត្យបញ្ជីរបស់ឈ្មោះ ម៉េង កោសា លទ្ធផលអតិថិជនគេបានបង់រួចរាល់ហើយសរុបទឹកប្រាក់៧៩.៦៨០​ដុល្លារអាមេរិក ។

តែជាក់ស្តែងឈ្មោះ ម៉េង កោសា មិនបានយកប្រាក់ទាំងអស់ទៅបង់ឱ្យក្រុម ហ៊ុនទេ ពោលគឺជនសង្ស័យរូបនេះមានគំនិតទុច្ចរិត បានកឹបកេងប្រាក់ក្រុមហ៊ុន យកទៅបម្រើប្រយោជន៍ផ្ទាល់ខ្លួន ។

កន្លងមក ភាគីខាងក្រុមហ៊ុនក៏បានឱ្យឈ្មោះ ម៉េង កោសា ធ្វើកិច្ចសន្យាសងប្រាក់ជាបន្តបន្ទាប់នោះដែរ តែមួយរយៈចុងក្រោយនេះសេដ្ឋកិច្ចពិភពលោក បានធ្វើឱ្យប៉ះពាល់ដល់មុខរបរអ្នករកស៊ី ជនសង្ស័យពុំមានលទ្ធភាពរកប្រាក់សងក្រុមហ៊ុនតាមកិច្ចសន្យានោះឡើយ ទើបក្រុមហ៊ុនប្តឹងទៅសមត្ថកិច្ចឱ្យអនុវត្តតាមផ្លូវច្បាប់ ៕

អត្ថបទសរសេរ ដោយ

កែសម្រួលដោយ