ខេត្ត​បន្ទាយមានជ័យ ៖ ម៉ូតូកងបីបុ.កជាមួយម៉ូតូមួយគ្រឿងម៉ាកហុងដា យ៉ាង​ពេញទំហឹង បណ្តាលឱ្យ​ឆាបឆេះម៉ូតូទាំង​២​គ្រឿង និងរបួសធ្ងន់២នាក់ ដែលហេតុការណ៍នេះ​បាន​កើតឡើងនៅយប់ថ្ងៃទី២៧ ខែមីនា ឆ្នាំ២០២៤ នៅចំណុចផ្លូវកែងមុខវត្តម៉ាឡៃ ស្ថិតភូមិភូមិម៉ាឡៃ ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ។

អ្នកឃើញហេតុការណ៍បានបញ្ជាក់ថា ​មុនពេលកើតហេតុ មានម៉ូតូកង់បី​១គ្រឿងបានបើកបរក្នុង​ទិសដៅពីកើតមកលិច និងម៉ូតូហុងដាឌ្រីមបើកបរ​ក្នុងទិសដៅពីត្បូង ហើយបត់ផ្លូវកែ​ងទៅកើតក៏​បានបុ.កគ្នាយ៉ាង​ពេញទំហឹងលាន់​សូរផាំង បណ្តាលឱ្យ​ឆាបឆេះទាំង២គ្រឿង និងរបួសធ្ងន់២នាក់មានស្រី១នាក់ និងបុរស១នាក់ ត្រូវអ្នកជិតខាងទាញចេញអណ្តាតភ្លើងកំពុងឆាបឆេះត្រូវបានសង្គ្រោះទៅកាន់មន្ទីពេទ្យបង្អែកស្រុកម៉ាឡៃភ្លាមៗ។

នៅពេលគ្រោះថ្នាក់ចរាចរណ៍កើតឡើងបង្កឱ្យ​ឆាបឆេះម៉ូតូ២គ្រឿង និងមនុស្ស២នាក់របួសនិងឆេះភ្លើងត្រូវបានអូសទាញចេញពីអណ្តាតភ្លើងហើយបាននាំគ្នាយកទាំងជះ និងបាញ់ពន្លត់ដែរ តែមិនរលត់ដោយឆាបឆេះយ៉ាងពេញទំហឹង បណ្តាលឱ្យ​ឆេះម៉ូតូ២គ្រឿងអស់ទាំងស្រុង។

មន្ត្រីនគរបាលចរាចរណ៍ស្រុកម៉ាឡៃបានបញ្ជាក់ថា មូលហេតុគ្រោះថ្នាក់ចរាចរណ៍បង្កអោយឆាបឆេះម៉ូតូ២គ្រឿងមានម៉ូតូហុងដាឌ្រីម១គ្រឿងនិងម៉ូតូវ៉េវជាប់កង់បី១គ្រឿងបានបើកបរទិសដៅបញ្ច្រាស់ទិសគ្នាបានបុកគ្នាពេញទំហឹង បណ្តាលឱ្យ​មានការឆាបឆេះអស់ម៉ូតូ២គ្រឿង និងមានរបួសធ្ងន់២នាក់ ស្រី១នាក់ និងបុរស១នាក់ ត្រូវបានសង្គ្រោះបន្ទាន់ទៅកាន់មន្ទីពេទ្យបង្អែកស្រុកម៉ាឡៃដែលស្គាល់អ្នករស់នៅស្រុកម៉ាឡៃ ៕