ADផ្ទាំងផ្សព្វផ្សាយពាណិជ្ជកម្ម

Picture

ញាក់សាច់ហើយ ឡានឆ្លងផ្លូវ រថភ្លើងក៏មកដល់​

3 អាទិត្យ មុន
  • បន្ទាយមានជ័យ

ខេត្ត​បន្ទាយ​មាន​ជ័យ ​៖ ​មាន​ករណី​រថភ្លើង​បុកជាមួយ​​រថយន្ត​ធ្លាក់​ផ្លូវ ​បណ្តាលឱ្យ​ស្ត្រី​២​នាក់​សន្លប់​ក្នុង​រថយន្ត​​ព្រោះ​ភ័យ​ខ្លាំងពេក ហើយ​​ត្រូវ​បានដឹកទៅ​​សង្គ្រោះ​នៅមន្ទីរពេទ្យ ដែលហេតុការណ៍នេះ​កើតឡើងនៅ​​ថ្ងៃ​ទី​២៥ ខែមីនា ឆ្នាំ​២០២៤ ​ស្ថិតក្នុង​ភូមិ​ស្ទឹង​ប់ សង្កាត់​ផ្សារ​កណ្តាល…

ខេត្ត​បន្ទាយ​មាន​ជ័យ ​៖ ​មាន​ករណី​រថភ្លើង​បុកជាមួយ​​រថយន្ត​ធ្លាក់​ផ្លូវ ​បណ្តាលឱ្យ​ស្ត្រី​២​នាក់​សន្លប់​ក្នុង​រថយន្ត​​ព្រោះ​ភ័យ​ខ្លាំងពេក ហើយ​​ត្រូវ​បានដឹកទៅ​​សង្គ្រោះ​នៅមន្ទីរពេទ្យ ដែលហេតុការណ៍នេះ​កើតឡើងនៅ​​ថ្ងៃ​ទី​២៥ ខែមីនា ឆ្នាំ​២០២៤ ​ស្ថិតក្នុង​ភូមិ​ស្ទឹង​ប់ សង្កាត់​ផ្សារ​កណ្តាល ក្រុង​ប៉ោយ​ប៉ែ​ត​ ។

នាយ​ប៉ុស្តិ៍​នគរបាល​សង្កាត់​រដ្ឋបាល​ផ្សារ​កណ្តាល​ប្រាប់​ថា​ ​ស្ត្រី​ទាំង២​​នាក់​ដែល​សន្លប់​ ១-​ឈ្មោះ ព្រំ ច​ន្តា អាយុ​៥៨​ឆ្នាំ ២ -​ឈ្មោះ ធូ សុ​ជាតិ អាយុ​៦៥​ឆ្នាំ​ រស់នៅ​ភូមិ​ប្រជា​ធម្ម​កើត សង្កាត់​អូរ​ឫស្សី ក្រុង​ប៉ោយ​ប៉ែ​ត​ ។

នាយ​ប៉ុស្តិ៍​បញ្ជាក់​ថា​ ​នៅ​ពេល​គ្រោះថ្នាក់​កើតឡើង​ មាន​រថយន្ត​ម៉ាក​លុ​ច​ស៊ី​ស​GS-300 ​ពណ៌​ខ្មៅ​បាន​បើកបរ​ចេញពី​ផ្លូវជាតិ​លេខ​៥​ បំបែក​ទៅ​ខាងឆ្វេង​ដៃ​ ខាងត្បូង​ ។ ចំណែក​​រថភ្លើង​មាន​ទិស​ដៅ​ពី​លិច​មក​កើត​ ក៏​បាន​បុក​​​ចំហៀង​ខាងស្តាំ​ បណ្តាល​ធ្លាក់​ខាងជើង​ផ្លូវដែក ​។

នាយ​ប៉ុស្តិ៍​បញ្ជាក់​ថា​ ចំពោះ​មូលហេតុ​គ្រោះថ្នាក់​រថភ្លើង​និងរថយន្ត ​គឺ​បណ្តាលមកពីអ្នកបើកបរ​រថយន្ត​ឆ្លងផ្លូវ​មិន​បាន​មើល​ឆ្វេង​ស្តាំ​ ទើប​រថភ្លើង​បុកតែម្តង ។ សំណាង​ល្អហើយ ដែល​គ្មានមនុស្ស​​របួស​ តែ​ភ័យ​រហូត​ដល់​សន្លប់​ទាំង​២​នាក់​ ។ រីឯ​រថយន្ត​មានការ​ខូចខាត​មួយ​ចំហៀង​ខាងស្តាំ ។

​​ពេល​នេះ​កំពុង​សង្គ្រោះ​ជន​រង​គ្រោះ​២​នាក់​ក្នុង​រថយន្ត​ដែល​ភ័យ​រហូត​ដល់​សន្លប់​ទៅ​កាន់​មន្ទី​ពេទ្យ​បង្អែក​ក្រុង​ប៉ោយ​ប៉ែ​ត និង​រក​រថយន្ត​សន្ទូច​យក​រថយន្ត​ឡើង​លើ​ផ្លូវ​យក​ទៅ​ជួសជុល​ឡើង​វិញ​ ។

អត្ថបទសរសេរ ដោយ