ខេត្តស្វាយរៀង ៖ មានករណីគ្រោះថ្នាក់ចរាចរណ៍ជាបន្តបន្ទាប់ បង្កឲ្យមនុស្សរងរបួសធ្ងន់០៤នាក់ស្រាល២នាក់ ខូចខាតម៉ូតូ០៣គ្រឿងរថយន្ត០៣គ្រឿង។ ករណីទី១-កើតឡើងនៅវេលាម៉ោង០៤និង០៥នាទីព្រឹកថ្ងៃទី២២ ខែមីនា ឆ្នាំ២០២៤ រវាងរថយន្ត និងម៉ូតូសណ្តោងរ៉ឺម៉ក…
ខេត្តស្វាយរៀង ៖ មានករណីគ្រោះថ្នាក់ចរាចរណ៍ជាបន្តបន្ទាប់ បង្កឲ្យមនុស្សរងរបួសធ្ងន់០៤នាក់ស្រាល២នាក់ ខូចខាតម៉ូតូ០៣គ្រឿងរថយន្ត០៣គ្រឿង។
ករណីទី១-កើតឡើងនៅវេលាម៉ោង០៤និង០៥នាទីព្រឹកថ្ងៃទី២២ ខែមីនា ឆ្នាំ២០២៤ រវាងរថយន្ត និងម៉ូតូសណ្តោងរ៉ឺម៉ក នៅលើកំណាត់ផ្លូវជាតិលេខ០១ ត្រង់ចំណុចKm ១៣១/១៣២ ស្ថិតក្នុងភូមិ ស្វាយតឿ សង្កាត់ ស្វាយតឿ ក្រុងស្វាយរៀង ខេត្តស្វាយរៀងបណ្តាលឲ្យមនុស្ស០៤នាក់ឪពុកម្តាយនិងកូនតូច២នាក់រងបួសធ្ងន់សន្លប់ស្តូកស្តឹងគួរឲ្យសង្វេក។
បើតាមសមត្ថកិច្ចបានឲ្យដឹងថា រថយន្តបង្កមិនស្គាល់ម៉ាក្ស អ្នកបើកបរមិនស្គាល់អត្តសញ្ញាណ បើកបុកម៉ូតូជនរងគ្រោះហើយបានបើករត់គេចពីកន្លែងកើតហេតុ បើកបរពីលិចទៅកើតបាត់ស្រម៉ោល។ ចំណែក ជនរងគ្រោះបើកម៉ូតូសណ្ដោងរុឺម៉កម៉ាក្ស City ពណ៌ ក្រហម គ្មានផ្លាកលេខ បើកបរដោយឈ្មោះ ឈៀ ឆយ ភេទ ប្រុស អាយុ ៤០ ឆ្នាំ មុខរបរ កម្មករ រស់នៅភូមិ ព្រៃសង្គម ឃុំ ច្រេស ស្រុកមេសាង ខេត្តព្រៃវែង បើកបរពីលិចទៅកើត មិនពាក់មួកសុវត្ថិភាព រងរបួសស្រាល ( រហែកកែងជើងឆ្វេង , រលាត់ដៃឆ្វេង ) ម៉ូតូសណ្ដោងរុឺម៉កខូចខាតស្រាល។
រីឯអ្នករួមដំណើរឈ្មោះ ហឿន នឿ ភេទ ស្រី អាយុ ៤១ មុខរបរ កម្មករជាប្រពន្ធ រស់នៅភូមិ/ឃុំជាមួយគ្នា រងរបួសធ្ងន់ ( បាក់ជើងឆ្វេង , បែកមុខខាងឆ្វេងសន្លប់ )។ កូន ឈ្មោះមឆយ ចរិយា ភេទ ស្រី អាយុ ០៧ ឆ្នាំ រស់នៅភូមិ/ឃុំជាមួយគ្នា រងរបួសធ្ងន់សន្លប់ ( បែកក្បាល , បែកមាត់។ កូនឈ្មោះ អឿន វីរះយុទ្ធ ភេទ ប្រុស អាយុ ០៣ ឆ្នាំ រស់នៅភូមិ/ឃុំជាមួយគ្នា រងរបួសធ្ងន់ ( បែកក្បាលខាងក្រោយសន្លប់នៅនិងកន្លែង ) ។
ប្រភពបន្តថា បន្ទាប់ពីធ្វើការវាស់វែងសមត្ថកិច្ចបានហៅរថយន្តសាមុយដឹកជនរងគ្រោះទៅសម្រាកព្យាបាលនៅមន្ទីរពេទ្យខេត្តស្វាយរៀង។ចំណែកមធ្យោបាយរក្សាទុកនៅអធិការក្រុងស្វាយរៀង។ មូលហេតុ អ្នកបើកបររថយន្តបុកម៉ូតូសណ្ដោងរ៉ឺម៉កពីក្រោយដោយម៉ូតូរ៉ឺម៉កគ្មានភ្លើងពីក្រោយ។
ករណីទី២ កើតឡើងនៅវេលាម៉ោង៨ និង៤៦នាទីព្រឹកថ្ងៃទី២២ មីនា រថយន្តដឹកកម្មករពាក់ស្លាកលេខភ្នំពេញ3A-8425 បើកចេញពីរោងចក្រ មកដល់ផ្លូវជាតិលេខ១ស្រាប់តែដាច់ហ្វ្រាំង ក៏បុកជាមួយរថយន្ត១គ្រឿងម៉ាក្សលិចស៊ិសRX330កំពុងបើកបរនៅលើផ្លូវជាតិលេខ១ពីលិចទៅកើតចំ ចំហៀងខាងក្រោយខូចខាតស្រាល ហើយក៏ជ្រុលល្បឿនឆ្លងថ្នល់ទៅបុកចូលផ្ទះអ្នកស្រុកបុករះម៉ូតូធំ១គ្រឿងបណ្តាលឲ្យដួលដាច់ប្រអប់ជើងអ្នកបើកម៉ូតូរបួសធ្ងន់ ហើយបុករាន្តទេវតាទើបទៅមុខលែងរួច។
ករណីទី៣ កើតឡើងនៅវេលាម៉ោង៦និង៣២នាទីព្រឹក នៅលើកំណាត់ផ្លូវជាតិលេខ១ត្រង់ចំណុចគល់ស្ពានទន្លៀងទី២ ស្ថិតនៅភូមិទន្លៀងឃុំរមាំងថ្កោលស្រុកស្វាយទាបរវាងម៉ូតូនិងម៉ូតូបង្កឲ្យមនុស្សរងរបួសស្រាលទាំងសងខាងចំនួន២នាក់។
ករណីទី៤ នៅវេលាម៉ោង១០និង៣០នាទីយប់ថ្ងៃទី២១មិនា រថយន្តម៉ាក្សតូយ៉ូតា ហាយព្រីតពាក់ស្លាកលេខភ្នំពេញ2I -7177ទំនងស្រវឹងហើយងងុយដេករេចង្កូតធ្លាក់ផ្លូវបុកចូលផ្ទះអ្នកស្រុកក៏ប៉ុន្តែសំណាងល្អមិនបង្កឲ្យមានគ្រោះថ្នាក់ដល់មនុស្សទេដោយបុកចំបង្គោលថ្ម និងខ្ទមរានទេវតា ទើបអស់ល្បឿនទៅមុខលែងរួច។សមត្ថកិច្ចធ្វ់ការសន្និដ្ឋានថា មូលហេតុបើកបរខ្វះការប្រុងប្រយត្ន័ ៕
ចែករំលែកព័តមាននេះ