ចុះប្រមូលសំណាកយកទៅពិនិត្យ ក្រោយ១គ្រួសារ សង្ស័យពុ.លសាច់ជ្រូកព្រៃ ស្លា.ប់២នាក់ប្តីប្រពន្ធ
- មណ្ឌលគិរី
ខេត្តមណ្ឌលគិរី ៖ ក្រោយកើតមានហេតុការណ៍ជនរងគ្រោះមួយគ្រួសារ សង្ស័យពុលសាច់ជ្រូកព្រៃ
ខេត្តមណ្ឌលគិរី ៖ ក្រោយកើតមានហេតុការណ៍ជនរងគ្រោះមួយគ្រួសារ សង្ស័យពុលសាច់ជ្រូកព្រៃ
ខេត្តមណ្ឌលគិរី ៖ ក្រោយកើតមានហេតុការណ៍ជនរងគ្រោះមួយគ្រួសារ សង្ស័យពុលសាច់ជ្រូកព្រៃ បណ្តាលឱ្យស្លា.ប់២នាក់ប្ដីប្រពន្ឋ ហើយកូនៗចំនួនពីរនាក់ និងសាច់ញាតិម្នាក់ទៀតកំពុងសម្រាកព្យាបាលនៅមន្ទីរពេទ្យ កាលពីថ្ងៃទី១៩ មីនា ២០២៤ កន្លងទៅ ត្រូវបានមន្ត្រីជំនាញនៃមន្ទីរសុខាភិបាល និងមន្ទីរកសិកម្ម រុក្ខាប្រមាញ់ និងនេសាទ ចុះពិនិត្យនិងប្រមូលសំណាកនៅទីតាំងកើតហេតុយកទៅពិនិត្យ ។ គួររំលឹកថា អ្នកស្រុកកោះញែក ពុលស្លា.ប់២នាក់ កំពុងសង្គ្រោះ៣នាក់ ក្រោយទទួលទានសាច់ជ្រូកព្រៃ
តាមមន្ត្រីជំនាញនៃមន្ទីរសុខាភិបាល និងមន្ទីរកសិកម្ម រុក្ខាប្រមាញ់ និងនេសាទខេត្តមណ្ឌលគិរី បានឱ្យដឹងថា នាព្រឹកថ្ងៃទី ២២ មីនា ២០២៤ ថា បន្ទាប់ពីចុះពិនិត្យស្រាវជ្រាវនៅទីតាំងកើតហេតុ ក្រៅពីសាច់ជ្រូកប្រឡាក់សេសសល់ គេបានប្រទះឃើញមានសត្វមាន់ជាង២០ក្បាលដែលគ្រួសាររងគ្រោះចិញ្ចឹមងា.ប់ផងដែរ។ ដូច្នេះមន្ត្រីជំនាញមិនទាន់អាចបញ្ជាក់១០០%ថា ករណីដែលគ្រួសារខាងលើពុលរហូត បណ្ដាលឱ្យមានមនុស្សស្លាប់ គឺបណ្ដាលមកពីពុលសាច់ជ្រូកព្រៃឡើយ។
មន្ត្រីជំនាញបន្ថែម«ចំពោះលទ្ធផលបែបណានោះ គឺកំពុងរង់ចាំការបញ្ជូនរបាយការណ៍ពីមន្ទីរពិសោធន៍មកវិញសិន ទើបអាចបញ្ជាក់ព័ត៌មានលម្អិត»។
សូមបញ្ជាក់ កាលពីថ្ងៃទី ១៩ ខែមីនា ឆ្នាំ២០២៤ កម្លាំងប៉ុស្តិ៍ស្រែហ៊ុយ បានទទួលព័ត៌មានថា មានប្រជាពលរដ្ឋពុលសាច់ជ្រូកព្រៃ (សាច់ផ្អកជូរ) ចំនួន៥នាក់ បានស្លាប់ចំនួន២នាក់ មានទីលំនៅ ភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី និងចំនួន៣នាក់ផ្សេងទៀតកំពុងសម្រាកព្យាបាល នៅមន្ទីរពេទ្យបង្អែកខេត្ត ៕
ចែករំលែកព័តមាននេះ