ADផ្ទាំងផ្សព្វផ្សាយពាណិជ្ជកម្ម

Picture

រកឃើញសត្វប្រភេទថ្មីអាចជាកំណត់ត្រាថ្មីសម្រាប់កម្ពុជា និងពិភពលោក

3 អាទិត្យ មុន
  • ភ្នំពេញ

រាជធានី​ភ្នំពេញ ៖ ក្រុម​អ្នក​ស្រាវជ្រាវ​បាន​រក​ឃើញ​ប្រភេទ​ឧរង្គសត្វ និង​ថលជលិក​សត្វ និង​សង្ស័យ​ថា អាច​ជា​ប្រភេទ​ថ្មី ឬ​ជា​កំណត់​ត្រា​ថ្មី​សម្រាប់​កម្ពុជា និង​សកលលោក​នៅ​ក្នុង​ខេត្តបាត់ដំបង ។ ក្រុម​អ្នក​ស្រាវជ្រាវ​នៃ​ក្រសួងបរិស្ថាន​បាន​រក​ឃើញ…

រាជធានី​ភ្នំពេញ ៖ ក្រុម​អ្នក​ស្រាវជ្រាវ​បាន​រក​ឃើញ​ប្រភេទ​ឧរង្គសត្វ និង​ថលជលិក​សត្វ និង​សង្ស័យ​ថា អាច​ជា​ប្រភេទ​ថ្មី ឬ​ជា​កំណត់​ត្រា​ថ្មី​សម្រាប់​កម្ពុជា និង​សកលលោក​នៅ​ក្នុង​ខេត្តបាត់ដំបង ។

ក្រុម​អ្នក​ស្រាវជ្រាវ​នៃ​ក្រសួងបរិស្ថាន​បាន​រក​ឃើញ និង​ប្រមូល​បាន​នូវ​ប្រភេទ​ឧរង្គសត្វ និង​ថលជលិក​សត្វ​មួយ​ចំនួន​គួរ​ជាទី​ចាប់អារម្មណ៍​សម្រាប់​វិទ្យាសាស្ត្រ​នៅ​តំបន់​ភ្នំ​ថ្មកំបោរ ក្នុងភូមិ​សាស្ត្រ​ស្រុក​បាណ​ន់ ខេត្តបាត់ដំបង ។ ក្នុង​នោះ​ប្រភេទ​មួយ​ចំនួន​ត្រូវ​បាន​អ្នកជំនាញ​សង្ស័យ​ថា អាច​ជា​ប្រភេទ​ថ្មី ឬ​ជា​កំណត់​ត្រា​ថ្មី​សម្រាប់​សកលលោក និង​កម្ពុជា​ផង​ដែរ ។

ការ​អះអាង​នឹង​ត្រូវ​បញ្ជាក់​បន្ថែម​តាម​រយៈ​ការ​វិភាគ​ធនធាន​ពិ​ន្ធុ​របស់​សំណាក​ប្រភេទ​ជីវៈចម្រុះ​ទាំងនោះ ក្រោយ​ពេល​ការ​សិក្សា និង​ប្រមូល​ទិន្នន័យ​នៅ​តាម​ទីវាល​ត្រូវ​បាន​បញ្ចប់ ។

ទិន្នន័យ​ជីវៈចម្រុះ​ថ្មី ដែល​បាន​ពី​ការ​សិក្សា​ពេល​នេះ ជា​ព័ត៌មាន​គ្រឹះ​យ៉ាង​សំខាន់​សម្រាប់​គាំទ្រ ដល់​ការ​អភិរក្ស​ជីវៈចម្រុះ និង​ការ​រៀបចំ​ផែនការ​គ្រប់គ្រង និង​អភិរក្ស​តំបន់​ភ្នំ​ថ្មកំបោរ​ទាំងនោះ​នៅ​ថ្ងៃ​អនាគត ។

សូម​បញ្ជាក់​ថា ចាប់ពី​ថ្ងៃ​ទី​១៩ ខែមីនា ឆ្នាំ​២០២៤ កន្លង​មកនេះ នាយកដ្ឋាន​ជីវៈចម្រុះ​នៃ​អគ្គនាយកដ្ឋាន​គោលនយោបាយ និង​យុទ្ធសាស្ត្រ ក្រសួងបរិស្ថាន សហការ​ជាមួយ​អង្គការ​សត្វព្រៃ និង​រុក្ខជាតិ​កម្ពុជា FFI តាម​រយៈ​គម្រោង​អភិរក្ស​ជីវៈចម្រុះ ដើម្បី​កាត់​បន្ថយ​ហានិភ័យ​នៃ​ជំងឺឆ្លង​ដែល​បានការ​ឧបត្ថម្ភ​ថវិកា​ពី​សហភាព​អឺរ៉ុប និង​មន្ត្រី​នៃ​មន្ទីរ​បរិស្ថាន​ខេត្តបាត់ដំបង ព្រមទាំង​អាជ្ញាធរ​ដែនដី បាន និង​កំពុង​ចុះ​សិក្សា​ស្រាវជ្រាវ​ពី​ប្រភេទ​ឧរង្គសត្វ និង​ថលជលិក​សត្វ នៅ​តាម​បណ្តា​ភ្នំ​ថ្មកំបោរ ដែល​មាន​ដូច​ជា ភ្នំ​សំពៅ ភ្នំ​ក្តោង ភ្នំ​បាណ​ន់ ភ្នំ​រំសាយសក់ ភ្នំ​តា​គ្រាម ភ្នំ​ក្រពើ និង​ភ្នំ​ខ្ពស់​ជាដើម ស្ថិត​នៅ​ក្នុងស្រុក​បាណ​ន់ ខេត្តបាត់ដំបង ៕

អត្ថបទសរសេរ ដោយ

អត្ថបទសរសេរ ដោយ

កែសម្រួលដោយ