ADផ្ទាំងផ្សព្វផ្សាយពាណិជ្ជកម្ម

Picture

សង្ក្រាន្ត​ឆ្នាំ​ថ្មី​ អាជ្ញាធរ​ខេត្តប៉ៃលិនរៀបចំ​នៅ​ស្ទឹង​តា​រាប រាំ​កម្សាន្ត​បណ្តើរ ចុះ​ងូត​ទឹក​បណ្តើរ​ឱ្យ​ត្រជាក់​កាយ​សប្បាយចិត្ត

1 ខែ មុន

ខេត្ត​ប៉ៃលិន ៖ ដើម្បី​ញ៉ាំង​ការ​លេង​កម្សាន្ត នា​ឱកាស​បុណ្យចូលឆ្នាំ​ថ្មី ប្រពៃណី​ជាតិខ្មែរ នៅ​ក្នុង​ដងស្ទឹង​តា​រាប ស្ថិត​នៅ​ក្នុងភូមិ​អូរ​ច្រា សង្កាត់​ទួល​ល្វា ក្រុងប៉ៃលិន ខេត្ត​ប៉ៃលិន…

ខេត្ត​ប៉ៃលិន ៖ ដើម្បី​ញ៉ាំង​ការ​លេង​កម្សាន្ត នា​ឱកាស​បុណ្យចូលឆ្នាំ​ថ្មី ប្រពៃណី​ជាតិខ្មែរ នៅ​ក្នុង​ដងស្ទឹង​តា​រាប ស្ថិត​នៅ​ក្នុងភូមិ​អូរ​ច្រា សង្កាត់​ទួល​ល្វា ក្រុងប៉ៃលិន ខេត្ត​ប៉ៃលិន ឱ្យ​កាន់តែ​មាន​ភ្ញៀវ​ទេសចរ​ជាតិ និង​អន្តរជាតិ​ឱ្យ​ចូល​មក​លេង​កម្សាន្ត នៅ​ក្នុង​ខេត្ត​ប៉ៃលិន ឱ្យ​កាន់តែ​មាន​ភាព​ទាក់ទាញ រហូត​មក​ដល់​ព្រឹក​ថ្ងៃ​ទី​១៩ ខែមីនា ឆ្នាំ​២០២៤ រដ្ឋបាល​ខេត្ត​ប៉ៃលិន បាន​ចាត់​ឱ្យ​មន្ត្រី​ក្រោម​ឱវាទ​នាំ​យក​គ្រឿងចក្រ​អេ​ស្កា​វ៉ា​ទ័​រ ទៅ​ឈូស​ពង្រាប​ដុំ​ថ្ម​នៅ​បាត​ស្ទឹង​តា​រាប និង​ធ្វើ​ទំនប់​ទប់ទឹក​សម្រាប់​បង្ក​ការ​ជិះទូក​អុំ​លេង​កម្សាន្ត និង​ហែល​លេង ឱ្យ​ត្រជាក់​កាយ​សប្បាយចិត្ត​ផង​ដែរ ។

បើ​តាម​កា​រៀបរាប់​ពី​លោក ហុ​ក សុផល អភិបាលរង​ខេត្ត​ប៉ៃលិន បានឱ្យ​ភ្នាក់ងារ​យើង​ដឹង​ថា រហូត​មក​ដល់​ពេល​នេះ រដ្ឋបាល​ខេត្ត​ប៉ៃលិន ក្រោម​ការ​ដឹកនាំ​ពី​សំណាក់​លោក​ជំទាវ បាន ស្រី​មុំ អភិបាលខេត្ត​ប៉ៃលិន បាន​ចាត់​ឱ្យ​លោក​នាំ យក​គ្រឿងចក្រ​អេ​ស្កា​វ៉ា​ទ័​រ ទៅ​ឈូស​ពង្រាបដី ដែល​មាន​ថ្ម​នៅ​ក្នុង​ស្ទឹង​តា​រាប សម្រាប់​ទាំ​ក់​ទាញ​ភ្ញៀវ​ទេសចរ​ជាតិ និង​អន្តរជាតិ ឱ្យ​ចូល​មក​លេង​កម្សាន្ត នា​ឱកាស​បុណ្យ​ឆ្នាំ​ថ្មី ប្រពៃណី​ជាតិខ្មែរ​ខាង​មុខ កាន់តែ​ច្រើន​កុះករ ។

លោក​បន្ត​ទៀត​ថា នៅ​ថ្ងៃ​សង្ក្រាន្ត​ឆ្នាំ​ថ្មី ២០២៤ រដ្ឋបាល​ខេត្ត​ប៉ៃលិន នឹង​នាំ​ប្រជាពលរដ្ឋ រាំ​លេង​កម្សាន្ត នៅ​កន្លែង​ខាងលើ ដោយ​មាន​សង់​ធ្វើ​រោង នៅ​ក្នុង​ស្ទឹង កន្លែង​គ្មាន​ទឹក ដែល​បាន​ឈូស​ឆាយ​រួចរាល់​។ មិនតែប៉ុណ្ណោះ ក៏​មាន​ទុក​ប្រឡាយ​ទឹក​ឱ្យ​ហូរ​គ្រឿន​ៗ សម្រាប់​ភ្ញៀវ​ចុះ​ងូត​លេង​បណ្តើរ និង​ចូល​ទៅ​រាំ​កម្សាន្ត​បណ្តើរ ដើម្បី​ឱ្យ​ត្រជាក់​កាយ​សប្បាយចិត្ត ។

លោក​បន្ត​ទៀត​ថា នៅ​ថ្ងៃ​ចូល​ឆ្នាំ​ថ្មី ប្រពៃណី​ជាតិខ្មែរ ឆ្នាំ​២០២៤ ខាង​មុខ​នេះ ដឹង​តែ​សប្បាយ​ជាង​ឆ្នាំ​មុន​ៗ ព្រោះ​រដ្ឋបាល​ខេត្ត​ប៉ៃលិន បាន​ចាត់ចែង​ឱ្យ​មន្ត្រី​ក្រោម​ឱវាទ ចុះ​រៀបចំ​គ្រប់​ទីកន្លែង​ក្នុង​ក្រុងប៉ៃលិន ត្រូវ​ចំណាយពេល​ជាង​១​ខែ​មុន ដើម្បី​មើល​ថា តើ មាន​កន្លែង​ណា​ខ្វះខាត នឹង​បន្ថែម​រៀបចំ​ឱ្យ​កាន់តែ​ស្អាត​ទាក់ទាញ ។

ចំណែក​លោក សុ​ភ័ក្ត្រ ជា​មេការ​គ្រឿងចក្រ​ខាងលើ ក៏​បាន​លើក​ឡើង​ដែរ​ថា ពេល​នេះ មាន​កន្លែង​រាំ​លេង​កម្សាន្ត​ធំ​ទូលាយ ព្រោះ​ខាង​ខេត្ត​ប៉ៃលិន ឱ្យ​គ្រឿងចក្រ​របស់​លោក ឈូស​ឆាយ​ពង្រាបដី​ថ្ម នៅ​ក្នុង​បាត​ស្ទឹង​ឱ្យ​រាបស្មើ ដែល​អាច​នឹង​បង្ក​ភាព​ងាយស្រួល​ក្នុង​ការ​ដាក់​ធុងបាស ព្រមទាំង​សង់រោង​រាំ​លេង​កម្សាន្ត​ផង​ដែរ ។

លោក​បន្ត​ទៀត​ថា ឆ្នាំ​ថ្មី​នេះ ខុស​ប្លែក​ពី​ឆ្នាំ​មុន​ៗ​ច្រើន ដោយ​ខាង​រដ្ឋបាល​ខេត្ត បាន​ចាត់​ឱ្យ​មន្ត្រី​ក្រោម​ឱវាទ​របស់​ខ្លួន នាំ​គ្នា​រៀបចំ​តុបតែង​ដូច​ភ្លៀងរលឹម គឺ​រៀបចំ​ស្ទើរ​គ្រប់​ច្រកល្ហក នៅ​ក្នុង​ក្រុងប៉ៃលិន​។ លោក​ក៏​នឹង​នាំ​ប្រពន្ធ​កូន​ពី​ខេត្តបន្ទាយមានជ័យ ចូល​ទៅ​លេង​កម្សាន្ត​នៅ​ក្នុង​ខេត្ត​ប៉ៃលិន នា​ឱកាស​បុណ្យចូលឆ្នាំ​ថ្មី ប្រពៃណី​ជាតិខ្មែរ​ខាង​មុខ​នេះ​ដែរ ព្រោះ​រដ្ឋបាល​ខេត្ត​ប៉ៃលិន បាន​ចាត់ចែង​រៀបចំ​គួរ​ឱ្យ​ទាក់ទាញ ៕

អត្ថបទសរសេរ ដោយ