ខេត្តស្វាយរៀង ៖ កម្មករកម្មការនីរោងចក្រផលិតស្បែកជើងកីឡាជាង១ពាន់នាក់លើកគ្នាតវ៉ា និងធ្វើកូដកម្មមិនចូលធ្វើការមូលហេតុថៅកែរោងចក្រជនជាតិចិនផ្អាកការងារកម្មករកម្មការនីដោយគ្មានមូលហេតុនិងមិនបើកប្រាក់ខែឲ្យកម្មករនិយោជិក តាមកាលកំណត់និងមិនគោរពតាមកិច្ចព្រមព្រៀងរបស់ក្រុមការងារដោះស្រាយវិវាទនៃមន្ទីរការងារនិងបណ្តុះបណ្តាលវិជ្ជាជឋិវៈខេត្តស្វាយរៀង។
ករណីនេះបានកើតឡើងនៅវេលាម៉ោង៧និង៣០នាទីព្រឹកថ្ងៃទី២២ ធ្នូ ឆ្នាំ២០២៥ នៅក្នុងរោងចក្រផលិតស្បែកជើងកីឡា ស្ថិតនៅភូមិព្រៃតាអីឃុំព្រៃតាអីស្រុកស្វាយទាប។
បើតាមតំណាងកម្មករកម្មការនីបានប្រាប់កោះសន្តិភាពឱ្យដឹងថា ការបន្តធ្វើកូដកម្មនេះគឺ មូលហេតុថៅកែររោងចក្រមិនគោរពតាមការសន្យានាថ្ងៃទី២០ ធ្នូ ឆ្នាំ២០២៥ យល់ព្រមបើកប្រាក់ឲ្យកម្មករនិយោជិតនៅព្រឹកថ្ងៃទី២២ ធ្នូ ឆ្នាំ២០២៥នេះតែមិនគោរពពាក្យសំដីខ្លួន។
សូមរំលឹកផងដែរ កាលពីព្រឹកថ្ងៃទី២០ ធ្នូ ឆ្នាំ២០២៥ កម្មករនិយោជិតបានលើកគ្នាកូដកម្មតវាឲ្យថៅកែ រោងចក្រគោរពគោលការច្បាប់ការងារ នៃព្រះរាជាណាចក្រកម្ពុជា និងបើកប្រាក់ឈ្នួលតាមកាលកំណត់។ប្រភពបន្តថា ថៅកែរោងចក្រជនជាតិចិនបានផ្អាកការងារកម្មករនិយោជិកដោយគ្មានមូលហេតុ មិនបានប្រាប់មុន ហើយមិនបើកប្រាក់ឈ្នួលឲ្យកម្មករកម្មការនីតាមកាលកំណត់។
ទាក់ទិនករណីនេះដែរលោកអ៊ូ សាខឿន ប្រធានមន្ទីរការងារនិងបណ្តុះបណ្តាលវិជ្ជាជីវៈខេត្តស្វាយរៀងបានមានប្រសាសនារសៀលនេះថា ការដែលកម្មករកម្មការនីធ្វើកូដកម្មនេះផ្តើមឡើងដោយថៅកែរោងចក្រផ្អាកការងារកម្មករកម្មការនី គឺក្រុមហ៊ុន កាត់បន្ថយបុគ្គលិក កម្មករនិយោជក់ ដោយក្រុមហ៊ុនមានបញ្ហារអាក់រអួលពីអ្នកបញ្ជាទិញ ។ ដូច្នេះត្រូវកាត់បន្ថយការផលិត និងកាត់បន្ថយកម្មករនិយោជក់ យើយថៅកែរោងចក្រមិនបានផ្សព្វផ្សាយឲ្យបានទូលំទូលាយដល់កម្មរកម្មការិនីនិយោជក់បានដឹងទេ ស្រាប់តែបញ្ឈប់ការងារតែម្តង។ទី២-ការបើកប្រាក់ឈ្នួលមិនទាន់តាមកាលកំណត់។
ចំពោះកម្មករនិយោជក់ដែលមានឈ្មោះផ្អាកការងារ ទាមទាឲ្យថៅកែរោងចក្រអនុវត្តតាមគោលការច្បាប់ការងារ ត្រូវបើកប្រាក់ផលប្រយោជន៍ ជូនកម្មករនិយោជក់ដែលបានបញ្ឈប់ ។
លោកអ៊ូ សាខឿន បានបញ្ជាក់ថា រហូតមកដល់ម៉ោង២និង១០នាទីរសៀលនេះក្រុមការងារនៃមន្ទីរការងារនិងបណ្តះបណ្តាលវិជ្ជាជីវៈខេត្តបានសម្របសម្រួលរហូតបានដោះស្រាយបញ្ចប់ដល់កិច្ចព្រមព្រៀងតាមសំណើររបស់កម្មករកម្មការនីទាមទារ ហើយកម្មករកម្មការនីបានរំសាយរួចនាំគ្នាត្រឡប់ទៅផ្ទះរៀងៗខ្លួននិងចូលមកធ្វើការវិញនៅព្រឹកថ្ងៃចន្ទ័ទី២២ ធ្នូ ឆ្នាំ២០២៥។
ប្រភពបញ្ជាក់ថា ជាក់ស្តែងនៅព្រឹកថ្ងៃចន្ទ័ទី២២ធ្នូនេះថៅកែចិនមិនព្រមបើកប្រាក់ឈ្នួលឲ្យកម្មករនិយោជិត ជាពិសេសកម្មករនិយោជិតដែលត្រូវបានថៅកែរបញ្ឈប់ការងារ កម្មករនិយោជិតបានសំណូមពរសូមក្រុមការងារដោះស្រាយវិវាទនៃក្រសួងមន្ទីរការងារមេត្តាដោយស្រាយជូនកម្មករតាមច្បាប់ការងារនៃព្រះរាជាណាចក្រកម្ពុជា៕
ចែករំលែកព័តមាននេះ