រាជធានីភ្នំពេញ ៖ ទឹកកខ្វក់ដែលមានជាតិរអិលដូចជាប្រេងម៉ាស៊ីន ឬខ្លាញ់មកលើផ្លូវលេខ២១៧ ហៅផ្លូវចំការដូង ត្រង់ចំណុចផ្លូវចូលទៅទីលានចាក់សំរាម ភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ…
រាជធានីភ្នំពេញ ៖ ទឹកកខ្វក់ដែលមានជាតិរអិលដូចជាប្រេងម៉ាស៊ីន ឬខ្លាញ់មកលើផ្លូវលេខ២១៧ ហៅផ្លូវចំការដូង ត្រង់ចំណុចផ្លូវចូលទៅទីលានចាក់សំរាម ភូមិតាឡី សង្កាត់ដង្កោ ខណ្ឌដង្កោ រាជធានីភ្នំពេញ ដែលអាចបង្កឱ្យយម៉ូតូជាច្រើនគ្រឿងរអិលដួល និងបង្កឲ្យមានគ្រោះថ្នាក់ជាបន្តបន្ទាប់ កាលពីវេលាព្រឹកថ្ងៃទី១៨ ខែមីនា ឆ្នាំ២០២៤ ។
ក្រោយពេលឃើញស្ថានភាពអាក្រក់បែបនេះ រដ្ឋបាលខណ្ឌដង្កោ បានទាក់ទងទៅកាន់ក្រុមហ៊ុនមួយនេះភ្លាមៗ ឲ្យបញ្ចេញរថយន្តទឹករបស់ខ្លួន ទៅបាញ់លាងសម្អាតផ្លូវឡើងវិញជាបន្ទាន់ផងដែរ និងបានណែនាំឲ្យក្រុមហ៊ុននេះ ជួយទប់ស្កាត់អំពីបញ្ហានេះផង ។
សង្កេតឃើញរថយន្តដឹកសំរាមបានបើកបរតាមផ្លូវលេខ២១៧នេះ យ៉ាងមមារញឹករាល់ថ្ងៃ ហើយទឹកកខ្វក់ ដែលនៅក្នុងសំរាមតែងតែហូរចេញមកធ្លាក់លើផ្លូវ ជាពិសេសនៅត្រង់ចំណុចផ្លូវបត់ចូលទៅកាន់ទីលានចាក់សំរាម។ ប៉ុន្តែថ្ងៃខ្លះហូរមកតិចមិនអីទេ គ្រាន់តែធំក្លិនស្អុយប៉ុណ្ណោះ បើថ្ងៃណាហូរច្រើនបានធ្វើឲ្យរអិលហើយមានម៉ូតូជាច្រើនគ្រឿងបានដួលបង្កឲ្យមានគ្រោះថ្នាក់កើតឡើង ដូចជានៅព្រឹកថ្ងៃទី១៨ ខែមីនា ឆ្នាំ២០២៤នេះ ហើយនេះពុំមែនជាលើកទី១ឡើយ ។
លោក ហ៊ាង ញ៉ អនុប្រធានការិយាល័យសាធារណការដឹកជញ្ជូន អនាម័យបរិស្ថានខណ្ឌដង្កោ បានប្រាប់ឲ្យដឹងថា បន្ទាប់ពីមានហេតុការណ៍ខាងលើកើតឡើង នៅព្រឹកដដែលនោះ លោក ជ ចាន់ស៊ាង អភិបាលរងខណ្ឌដង្កោ បានអនុញ្ញាតឲ្យរូបលោកដឹកនាំកម្លាំងចុះទៅពិនិត្យមើលនៅទីនោះ ពិតជារអិលបណ្ដាលឲ្យម៉ូតូដួលច្រើនគ្រឿង ។
ចែករំលែកព័តមាននេះ