រាជធានីភ្នំពេញ ៖ ឥឡូវនេះកូនអ្នកកាន់តែធំហើយ តើធ្វើម៉េចទើបដឹងថា អ្នកកំពុងចិញ្ចឹមកូនបានល្អ ? ធ្វើម៉េចទើបដឹងថា អ្នកកំពុងធ្វើជាឪពុកម្តាយដ៏ល្អនោះ ? ដើម្បីជួយអ្នកឱ្យយល់កាន់តែច្បាស់អំពីបច្ចុប្បន្ន សូមព្យាយាមស្វែងយល់អំពីអតីតកាលពេលពួកគេនៅក្មេងទៅមើល ។ គិតឡើងវិញអំពីបទពិសោធន៍នានាជាមួយកូនរបស់អ្នក នៅពេលពួកគេនៅតូច ទើបចេះដើរតេះតះ និងថ្ងៃចូលរៀនដំបូងជាដើម ។
អ្នកអាចសួរខ្លួនឯងថា តើឪពុកម្ដាយណាខ្លះដែលសកម្ម ហើយធ្វើបានល្អដូចអ្នក ? តើអ្នកបានដើរតួនាទីសំខាន់ក្នុងគ្រួសារ ឬមួយក៏អ្នករវល់តែជាមួយការងារ មិនសូវមានពេលទំនេរនៅជាមួយកូនទេ ? តើបទពិសោធន៍ចិញ្ចឹមកូនល្អៗ និងគ្រួសារដ៏រីករាយបំផុតរបស់អ្នកក្នុងអំឡុងប៉ុន្មានឆ្នាំនេះមានអ្វីខ្លះ ? ។ ចាប់តាំងពីឆ្នាំដំបូងនៃជីវិតរបស់កូនអ្នក បច្ចេកទេសចិញ្ចឹមកូនរបស់អ្នកប្រហែលជាបានផ្លាស់ប្តូរ ។ ប្រហែលជាអ្នកមានការព្រួយបារម្ភខ្លាំងណាស់ក្នុងនាមជាឪពុកម្តាយថ្មី ប៉ុន្តែឥឡូវនេះ អ្នកបែរជាមានទំនុកចិត្ត និងសប្បាយរីករាយទៅវិញ ។
សួរខ្លួនឯងនូវសំណួរមួយចំនួនដូចជា តើអ្នករៀនសូត្របានអ្វីខ្លះក្នុងនាមជាឪពុកម្តាយ ? តើជំនាញណាខ្លះដែលពិបាករៀនជាងគេ ? តើអ្វីជាលក្ខណៈសម្បត្តិដ៏ល្អបំផុតរបស់អ្នកក្នុងនាមជាឪពុកម្តាយរបស់កូនតូច ? តើផ្នែកណាខ្លះដែលអ្នកមានបញ្ហាច្រើនជាងគេ ? តើអ្នកចង់ផ្លាស់ប្ដូរអ្វីខ្លះអំពីខ្លួនអ្នកក្នុងនាមជាឪពុកម្ដាយពេលកូនធំឡើង ? តើអ្នកបានជោគជ័យប៉ុនណាក្នុងការធ្វើការផ្លាស់ប្តូរទាំងនោះ ? ។
សូមចងចាំថា នៅពេលដែលកូនរបស់អ្នកធំឡើង អ្នក និងគ្រួសារទាំងមូលក៏ត្រូវផ្លាស់ប្តូរផងដែរ ។ អ្នកកំពុងបន្តតាមរយៈការអភិវឌ្ឍន៍ផ្ទាល់ខ្លួនរបស់អ្នកក្នុងនាមជាឪពុកម្តាយ ។
ទោះបីជាអ្នកបានធ្វើកំហុសឆ្គងមួយចំនួនក្នុងកំឡុងប៉ុន្មានឆ្នាំដំបូងក៏ដោយ អ្នកអាចកែប្រែវាឥឡូវនេះ ។ ប្រសិនបើអ្នកខកខានបទពិសោធន៍ និងភាពរីករាយមួយចំនួនក្នុងគ្រួសារ ដោយសារអ្នករវល់ធ្វើការខ្លាំងពេក អ្នកនៅតែមានពេលច្រើនឆ្នាំខាងមុខទៀត ដើម្បីរីករាយជាមួយប្តី/ប្រពន្ធ និងកូនរបស់អ្នក ។
ជាទូទៅ កុមារមានការយល់ដឹង និងអត់ទោសដល់ឪពុកម្តាយរបស់ពួកគេចំពោះកំហុស និងការខកខានមួយចំនួន ។ ប្រសិនបើអ្នកមិននៅក្បែរកូនពេលកូនរៀនដើរ ឬរៀនជិះកង់ដំបូងទេ អ្នកនៅអាចនៅទីនោះ នៅក្បែរកូនសម្រាប់ព្រឹត្តិការណ៍ពិសេសផ្សេងទៀតដែលនឹងមកដល់ ដូចជាការប្រឡងតន្ត្រី ការប្រកួតកីឡា ការប្រឡងបញ្ចប់ ឬថ្ងៃទទួលសញ្ញាបត្រជាដើម ។
បទពិសោធន៍ការចិញ្ចឹមកូនបច្ចុប្បន្នរបស់អ្នក សូមចំណាយពេលខ្លះ គិតអំពីរបៀបដែលអ្នកកំពុងធ្វើក្នុងនាមជាឪពុកម្តាយ ក្នុងកំឡុងឆ្នាំពាក់កណ្តាលនៃកុមារភាពរបស់កូនអ្នក ។ នេះគឺជាពេលវេលាដ៏លំបាកមួយ ដែលកូនរបស់អ្នកកំពុងស្វែងរកឯករាជ្យភាពកាន់តែច្រើន និងកំពុងសួរអំពីច្បាប់របស់គ្រួសារ ។ ពីពេលមួយទៅពេលមួយ អ្នកប្រហែលជាត្រូវជួយគាត់ជាមួយនឹងបញ្ហាទាក់ទងនឹងសាលា ។ គេនឹងកំពុងអភិវឌ្ឍទំនាក់ទំនងមិត្តភ័ក្តិបន្ថែមទៀត ហើយទំនាក់ទំនងរបស់គាត់ជាមួយបងប្អូនបង្កើតអាចផ្លាស់ប្តូរ ។
តើអ្នកចិញ្ចឹមកូនរបស់អ្នកបានល្អប៉ុនណា ក្នុងអំឡុងពេលនេះក្នុងជីវិតរបស់ពួកគេ ? តើអ្នកធ្វើបានល្អនៅតំបន់ណាខ្លះ ? តើអ្នកគិតថា អ្នកត្រូវការជំនួយបន្ថែមនៅឯណា ? បញ្ហាជីវិតបច្ចុប្បន្នរបស់អ្នក សម្រាប់បុរស និងស្ត្រីជាច្រើន ភាពតានតឹងក្នុងជីវិតរបស់ពួកគេរំខានដល់សមត្ថភាពរបស់ពួកគេក្នុងការធ្វើជាឪពុកម្តាយ ។ ឧទាហរណ៍ ប្រសិនបើពួកគេមិនសប្បាយចិត្តនឹងការងារ នោះពួកគេអាចត្រឡប់ទៅផ្ទះវិញដោយមិនសប្បាយចិត្ត ហត់នឿយ រវល់ និងតានតឹង បន្ទាប់មកក៏មិនអាចដោះស្រាយកិច្ចការគ្រួសារឱ្យមានប្រសិទ្ធភាព ។
សូមចំណាយពេលបន្តិច ដើម្បីវាយតម្លៃថា តើអ្នកមានអារម្មណ៍យ៉ាងណា ចំពោះទិដ្ឋភាពសំខាន់ៗទាំងនេះ និងទិដ្ឋភាពសំខាន់ៗផ្សេងទៀតនៃជីវិតរបស់អ្នក ។ អាជីព និងមុខរបររបស់អ្នក, ទំនាក់ទំនងរបស់អ្នកនៅកន្លែងធ្វើការ, ស្ថានភាពរស់នៅ និងលុយកាក់របស់អ្នក រួមទាំងផ្ទះសំបែង, របៀបរស់នៅរបស់អ្នក រួមទាំងពេលវេលាសម្រាប់ខ្លួនអ្នក និងសកម្មភាពកម្សាន្ត ។
ប្រសិនបើអ្នករវល់ច្រើន អ្នកក៏ត្រូវមានពេលសម្រាប់គ្រួសារ ។ ឪពុកម្តាយភាគច្រើន គឺជាមនុស្សដែលសប្បាយចិត្តជាងអ្នកគ្មានកូន នៅពេលដែលពួកគេចំណាយពេលសម្រាប់អ្វីដែលពួកគេពេញចិត្ត ។ អ្នកត្រូវចំណាយពេលបន្ថែម ដើម្បីនៅជាមួយកូន មិនថាជាការជជែកគ្នាលេង មើលទូរទស្សន៍ ឬលេងហ្កេមជាមួយគ្នានោះទេ ។ តាមការពិត ដរាបណាអ្នកកំពុងទុកពេលខ្លះសម្រាប់កូនរបស់អ្នក ពួកគេប្រហែលជាមានអារម្មណ៍ល្អដោយដឹងថា អ្នកកំពុងស្វែងរកចំណាប់អារម្មណ៍ដែលអ្នកពិតជាចូលចិត្ត ៕ ប្រភព ៖ 21kschool
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀននឹងបើកដំណើរការសាខាថ្មី ៣ បន្ថែមទៀតនៅពេលខាងមុខនេះ គឺសាខាក្រុងតាខ្មៅ សាខាទួលពង្រ និងសាខាក្រុងច្បារមន ខេត្តកំពង់ស្ពឺ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។
លើសពីនេះ សាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ