ខេត្តស្វាយរៀង ៖ មានករណីគ្រោះថ្នាក់ចរាចរណ៍មួយ បង្កឡើងដោយរថយន្តក្រុងដឹកកម្មករ-កម្មការិនី បុកជាមួយម៉ូតូ បណ្តាលឲ្យអ្នកបើកបរម៉ូតូ និងអ្នករួមដំណើរ រងរបួសធ្ងន់ធ្ងរ ។ ករណីនេះបានកើតឡើងនៅវេលាម៉ោង០៧និង៣៥នាទីព្រឹកថ្ងៃទី១៦…
ខេត្តស្វាយរៀង ៖ មានករណីគ្រោះថ្នាក់ចរាចរណ៍មួយ បង្កឡើងដោយរថយន្តក្រុងដឹកកម្មករ-កម្មការិនី បុកជាមួយម៉ូតូ បណ្តាលឲ្យអ្នកបើកបរម៉ូតូ និងអ្នករួមដំណើរ រងរបួសធ្ងន់ធ្ងរ ។
ករណីនេះបានកើតឡើងនៅវេលាម៉ោង០៧និង៣៥នាទីព្រឹកថ្ងៃទី១៦ ខែមីនា ឆ្នាំ២០២៤ នៅចំណុចខាងមុខតំបន់សេដ្ឋកិច្ចពិសេស សានតុង ស្ថិតនៅភូមិសាមគ្គី សង្កាត់ច្រកម្ទេស ក្រុងបាវិត ។
បើតាមសមត្ថកិច្ច បានឲ្យដឹងថា មុនពេលកើតហេតុ គេឃើញជនរងគ្រោះ បើកបរម៉ូតូ ពីទិសខាងកើតមកលិច លុះមកដល់កន្លែងកើតហេតុខាងលើ ក៏មានរថយន្តក្រុង ១គ្រឿង ដឹកកម្មករ-កម្មការិនី បើកមកពីទិសខាងលិចទៅកើត បើកវ៉ាជែងរថយន្តដឹកកម្មករដូចគ្នា ក៏ជ្រុលចង្កូតទៅបុកជាមួយម៉ូតូជនរងគ្រោះ ចំពីមុខពេញទំហឹង ខ្ទាតធ្លាក់ទៅចិញ្ចើមថ្នល់ខាងឆ្វេង បណ្តាលឲ្យជនរងគ្រោះ និងអ្នករួមដំណើររងបួសធ្ងន់ធ្ងរតែម្តង ។
មហាជនបានលើកឡើងថា អ្នកបើកបររថយន្តដឹកកម្មករនេះ គឺបើកបរគ្មានគោរពច្បាប់ចរាចរណ៍ទេ ពោលគឺពេលព្រឹកចាប់ពីម៉ោង៦និង៣០នាទីព្រឹកទៅ រហូតម៉ោង០៧និង៣០នាទីព្រឹក ធ្វើចរាចរណ៍លើដងផ្លូវ គឺគ្មានសណ្តាប់ធ្នាប់ឡើយ បើកវ៉ាជែងគ្នា ពេញផ្លូវ ៣ជួរក៏មាន បង្កឲ្យស្ទះចរាចរណ៍ អ្នកធ្វើដំណើរគ្មានសល់ផ្លូវ អាចធ្វើដំណើរបានទេ ទោះបីមានសមត្ថកិច្ច ឈរធ្វើចរាចរណ៍ក៏ដោយ បង្កឲ្យកកស្ទះ និងគ្រោះថ្នាក់ចរាចរណ៍ស្ទើររាល់ថ្ងៃ នៅលើកំណាត់ផ្លូវជាតិលេខ១។ ហើយពេលល្ងាចវិញ ម៉ោងកម្មករកម្មការិនីចេញពីធ្វើការរោងចក្រ ម៉ោង៤និង១០នាទីរសៀល រថយន្តដឹកកម្មករ បើកបរ និងឈប់ដាក់កម្មករ ឲ្យឡើងឡាន គឺឈប់រថយន្តពេញផ្លូវ ចាប់ពីខាងមុខតំបន់សេដ្ឋកិច្ចពិសេស មេនហាតធេនក្រុងបាវិត គឺស្ទះចរាចរណ៍ រាល់ថ្ងៃ ដោយសារម៉ូតូកម្មករផង និងរថយន្តដឹកកម្មករ បើកបរគ្មានសណ្តាប់ធ្នាប់ បើកបរពេញថ្នល់តែម្តង វ៉ាជែងគ្នាមិនប្រកាន់ស្តាំ ទើបជួបគ្រោះថ្នាក់ចរាចរណ៍បែបនេះ ៕
ចែករំលែកព័តមាននេះ