រដ្ឋមន្ត្រីក្រសួងការងារថៃ លោក Phiphat Ratchakitprakarn បាននិយាយកាលពីថ្ងៃព្រហស្បតិ៍ថា ប្រទេសកូរ៉េខាងត្បូងបានយល់ព្រមផ្តល់ការងារចំនួន ៥.៥០០កន្លែងបន្ថែមទៀតដលពលករថៃនៅឆ្នាំនេះ។លោក​បាន​បន្ត​ថា ការបន្ថែមនេះក៏ដោយមាន​តម្រូវការ​ខ្ពស់​សម្រាប់​កម្លាំង​ពលកម្ម​ជំនាញ​ទាប​ក្នុង​ប្រទេស​កូរ៉េ​ខាង​ត្បូង ជា​ពិសេស​ក្នុង​ឧស្សាហកម្ម​ខ្នាត​តូច និង​មធ្យម ព្រម​ទាំង​វិស័យ​កសិកម្ម និង​សេវាកម្ម។

រដ្ឋមន្ត្រីបាននិយាយថា បន្ទាប់ពីការចរចាប្រកបដោយជោគជ័យរវាងអាជ្ញាធរការងារនៃប្រទេសទាំងពីរ កូរ៉េខាងត្បូងបានយល់ព្រមផ្តល់ការងារចំនួន ៥,៥០០បន្ថែមទៀតសម្រាប់ជនជាតិថៃក្នុងកូតារបស់ខ្លួនសម្រាប់ពលករបរទេសដែលកើនឡើង ១៥% ធៀបនឹងឆ្នាំមុន។ លោកបាននិយាយថា អាជ្ញាធរកូរ៉េខាងត្បូងពេញចិត្តនឹងដំណើរការប្រកបដោយតម្លាភាព និងប្រសិទ្ធភាពរបស់នាយកដ្ឋានការងារថៃក្នុងការជ្រើសរើសពលករសម្រាប់ប្រទេសកូរ៉េខាងត្បូង។

លោក Phiphat កាលពីថ្ងៃព្រហស្បតិ៍បានជួបជាមួយរដ្ឋមន្ត្រីការងារ របស់កូរ៉េខាងត្បូង លោក Lee Jung-Sik នៅទីក្រុងសេអ៊ូល ដើម្បីពិភាក្សាអំពីការពង្រីកកូតាពលករសម្រាប់ប្រទេសថៃ និងដំណោះស្រាយដែលអាចកើតមានចំពោះបញ្ហាជនអន្តោប្រវេសន៍ថៃដែលធ្វើការខុសច្បាប់នៅក្នុងប្រទេសកូរ៉េខាងត្បូង។ លោក Phiphat បានបន្ថែមទៀតថាប្រទេសកូរ៉េខាងត្បូងចង់ឱ្យប្រទេសថៃបញ្ជូនពលករក្នុងវិស័យសេវាកម្ម និងទេសចរណ៍ទៅធ្វើការនៅក្នុងសណ្ឋាគារ រមណីយដ្ឋាន និងភោជនីយដ្ឋានរបស់ប្រទេសខ្លួន។

លោករដ្ឋមន្ត្រីបាននិយាយថា មន្ត្រីកូរ៉េខាងត្បូងដែលគាត់បានជួបក៏បានសន្យាថានឹងជួយលើកកម្ពស់ប្រាក់ចំណូល សុខុមាលភាព ជំនាញ និងជីវភាពរស់នៅរបស់ពលករថៃ។

មន្ត្រីរូបនេះបានបន្ថែមថា ទាំងប្រទេសថៃ និងកូរ៉េខាងត្បូង នឹងទទួលបានអត្ថប្រយោជន៍ពីការរៀបចំនេះ ដោយសារពលករថៃអាចជួយជំរុញសេដ្ឋកិច្ចកូរ៉េខាងត្បូង ស្របពេលដែលការលើកកម្ពស់គុណភាពជីវិតរបស់ពួកគេ ដោយសារប្រាក់ឈ្នួលកាន់តែខ្ពស់៕ ប្រភព៖ The Nation Thailand